MARKUS 3:3 - KITTA' MATANGKASA'

³ Nakanamo Isa ri anjo tau mate sialia limanna, “Maeko anrinni, ammenteng ri dallekang.”

MARKUS 3:3 ပူးပေါင်းရင်းမြစ်များ

YESAYA 42:4

tena naranggasela yareka tappu' minasa, sa'genna nipaenteng kaadelanga ri lino. Sikamma pa'rasangang bellaya nakkuki ri pangngajarranna.”

DANIEL 6:10

Jari natekemmi Karaeng Darius anjo sura' parentaya.

MATIUS 12:10

Anjoreng ri balla' sambayanga nia' se're tau mate siali limanna. Nia'mo siapa are tau ero' ampa'boyangi sala Isa. Jari akkuta'nammi ke'nanga ri Isa angkana, “Maka akkulleji niballei taua ri allo Pammari-marianga?”

MARKUS 3:2

Na nia' todong anjoreng siapa are tau eroka amboyai kasalanNa Isa, sollanna akkulle natuntu'. Jari nacinikimi ke'nanga, gassingka Naballei Isa anjo taua ri allo Pammari-marianga.

MARKUS 3:4

Nampa akkuta'nang ri anjo tau niaka ngaseng anjoreng nakana, “Manuru' agamaya, kereanga akkulle nigaukang ri allo Pammari-marianga? A'gau' baji' yareka a'gau' ja'dalaka? Appasalamaka tau yareka ammunoa tau?” Tenamo na nia' ri ke'nanga akkana.

LUKAS 6:8

Mingka Naassengi Isa pikkirang salana ke'nanga. Jari Nakanamo ri anjo tau mate sialia limanna, “Maeko anrinni ammenteng ri dallekang!” Ammentemmi anjo taua, nampa mange ri dallekang.

YOHANES 9:4

Ri singara'na ija musti nijama memammi jama-jamang nipassuroanga ri Nakke. Labattui bangngia sa'genna tenanniakka manna sitau akkulle anjama.

1 KORINTUS 15:58

Lanri kammana, sari'battangku ngaseng sannaka kukamaseanna, pakkassakangi siagang pakajarreki kalennu. Attojeng-tojeng mako tuli anjama untu' Batarata, lanri nuassemmi angkanaya tena nala'jari sia-sia sikamma apa nugaukanga untu' Batarata.

GALATIA 6:9

Lanri kammana, takkulleaki' lanre anggaukangi apa-apa bajika; nasaba' punna tena nilanre anggaukangi anjo apa-apa bajika, nia' se're wattu sallang nalanigappa wassele'na.

FILIPI 1:14

Siagang lanri iaminne nitarungkuku nujaimo tu Karisteng anrinni ri kotaya a'jari pila' tappa' mae ri Batara; sa'genna pila' baranimo ke'nanga ambirittakangi pappasanNa Allata'ala.

1 PETRUS 4:1

Lanri le'ba'mi Nakasia' Almasi kasessanga lalang ri TubuNa, musti nupakajarre' tommi kalennu ri pammetang kammaya anjo. Nasaba' inai-nai angkasiaki kasessanga lalang ri tubuna, tenamo nagaukangi dosaya.