MARKUS 4:1 - KITTA' MATANGKASA'

¹ Angngajara'mi pole Isa ri biring Tamparang Galilea. Sanna' jaina tau battu allipungi. Jari nai'mi ammempo ri se'reang biseang attompo' ri je'ne'. Na anjo tau jaia anjoreng ngasengi ri biring tamparanga ammenteng.

MARKUS 4:1 ပူးပေါင်းရင်းမြစ်များ

MARKUS 2:13

Ammotere'mi pole Isa mange ri biring Tamparang Galilea. Jaimi tau battu mae ri Ia. Naajara' ngasemmi ke'nanga.

MARKUS 3:7

A'lampami Isa siagang ana'-ana' gurunNa mange ri Tamparang Galilea. Jai sikalimi tau battu ri Galilea ampinawangi Isa. Jai todong battu ri Yudea,

MARKUS 3:9

Lanri sanna' jaina tau, Nasuromi ana'-ana' gurunNa Isa appasadia biseang, untu' KalenNa sollanna akkulle nai' anjoreng na tanisorong-soronga ri tau jaia.

MARKUS 4:36

Jari antama'mi ana'-ana' gurunNa ri biseanga. Nia' memammi Isa antama' riolo ri biseanga. Nabokoimi anjo tau jaia ri biring tamparanga. A'lampami Isa siagang ana'-ana' gurunNa. Nia' todong biseang-biseang maraeng anjoreng.

MARKUS 5:2

Kamma Naunna Isa battu ri biseanga, nia'mo sitau bura'ne assulu' battu ri pa'jerakkanga, mae ri Ia.

MARKUS 5:21

Ammotere'mi pole Isa anta'leang ri ba'leanna anjo tamparanga. Anjoreng ri birinna tamparanga jaimi tau battu a'rappungang ri tammuliliNa Isa.