LUKAS 7:6 - KITTA' MATANGKASA'

⁶ A'lampami Isa siagang ke'nanga. Ri wattunna la'birimmo battu Isa mange anjoreng ri balla'na anjo perwiraya, nia'mo siapa are aganna anjo perwiraya battu nasuro anruppai Isa. Nasuroi ke'nanga ampabattui pasanna ri Isa angkana, “Tea' maki' susa-susai KalenTa mae ri ballakku, nasaba' tena nakusiratang antarimaKi' ri ballakku.

LUKAS 7:6 ပူးပေါင်းရင်းမြစ်များ

PA'JARIANG 32:10

Tena kusiratang langgappai pangngamaseanTa siagang tamamminraTa ri pa'mai' ia le'baka Kipa'butti mae ri nakke. Ri wattungku a'lampa allimbangi Binanga Yordan, tena apa-apa kuerang pantaranganna takkang. Kamma-kamma anne battuma' ammotere' lalang anne ruaya pammantangngang.

PANGNGEBARANG 29:23

Tau tampoa lanipakatunai; tau tuna pa'maika lanipuji.

MATIUS 20:28

Sangkamma minjo Ana' Ma'rupataua; niaki battu teai sollanna nanilayani, passangalinna sollanna na'jari palayang. NaNapassareang nyawaNa, sollanna nakkulle Napasalama' tau jaia.”

MATIUS 3:11

Inakke je'ne' kupake anje'nekko a'jari pammatei angkanaya ma'nassa toba' mako battu ri gau' dosa-dosanu; mingka labattua sallang ri bokoangangku, iami sallang lanje'nekko pepe' siagang RohNa Allata'ala. La'birangangi nainakke. Manna a'jari pabinting sapatuNa tena todong kusiratang.

MARKUS 5:24

A'lampami Isa siagang Yairus. Sanna' jaina tau ampinawangi battu ri kere-keremae, siagang sisorong-sorong mami taua ero' a'reppese' ri Ia.

LUKAS 5:8

Ri wattunna nacini' Simon anjo kajarianga, su'ju'mi ri dallekanNa Isa. Nampa nakana, “Bokoima' Batara! Nasaba' inakke anne tau doraka'!”

LUKAS 7:4

Ri wattunna battu ke'nanga mae ri Isa, appala' tulung dudumi ke'nanga ri Isa sollanna akkulle Natulung anjo perwiraya. Nakana ke'nanga ri Isa, “Siratangi Kitulung anjo perwiraya Bapa'

LUKAS 7:5

nasaba' sanna' nakarimangnginna bansata siagang le'ba' maki' napambangungang balla' sambayang.”

LUKAS 7:7

Iaminjo saba'na natena kubarani battu andallekang ri Katte. Jari Kiparentakang mami sollanna a'jari baji' anjo palayangku.

LUKAS 8:49

Sitabang a'bicaraNa Isa, nia'mo sitau tunisuro battu mae ri Yairus, iamintu tau battu ri balla'na Yairus. Nakanamo anjo taua ri Yairus, “Matemi anjo ana' baineta. Tea' maki' susa-susai pole anjo Bapa' Guru.”

LAMPA-LAMPANA 10:38

Nuassemmi angkanaya le'ba'mi Napile Allata'ala anjo Isa tu Nazaretka, naNapassareang RohNa Allata'ala siagang koasaNa mae ri Ia. Nuasseng tommi angkanaya le'ba'mi a'lampa mange-mange Isa anggaukangi kabajikanga; Naballeimi sa'genna a'jari baji' sikamma tau nasosoka setang, lanri niaki Allata'ala anrurungangi.

YAKOBUS 4:10

Paralluko ampakatunai kalennu ri dallekanNa Batara, sollannu Napakatinggi sallang Batara.

YAKOBUS 4:6

Mingka manna nakamma, la'bi terassangangi pangngamaseang Napassareanga Allata'ala mae ri katte na anjo cinnana roh niaka ri katte. Iaminjo saba'na na nia' todong tattulisi' lalang ri kittaka angkanaya, “Nimusui ri Allata'ala tau tampoa, mingka Nakamaseangi tau tunaya atinna.”