LUKAS 4:44 - KITTA' MATANGKASA'

⁴⁴ Lanri kammana minjo Nakkato'ba Isa lalang ri sikamma balla' sambayanga, ri sikontu pa'rasangang Yudea.

LUKAS 4:44 ပူးပေါင်းရင်းမြစ်များ

MATIUS 4:23

Wattunna ri Galilea, a'lampai Isa angnginroi sikontuna anjo pa'rasanganga. Angngajaraki ri sikamma balla' sambayanga siagang Nabirittakammi Kabara' Bajika angkanaya lammarentami Allata'ala. Naballei tommi sikamma tau garringa siagang tau sala-salanga sa'genna baji' ngaseng.

MARKUS 1:39

Jari a'lampami Isa a'la'bang ri sikontu Galilea. Akkato'bami lalang ri sikamma balla' sambayanga. Siagang Nabongka ngasemmi setang-setanga battu lalang ri kalenna sikamma tau nisosoka ri setang.

LUKAS 4:15

Angngajara'mi lalang ri sikamma balla' sambayanga. Na nipuji-pujimo ri tau jaia.

LUKAS 5:1

Nia' se're wattu nammenteng Isa ri biring Tamparang Genesaret. Jai tau assiassa'-assa', battu ero' allangngereki biritta battua ri Allata'ala.