LUKAS 9:48 - KITTA' MATANGKASA'

⁴⁸ Nampa Nakana ri ana'-ana' gurunNa, “Inai-nai antarimai anne anaka passabakkang iNakke, battuanna iNakkemi natarima. Na inai-nai antarimA', battuanna natarima tommi Allata'ala assuroA' battu. Nasaba' inai-nai kaminang tuna ri kau, iami kaminang la'biri'!”

LUKAS 9:48 ပူးပေါင်းရင်းမြစ်များ

PANGNGEBARANG 18:12

Tau tampoa latu'guruki, tau tuna pa'maika lanipakalompoi.

MATIUS 18:10

“Tutuko! Tea' laloko hinai kalase'renna anne tau ca'di kammaya. Nasaba' u'rangi angkanaya, tuli niaki malaeka'na ke'nanga ri dallekanNa ManggeKu ri suruga. [

MATIUS 18:14

Kamma tomminjo Manggenu ri suruga. Tena Nakellai kalase'renna anne tau beru tappaka ri Nakke sala oloang.”

MATIUS 19:28

Nakanamo Isa ri ke'nanga, “Tappa' mako angkanaya: Ri Lino Berua, lammempoi Ana' Ma'rupataua irate ri empoang kala'biranNa. Anjo wattua sallang, ikau ngasemmi ana'-ana' gurungKu lammempo irate ri sampuloa anrua empoang kala'birang. Na ikaumi langngadeli sampuloa anrua suku ri bansa Israelka!

MATIUS 25:40

Lappiali Karaenga Nakana, ‘Asseng laloi anne: ri wattu nugaukanna sikammaya anjo mae ri kalase'renna sari'battangKu kaminang tunaya, ilalang kammana minjo nanugaukammo ri Nakke!’

MATIUS 25:45

Lappialimi anjo Karaenga Nakana, ‘Asseng laloi anne: ri wattunnu taeroka antulungi kalase'renna anne tau kaminang tunaya, lalang kammana minjo nutaeroka antulungA'.’

MARKUS 9:37

“Inai-nai antarimai ana'-ana' kammaya anne nasaba' iNakke, akkulle nikana iNakkemi natarima. Na inai-nai antarimA', teai Nakke bawang natarima, mingka akkulle nikana natarima tommi ManggeKu, assuroA'.”

LUKAS 10:16

Nampa Nakana Isa mae ri ana'-ana' gurunNa, “Inai-nai ampilangngeri kanannu, iNakke mintu napilangngeri. Inai-nai ansorongbokoko, iNakke mintu nasorongboko. Na inai-nai ansorongbokoA', nasorongboko tommi Allata'ala assuroA'.”

LUKAS 14:11

Nasaba' inai-nai ampakalompoi kalenna, iami lanipakatuna, mingka inai-nai ampakatunai kalenna, iami lanipakalompo.”

LUKAS 22:26

Mingka ikau ngaseng, takkulleako kamma anjo. Passangalinna, inai-nai ero' kaminang nipakala'biri' ri kau musti napa'jari kalenna kaminang tuna. Siagang inai-nai la'jari pamimping, musti a'jari sangkammai palayang.

LUKAS 22:30

Lanri kammana, akkulle tommako amminawang a'rannu-rannu siagang iNakke ri wattungKu a'jari Karaeng. Siagang lammempo ngaseng tommako irate ri sampuloa anrua empoang kala'birang, untu' ammarenta ri sampuloa anrua bansa Israel.”

LUKAS 7:28

Nakana pole Isa, “U'rangi angkanaya tenale'bakapi nia' tau lompoangang na Yohanes Paje'ne' ri anne linoa. Mingka inai-nai kaminang ca'di ri umma'Na Allata'ala, iami lompoangang na Yohanes Paje'ne'.”

YOHANES 13:20

Annaba tojengi anne kanangKu: Inai-nai antarimai tau Kusuroa, Inakkemi natarima. Na inai-nai antarimA', natarima tommi anjo assuroa ri Nakke.”

YOHANES 14:21

Inai-nai antarimai sikamma parentaKu nampa nagaukang, iami angkamaseangA'. Inai-nai angkamaseangA', lanikamaseang tongi ri ManggeKu. LaKukamaseangi anjo taua, siagang laKupa'nyatai KalengKu mae ri ia.”

1 TESALONIKA 4:8

Lanri kammana, inai-nai taeroka antarimai anne pangngajaranga, teai rupataua tanatarimaya, passangalinna Allata'ala ampassareangai Roh matangkasa'Na mae ri kau ngaseng.

1 PETRUS 5:6

Lanri kammana, pakatunai kalennu irawangang lino magassinNa Allata'ala. Sollanna Napakatinggiko sallang punna narapi' wattunna.

PAPPICINI' 21:14

Iratei ri sampuloa anrua batu pundasi nibangung anjo temboka. Ri anjo batu-batu pundasia massing niaki tattulisi' arenna sampuloa anrua tunisuroNa anjo Ana' Gimbalaka.

PAPPICINI' 3:21

Ia ammetaya, laKupa'biangi ammempo ri empoang kala'birangKu siagang sipammempoangA' sangkamma Kalengku le'bakamo ammeta siagang kamma-kamma anne siagang ManggeKu ri empoang kala'biranNa.