MARKUS 15:3 - KITTA' MATANGKASA'

³ Jaimi pole tuduhang napau imang-imang kapalaya mae ri Isa.

MARKUS 15:3 ပူးပေါင်းရင်းမြစ်များ

PAMMUJI 38:14

Mingka sanrapanga' tau tongolo' tamallangngera, sanrapanga' tau pepe tamakkanaya.

YESAYA 53:7

Ia nigau' nikapallakki, mingka sa'baraki ampisa'ringi. Tamakkana-kanayai rapang ana' gimbala' nieranga mange ri pammolongang yareka anrong gimbala' nicukkuruka bulunna.

MATIUS 27:12

Mingka ri wattunna jai sikali nituduangi ri imang-imang kapalaya siagang pamimping-pamimpinna tu Yahudia, tena sikali Naero' akkana Isa.

MARKUS 15:2

Akkuta'nammi Pilatus ri Isa nakana, “Kammatojengi angkanaya karaennaKo tu Yahudia?” Appialimi Isa Nakana, “Kammaminjo nupaua.”

MARKUS 15:4

Jari akkuta'nammi pole Pilatus ri Isa nakana, “TaerokaKo appiali? Cini' sai antekamma jaina tuduhang napakkanaiangKo ke'nanga!”

MARKUS 15:5

Mingka tena sikalimo Nappiali Isa. Sa'genna a'jari lannasa'mi Pilatus.

YOHANES 19:12

Nalangngere'na Pilatus akkana kamma Isa, a'boyami cara antekamma nakkulle nalappassang Isa. Mingka ammarrang-marrammi tu Yahudia, angkana, “Punna kilappassangi antu Taua, teaiki' aganna Karaenga! Inai-nai nakana kalenna karaeng, iami musunna Karaenga!”