MARKUS 11:4 - KITTA' MATANGKASA'

⁴ A'lampami anjo ruaya ana' gurunNa Isa, nanagappamo anjo ana' keledaia tappaukang ri pakke'bu' balla' ri biring aganga. Nalappassammi ke'nanga anjo ana' keledaia.

MARKUS 11:4 ပူးပေါင်းရင်းမြစ်များ

MATIUS 21:2

Napasammi ke'nanga angkana, “A'lampamako mange anjoreng ri kampong niaka ri dallekannu. Nia' sinampe' nucini' sikayu keledai tappau' siagang ana'na. Lappassang rua-ruami, nampa nuerang mae.

MATIUS 26:19

Nagaukammi ana'-ana' gurunNa Isa anjo Napassuroanga. A'lampami ke'nanga ampasadiai anjo kanre Paskaya.

MARKUS 11:3

Na punna nia' tau akkuta'nang ri kau angkana apa saba'na nanulappassang anjo keledaia, angkana mako, ‘Naparalluangi Batara, siagang lalinta'ji Napoterang.’ ”

MARKUS 11:5

Akkuta'nammi ri ke'nanga tau niaka anjoreng ammenteng angkana, “He, apa nupare' antu? Angngapa nulappassangi antu ana' keledaia?”

YOHANES 2:5

Mingka nakanamo amma'Na Isa ri pala'-palayanga, “Gaukang mami apa Napassuroanga ri kau ngaseng.”

IBRANI 11:8

Lanri tappa'na, naturukimi Abraham ero'Na Allata'ala ri wattunna nikio' siagang nisuro ri Allata'ala a'lampa mange ri pa'rasangang Napa'janjianga Allata'ala mae ri ia. A'lampami Abraham manna natanaassenga pa'rasangang lanatujua.