LUKAS 15:25 - KITTA' MATANGKASA'

²⁵ Anjo wattua, sitabangi nia' ri kokoa ana' bungasaka. Ri wattunna ammotere' nanrapi' ri rampi' ballaka, nalangngere'mi sa'ra sulinga siagang tau a'dansaya.

LUKAS 15:25 ပူးပေါင်းရင်းမြစ်များ

2 SAMUEL 6:14

Nampa a'joge'-joge' Daud sanna' lompona sumanga'na untu' ampakala'biriki Batara. Anjo wattua poro lipa' lenang bodo bawang napake napasikko' ri aya'na.

PAMMUJI 126:1

Kelong siara. Ri wattunna Napammole Batara lampa-lampana Yerusalem, sangkammaki' tau asso'na!

PAMMUJI 149:3

Pujimi arenNa nu'joge'-joge', pujimi siagang kacapi na rabana!

PAMMUJI 150:4

Pujimi siagang rabana nu'joge'-joge', pujimi siagang kacapi na suling.

PAMMUJI 30:11

Kipilangngeria', o, Batara, siagang Kikamaseang laloa'. O, Batara, Kitulung laloa'!”

KALAPPASSANG 15:20

Nampa anjo Miryam, sitau na'bi baine, daenna Harun, angngallemi rabana, kammayatompa sikontu bainea annunrung ngasemmi rabana nampa a'joge'.

KATO'BA 3:4

Allata'ala ampattantui wattu untu' angngarru' siagang wattu untu' ammakkala', wattu untu' appiraung siagang wattu untu' a'joge',

YEREMIA 31:4

Bansanu laKupa'jari porei sangkamma riolo. Sikalipi pole langngalleko rabana, siagang a'jogekko napakamma rannu.

LUKAS 15:24

Nasaba' le'ba'mi mate anne anakku, mingka kamma-kamma anne attallasa' poleammi.’ Jari appakkaramulami ke'nanga assua'-suara'.

LUKAS 15:26

Nakio'mi kalase'renna palayanna nampa nakuta'nang nakana, ‘Apa anne nagaukang taua ri balla'?’

LUKAS 7:32

Sanrapangi ke'nanga ana'-ana' ammempoa ri pasaraka; nia' sipa'rappungang akkio' ri maraengannaya angkana, ‘Nikelongang mako kelong a'rannu-rannu, mingka taerokako a'dansa! Nikelongang mako kelong ri kamateanga, mingka taerokako angngarru'!’