LUKAS 23:56 - KITTA' MATANGKASA'

⁵⁶ Le'baki nitarawang Isa, ammotere'mi ke'nanga appasadia bunga-bunga siagang minynya'-minynya' bau', ero' napake amminynya'-minynyaki maya'Na Isa. Ri wattunna allo Pammari-mariang, ammari-marimi ke'nanga massing ri jama-jamanna, sollanna naturuki ke'nanga apa napassuroanga agamaya.

LUKAS 23:56 ပူးပေါင်းရင်းမြစ်များ

2 PATTOTTORANG 16:14

Nisarei rampa-rampa maya'na iamintu rampa-rampa mabau', nampa nitarawang ri pa'jerakkanna sikamma karaenga ri Kota Daud. Nampa untu' tanra pappakalompo mae ri ia, apparinrai pepe' sannaka lompona ra'yaka.

KALAPPASSANG 31:14

Musti nupakalompoi anjo Allo Pammari-marianga a'jari allo matangkasa'. Kusareko annang allo untu' anjama, mingka allo makatujua iami allo lompo nisa'laka untu' iNakke. Inai-nai tena napakalompoi, mingka anjamai ri anjo alloa, musti nihukkung matei.

MARKUS 16:1

Ri wattunna allalomo allo Pammari-marianga, a'lampami Maria Magdalena, Maria amma'na Yakobus, siagang Salome, mange ammalli minynya'-minynya', untu' lanapake amminynya'-minynyaki maya'Na Isa ri jeraka.

LUKAS 24:1

Ri wattunna allo Minggu, ri bari'basa' dudua, a'lampami anjo bai'-bainea mange ri jeraka angngerangi anjo bunga-bunga le'baka napasadia ke'nanga.

PAOLE 5:14

mingka allo makatujua iamintu allo pammari-mariang nisa'laka untu' iNakke, Karaeng Allata'alanu. Anjo alloa tena manna sitau akkulle anjama, baji' naikau, ana'-ana'nu, ata-atannu, olo'-olo'nu yareka bansa maraeng niaka ammantang ri pa'rasangannu. Sikamma atannu musti ammari-mari tongi sangkamma ikau kalennu.