MARKUS 11:1 - KITTA' MATANGKASA'

¹ Wattunna a'reppese'mo mange ri Yerusalem, anrapi'mi ke'nanga ri kota Betfage siagang Betania, ri pungku'na Bonto Zaitun. Anjoreng Nasuroi Isa rua ana' gurunNa a'lampa riolo.

MARKUS 11:1 ပူးပေါင်းရင်းမြစ်များ

2 SAMUEL 15:30

Le'baki anjo nasungkemi sapatuna Daud. Angngambi'mi nai' ri Bonto Zaitun siagang sikontu tumminawanna, angngarru' nabongong ulunna pammatei kasusaanna.

ZAKHARIA 14:4

Ri anjo alloa lammentengi ri Bulu' Zaitun, irayanganna Yerusalem. Nalanibage rua Bulu' Zaitun ri se'rea ka'bung lappara', appakkaramula battu iraya sa'genna kalau'. Tawaruanna anjo buluka la'gioki a'lampa wara', nabageruanna pole a'lampa timboroki.

MATIUS 21:17

Le'baki anjo a'lampami Isa ambokoi ke'nanga. Assulu'mi battu ri kotaya, namange a'bangngi ri Betania.

MATIUS 24:3

Le'baki anjo, a'lampami Isa mange ri Bonto Zaitun. Na ammemponamo, battumi ana'-ana' gurunNa angngagangi a'bicara kale-kalenna. Nakanamo ke'nanga ri Ia, “Kipaumi ri kambe anne, singngapanna nalakajariang ngaseng anjo kammaya? Apa la'jari pammateina punna battu poleangKi' sallang ri allo kala'busang jammanga?”

MATIUS 26:30

Le'baki anjo, akkelong-kelommi ke'nanga se're kelongang pammuji ri Allata'ala. Nampa a'lampa ke'nanga mange ri Bonto Zaitun.

MARKUS 11:2

Nakana Isa ri ke'nanga, “A'lampamako mange ri anjo kampong niaka ri dallekannu. Punna antamakko anjoreng ri kamponga nia' lanucini' sikayu keledai rungka tappaukang, tenayapa nale'ba' nibae ri taua. Lappassangi anjo keledaia nampa nuerang mae anrinni.

MARKUS 13:3

Nampa a'lampa Isa mange ri Bonto Zaitun, nammempo ri tampa' sidallekanga siagang Balla'Na Batara. Battumi Petrus, Yakobus, Yohanes siagang Andreas angngagangi a'bicara kale-kalenna.

MARKUS 14:13

Jari Nasuromi Isa rua ana' gurunNa Nakana, “A'lampa mako mange ri kotaya. Anjoreng nia' sitau bura'ne angngerang bongki niaka je'ne'na lanuagang assibuntulu'.

MARKUS 6:7

Nakio'mi anjo sampuloa anrua ana'-ana' gurunNa. Nampa Nasuro a'lampa ta'rua-rua. Nasaremi koasa ke'nanga sollanna akkulle nabongka roh-roh ja'dalaka.

YOHANES 8:1

Mingka Isa a'lampami mange ri Bonto Zaitun.

LAMPA-LAMPANA 1:12

Le'baki anjo ammotere'mi anjo sikamma tunisuroa battu ri Bonto Zaitun mange ri Yerusalem. Anjo bontoa nia' kira-kira se're kilometere' bellana battu ri Yerusalem.