MARKUS 10:1 - KITTA' MATANGKASA'

¹ Nampa Nabokoi Isa anjo tampaka, Na'lampa mange ri daera Yudea, siagang ri daera ba'leanna Binanga Yordan. Battumi pole tau jaia a'lipung ri tammulilina Isa. Na kamma biasa, Naajara'mi Isa ke'nanga.

MARKUS 10:1 ပူးပေါင်းရင်းမြစ်များ

KATO'BA 12:9

Anjo lapung Tau Assarea Pangngajarang bajiki akkala'na siagang cara'deki. Lanri kammana anjo napangngajarrangi anjo pangngassenganna mae ri rupataua. Jai pangngebarang napappilajari nampa nauji katojenganna.

YEREMIA 32:33

NabokoiMa' ke'nanga siagang manna pole tuli Kuajara' ke'nanga mingka tuli tenana naero' mappilangngeri siagang tena naero' angngu'rangi.

MATIUS 26:55

Nampa Nakanamo Isa ri anjo tau jaia, “Apaka nucini' ja'dalakKa' numassing angngerang kamma pa'dang siagang palu-palu battu anjakkalakKa'? Allo-alloKu angngajara' lalang ri Balla'Na Allata'ala natena nujakkalakKa'!

MATIUS 4:23

Wattunna ri Galilea, a'lampai Isa angnginroi sikontuna anjo pa'rasanganga. Angngajaraki ri sikamma balla' sambayanga siagang Nabirittakammi Kabara' Bajika angkanaya lammarentami Allata'ala. Naballei tommi sikamma tau garringa siagang tau sala-salanga sa'genna baji' ngaseng.

MARKUS 1:21

Battui Isa siagang ana'-ana' gurunNa ri kota Kapernaum. Ri allo Pammari-marianna poleanga, antama'mi Isa ri balla' sambayanga na appakkaramula angngajara'.

MARKUS 10:2

Nia'mo siapa are tu Farisi battu todong ero' ampa'boyangi kasalang Isa. Akkuta'nammi ke'nanga angkana, “Manuru' atoranga ri agamata, maka akkulleji taua antallaki bainenna?”

MARKUS 12:35

Ilalang angngajara'Na Isa ri Balla'Na Batara, akkuta'nammi ri tau niaka hadere' angkana, “Antekamma nakkulle napau guru-guru agamaya angkanaya anjo Karaeng Mappasalamaka sossoranna Daud?

MARKUS 14:49

Allo-alloKu nia' ri dallekannu angngajara' lalang ri Balla'Na Batara, angngapa natena nujakkalakKa'? Mingka musti kamma memangi anjo kajarianna, sollanna a'rupamo apa niaka tattulisi' lalang ri Kittaka.”

MARKUS 2:13

Ammotere'mi pole Isa mange ri biring Tamparang Galilea. Jaimi tau battu mae ri Ia. Naajara' ngasemmi ke'nanga.

MARKUS 4:2

Jaimi apa-apa Naajarrangi Isa ke'nanga. Ammakei pangngebarang Naajara'na ke'nanga. Na kammaminne Naajarrangi ke'nanga.

MARKUS 6:2

Ri allo Pammari-marianga, appakkaramulami angngajara' lalang ri balla' sambayanga. Jai tau anjoreng. Ri wattu nalangngere'na pangngajaranNa Isa, lannasa' sikalimi ke'nanga. Nakanamo ke'nanga, “Battu kemae ngasengi nagappa pangngajarang kammaya anne taua? Pangngissengang apa kutadeng, anne niaka ri taua? Antekamma nakkulle appa'nia' gau' appakalannasa'?

MARKUS 6:34

Wattunna naung Isa battu ri biseanga, Nacini'mi anjo tau jaia. Tu'guru'mi pangngamaseanNa anciniki ke'nanga, lanri sanrapangi ke'nanga gimbala' tenaya pakalawakinna. Jari appakkaramulami Naajara' ke'nanga a'rupa-rupa pangngajarang.

MARKUS 6:6

Lannasaki Isa lanri tenana natappa' ke'nanga ri Ia. Nampa a'lampa Isa mange angngajara' ri kampong niaka a'reppese' anjoreng.

YOHANES 10:40

Ammotere'mi Isa anta'leang ri ba'leanna Binanga Yordan, ri tampa'na Yohanes anje'neki taua pirangalloang. Ammantammi anjoreng.

YOHANES 11:7

Le'ba'pi anjo nampami Nakana ri ana'-ana' gurunNa, “Umba nakiammotere' mange ri Yudea.”

YOHANES 18:20

Appialimi Isa Nakana, “Tuli silambusu'na bateKu a'bicara ri dallekanna tau jaia. Tuli angngajarakKa' ri sikamma balla' sambayanga siagang Balla'Na Allata'ala, tampa' biasaya napa'rappungi tu Yahudia. Tena le'bakai nia' apa-apa Kupau cokko-cokko.