LUKAS 19:22 - KITTA' MATANGKASA'

²² Nakanamo anjo karaenga ri anjo taua, ‘Ikau palayang ja'dalakko! Lanri kana-kanannu tonji nalakuhukkungko. Nuassengi angkanaya inakke tau sekkekka': kuallei apa-apa tenaya nainakke pata, siagang kuallei wassele'na tampa' tenaya nainakke pata tampa'.

LUKAS 19:22 ပူးပေါင်းရင်းမြစ်များ

2 SAMUEL 1:16

Nakana Daud ri anjo tu rungka battua ri Amalek, “Ikau kalennu ampattantui anne hukkungang matea mae ri kalennu lanri nuakuina angkanaya ikau le'ba' ambunoi karaeng Napilea Batara!”

MATIUS 12:37

Nasaba' battu ri bicarannu tonji sallang nalanitappuki ma'nassanu sala yareka tena.”

MATIUS 22:12

Akkuta'nammi ri anjo taua nakana, ‘E, gang, antekamma nukkulle antama' anrinni natena nummake pakeang passua'-suarrang?’ Tanaassengami appiali anjo taua.

LUKAS 19:21

Mallaka' ri katte lanri sekkekki'. Kiallei apa-apa tenaya naikatte pata, kiallei wassele'na tampa' tenaya naikatte pata tampa'!’

LUKAS 19:23

Punna kamma, apa saba'na natena nupantamaki doekku ri kantoro' banga sollanna akkulle kualle ammotere' anjo doekku siagang bungana punna ammoterekka'?’

ROMA 3:19

Kamma-kamma anne niassemmi angkanaya sikamma anjo tattulisika lalang ri hukkung-hukkung agama Yahudia, tattuju mae ri sikamma tau niaka irawangang pamarentahanna anjo hukkung-hukkunga. Lanri kammana, tenamo sitau akkulle appare' alasang siagang akkullei nituntu' ri Allata'ala sikontu bonena linoa.