MARKUS 11:3 - KITTA' MATANGKASA'

³ Na punna nia' tau akkuta'nang ri kau angkana apa saba'na nanulappassang anjo keledaia, angkana mako, ‘Naparalluangi Batara, siagang lalinta'ji Napoterang.’ ”

MARKUS 11:3 ပူးပေါင်းရင်းမြစ်များ

PAMMUJI 110:3

Ri allo battunu siagang koasa, ri bulu' matangkasa' ra'ya'nu maju siagang pa'mai' rella. Sanrapang saliu' ri bari'basaka, sikamma tau rungkaya battu mae ri kau.

PAMMUJI 24:1

Pammujina Daud. Batara pata sikontu linoa siagang bonena, linoa siagang sikontu ammantanga ilalang.

MARKUS 11:2

Nakana Isa ri ke'nanga, “A'lampamako mange ri anjo kampong niaka ri dallekannu. Punna antamakko anjoreng ri kamponga nia' lanucini' sikayu keledai rungka tappaukang, tenayapa nale'ba' nibae ri taua. Lappassangi anjo keledaia nampa nuerang mae anrinni.

MARKUS 11:4

A'lampami anjo ruaya ana' gurunNa Isa, nanagappamo anjo ana' keledaia tappaukang ri pakke'bu' balla' ri biring aganga. Nalappassammi ke'nanga anjo ana' keledaia.

MARKUS 14:15

Lanajo'jokang mako anjo taua se're bili' lompo bageang rateang. Le'ba' atoro'mi anjo bilika, siagang sikamma apa-apa niparalluanga. Pasadia ngaseng minjo untu' ikatte.”

LAMPA-LAMPANA 1:24

Nampa appala' doang ke'nanga. Nakana ke'nanga, “O Batara, iKatte angngasseng ngasengi atinna sikontu rupataua. Tu'guru'mi Yudas battu ri empoanna salaku tunisuroTa, siagang matemi. Jari Kijo'jokang sai ikambe, kereanga ri anne tau ruaya Kipile antarimai anne jama-jamanga, ansambeangai Yudas.”

LAMPA-LAMPANA 10:36

Nuasseng ngasemmi bonena kabara' Napabattua Allata'ala mae ri bansa Israel. Anjo kabaraka, iamintu ri passala'na Kabara' Baji' passiamakkang lalang ri KalenNa Isa Almasi iamintu Batara mae ri sikontu rupataua.

LAMPA-LAMPANA 17:25

Tena todong Naparallu ri pannulunna rupataua, nasaba' Iami assarei katallassang siagang nyawa, kammayatompa assarei sikontu apa-apa rupataua!

2 KORINTUS 8:9

Nasaba' baji' ngaseng nuassenna angkanaya teai sipato' nikarimangnginta ri Isa Almasi Batarata: Kalumanynyangi, mingka Napa'jari kasi-asimi KalenNa untu' kaparalluannu ngaseng; sollanna battu ri kakasi-asianNa nukkulle a'jari kalumanynyang.