MARKUS 4:10 - KITTA' MATANGKASA'

¹⁰ Ri wattunna Kale-kalenNa mami Isa, battumi ana'-ana' gurunNa siagang tau le'baka allangngerekai pangngajara'Na. Nasuro pakasingara'mi ke'nanga battuanna anjo pangngebaranga.

MARKUS 4:10 ပူးပေါင်းရင်းမြစ်များ

PANGNGEBARANG 13:20

Tau assileporanga siagang tau cara'deka, la'jari cara'deki; tau assileporanga siagang tau toloa, lacilakai.

MATIUS 13:3

Nampa Naajara' Isa ke'nanga a'rupa-rupa pangngajarang, lalang se're pangngebarang. Nakana, “Nia' sitau pamarri appakioro' bine.

MATIUS 13:36

Le'baki anjo, Nabokoimi Isa anjo tau jaia, nampa antama' ri balla'. Battumi ana'-ana' gurunNa akkuta'nang angkana, “Kipakasingara' sai ri kambe battuanna anjo pangngebarang rea attimboa ri alla'na asea.”

MARKUS 4:11

Nakanamo Isa ri ke'nanga, “Le'ba' mako nisare pangngassengang sollanna nuasseng rahasiana angkanaya antekamma batena ammarenta Allata'ala. Mingka tau maraenga ammakepi pangngebarang punna niajara' ke'nanga,

MARKUS 4:34

Punna Naajara' taua ammakei pangngebarang. Mingka punna Ia mami siagang ana'-ana' gurunNa, Napakasingara' ngasemmi battuanna anjo pangngebaranga mae ri ke'nanga.

MARKUS 4:9

Le'baki Nacarita Isa anjo pangngebaranga, Nakanamo, “Nasaba' nia' ngaseng tolinnu, pilangngerimi!”

MARKUS 7:17

Ri wattunna Nabokoimo Isa anjo tau jaia nampa antama' ri balla', napakkuta'nangammi ana'-ana' gurunNa apa battuanna anjo pangngebarang le'baka Napau Isa.