MARKUS 3:9 - KITTA' MATANGKASA'

⁹ Lanri sanna' jaina tau, Nasuromi ana'-ana' gurunNa Isa appasadia biseang, untu' KalenNa sollanna akkulle nai' anjoreng na tanisorong-soronga ri tau jaia.

MARKUS 3:9 ပူးပေါင်းရင်းမြစ်များ

MATIUS 15:39

Le'baki anjo nampami Nasuro Isa ammotere' anjo tau jaia. Nampa Ia KalenNa, nai'mi ri se'reang biseang, Na'lampa mange ri daera Magadan.

MARKUS 4:1

Angngajara'mi pole Isa ri biring Tamparang Galilea. Sanna' jaina tau battu allipungi. Jari nai'mi ammempo ri se'reang biseang attompo' ri je'ne'. Na anjo tau jaia anjoreng ngasengi ri biring tamparanga ammenteng.

MARKUS 4:36

Jari antama'mi ana'-ana' gurunNa ri biseanga. Nia' memammi Isa antama' riolo ri biseanga. Nabokoimi anjo tau jaia ri biring tamparanga. A'lampami Isa siagang ana'-ana' gurunNa. Nia' todong biseang-biseang maraeng anjoreng.

MARKUS 5:2

Kamma Naunna Isa battu ri biseanga, nia'mo sitau bura'ne assulu' battu ri pa'jerakkanga, mae ri Ia.

MARKUS 5:30

Anjo wattua nakasia' tommi Isa angkanaya nia' kagassingang assulu' battu ri KalenNa. Jari assailemi Isa, nampa Nakuta'nang tau jaia, Nakana, “Inai anseroi jubaKu?”

MARKUS 6:32

Jari a'lampami ke'nanga a'dongko' biseang, mange ri tampa' sino-sinoa.

LUKAS 5:1

Nia' se're wattu nammenteng Isa ri biring Tamparang Genesaret. Jai tau assiassa'-assa', battu ero' allangngereki biritta battua ri Allata'ala.

LUKAS 5:3

Nai'mi Isa ri kalase'renna anjo biseanga, iamintu biseanna Simon. Nampa nasorong Simon anjo biseanga, assulukang sike'de' ri tamparanga. Ammempomi Isa ilalang ri anjo biseanga, nampa Naajara' anjo tau jaia.

YOHANES 6:15

Naassengi Isa angkanaya battui ke'nanga ero' ampassai a'jari karaeng Isa mae ri ke'nanga. Lanri kammana, a'lampami Isa alliliangi KalenNa ri daera a'bonto-bontoa.