MARKUS 2:2 - KITTA' MATANGKASA'

² Jaimi tau battu. A'lipummi ke'nanga anjoreng ri ballaka, sa'genna tenamo tampa' assabang. Manna ri pakke'buka rassi ngaseng tau. Napabattumi Isa biritta battua ri Allata'ala mae ri ke'nanga.

MARKUS 2:2 ပူးပေါင်းရင်းမြစ်များ

PAMMUJI 40:9

Sannanga' anggaukangi erotTa, o, Allata'ala, kuparipa'maiki hukkunTa.”

MATIUS 5:2

Appakkaramulami Naajara' ke'nanga:

MARKUS 1:14

Nitarungkunamo Yohanes, a'lampami Isa mange ri Galilea ampabattui Kabara' Baji' battua ri Allata'ala anjoreng.

MARKUS 1:33

A'lipummi sikamma tau niaka ri anjo kotaya ri dallekanna anjo ballaka.

MARKUS 1:37

Nabuntulu'na, nakanamo ke'nanga, “Yangaseng taua amboyaKi' Bapa'.”

MARKUS 1:45

Mingka a'lampaji anjo taua na tuli nacarita mange-mange anjo apa kajarianga. Sa'genna takkulleami Napappicinikang KalenNa Isa punna antama' ri kotaya. Pantaranganna mami kotaya ri tampa' sino-sinoa ammantang. Mingka tuli jaina tau battu ri kere-keremae, battu mae ri Ia.

MARKUS 2:1

Siapa are allo ribokoanganna, ammotere'mi Isa mange ri Kapernaum. Tassiara'mi kabaraka angkana niaki ri balla'.

MARKUS 2:13

Ammotere'mi pole Isa mange ri biring Tamparang Galilea. Jaimi tau battu mae ri Ia. Naajara' ngasemmi ke'nanga.

MARKUS 6:34

Wattunna naung Isa battu ri biseanga, Nacini'mi anjo tau jaia. Tu'guru'mi pangngamaseanNa anciniki ke'nanga, lanri sanrapangi ke'nanga gimbala' tenaya pakalawakinna. Jari appakkaramulami Naajara' ke'nanga a'rupa-rupa pangngajarang.

LUKAS 12:1

Anjo wattua assa'bu-sa'bui jaina tau battu. Assiassa'-assa'mi ke'nanga, sa'genna nia'mo tau nionjokang bangkenna. Lalang a'lipunnamo taua, Nakanamo Isa ri ana'-ana' gurunNa, “Tutuko mae ri pa'gambanna tu Farisia. Battuanna kanangKu, tutuko mae ri sipa'-sipa' munape'na ke'nanga.

LUKAS 5:17

Nia' se're allo, ri wattunna angngajara' Isa, na nia' siapa are tu Farisi siagang guru-guru agama ammempo ampilangngeri. Tu battui ke'nanga ri Yerusalem siagang kota-kota niaka ri Galilea siagang Yudea. Niaki ri KalenNa Isa koasaNa Allata'ala untu' amballei na'jari baji' sikamma tau garringa.

LUKAS 8:1

Tena nasallo ribokoanganna, a'lampami Isa mange ri kota-kotaya, siagang ri kampong-kamponga, untu' ambirittakangi Kabara' Bajika, angkanaya lappakkaramulami ammarenta Allata'ala salaku Karaeng. Nia' tongi ana' gurunNa sampuloa anrua amminawang.

LUKAS 8:11

Nakanamo pole Isa, “Iaminne battuanna anjo pangngebaranga: Anjo binea, iaminjo kana-kananNa Allata'ala.

LAMPA-LAMPANA 11:19

Ri le'ba'namo Stefanus nibuno, appakkaramulami niondang mange-mange tau tappaka ri Isa, sa'genna tassia'-siara'mo ke'nanga ri kere-keremae. Nia' lari mange ri Fenisia, nia' todong mange ri Siprus siagang Antiokhia. Napabattumi ke'nanga kabara' battua ri Allata'ala. Mingka tu Yahudiaji bawang napabattuang ke'nanga.

LAMPA-LAMPANA 14:25

Na le'ba'na napabattu ke'nanga kana-kananNa Allata'ala ri Perga, a'lampami ke'nanga mange ri Atalia.

LAMPA-LAMPANA 16:6

Tena nikellai Paulus siagang Silas ri RohNa Allata'ala ampa'la'bangi kana-kananNa Allata'ala ri daera Asia. Jari napatulusu'mi lampana ke'nanga mange ri daera Frigia siagang Galatia.

LAMPA-LAMPANA 8:25

Le'baki ke'nanga assare kasa'biang siagang napabattu kana-kananNa Batara, ammotere'mi Petrus siagang Yohanes mange ri Yerusalem. Na lalang a'jappana ke'nanga, napabattumi ke'nanga anjo Kabara' Bajika ri kampong-kamponga ri Samaria.

ROMA 10:8

Battuanna kammaminne, “Anjo biritta battua ri Allata'ala sanna' a'reppese'na ri kau; iamintu niaki ri bawanu siagang lalang ri atinnu.” Iaminjo biritta napa'la'banga ikambe; iamintu biritta ri passala'na tappaka.

2 TIMOTIUS 4:2

Parallui nubirittakang anjo biritta battua ri Allata'ala; paralluko tuli sadia lalang ri wattu bajika yareka ri wattu tenaya nabaji'. Parallui nupa'jari tappa' taua, nupauang kasalanna, siagang nupakamaju ke'nanga. Sa'bara' tojeng-tojengko angngajaraki taua.