MARKUS 3:6 - KITTA' MATANGKASA'

⁶ A'lampami tu Farisia ambokoi anjo balla' sambayanga. Nampa assikongkolo' siagang siapa are ana'-ana'na Herodes, ero' ambunoi Isa.

MARKUS 3:6 ပူးပေါင်းရင်းမြစ်များ

MATIUS 12:14

Mingka a'lampami anjo tu Farisia, nampa sikongkolo' a'boya akkala' ero' ambunoi Isa.

MATIUS 22:16

Nasuromi ana'-ana' gurunna ke'nanga mange ri Isa. A'rurummi ke'nanga siagang ana'-ana'na Herodes. Battui mange ri Isa, angkanami ke'nanga, “O Guru, niassemmi angkanaya iKatte tau lambusukKi'. Apa ero'Na Allata'ala Kipangngajarrammi silambusu'na ri sikamma taua. Manna pole inai tena Kijampangi antekamma panggappana. Nasaba' iKatte tena Kimmile-mile tau.

MARKUS 12:13

Nia' siapa are tu Farisi siagang siapa are taunna Herodes nisuro mae akkuta'nang ri Isa, ero' napa'boyang kasalang.

MARKUS 8:15

Nakana Isa ri ke'nanga, “Tutuko ri pa'gambanna tu Farisia siagang pa'gambanna Herodes.”

LUKAS 22:2

Na anjo wattua a'boyami akkala' imang-imang kapalaya siagang guru-guru agamaya, antekamma nakkulle nabuno Isa. Mingka eroki nabuno cokko-cokko, lanri mallaki ke'nanga ri tau jaia.

LUKAS 6:11

Mingka sanna'mi larrona guru-guru agamaya siagang tu Farisia. Sipa'bicarami ke'nanga a'boya cara angkanaya apa akkulle nagaukang ke'nanga mae ri Isa.

YOHANES 11:53

Anjo alloa appakkaramulami pamarentana tu Yahudia assikongkolo' ero' ambunoi Isa.

LAMPA-LAMPANA 4:25

Lalang RohTa le'bakKi' a'bicara lalang atanTa Daud iamintu boena ikambe; anjo wattua angkanaKi', ‘Angngapa nalarro tu tenaya naassengi Batara; angngapa nappanggaukang tenaya matu-matunna bansa-bansaya?