LUKAS 15:21 - KITTA' MATANGKASA'

²¹ Nakanamo anjo anaka, ‘O Bapa', dorakama' mae ri Allata'ala siagang mae ri katte. Tenamo kusiratang nikana anatta.’

LUKAS 15:21 ပူးပေါင်းရင်းမြစ်များ

AYUB 33:27

Na lanakanamo ri dallekanna tau jaia, ‘Lompoi dosaku, lanri ja'dalaka kukana baji', mingka tena Nahukkunga' Allata'ala.’

PAMMUJI 143:2

Inakke anne atanTa, teaKi' adelia', saba' taniakka tau tania' salana ri dallekanTa.

PAMMUJI 51:4

Kibissai sikontu kaja'dallangku; Kitangkasia' battu ri dosaku.

YEREMIA 3:13

Akuimi angkanaya salako siagang anjari baliko mae ri Batara, Allata'alanu. Akuimi angkanaya le'baki nupassareang pangngainnu mae ri rewata-rewatana bansa maraenga irawanganna poko'-poko' kayu lompoa, siagang tena numannuruki ri parenta-parentaKu. INakke, Batara, anne a'bicara.”

YEHEZKIEL 16:63

LaKupammopporangi kasalannu, mingka takkulleako angkaluppai siagang lasiri'-siriki nusa'ring akkanaya. INakke, Batara Kaminang Tinggia, anne akkana.”

LUKAS 15:20

Le'baki akkana kamma lalang ri nyawana, ammotere'mi anjo anaka mae ri manggena. Bella iji battu ri balla'na nicini'mi ri manggena. Larimi battu manggena ambuntuli nampa naraka' siagang nabau, napakamma sanna' rannuna nyawana.

LUKAS 15:22

Mingka nakio'mi manggena sikamma palayanna na nakana, ‘Lintakko! Angngalleko pakeang kaminang ga'gaya, nanupipakeangi. Pipakei cincing karemenna, siagang pipakei sapatuna.

ROMA 2:4

Yareka nucapaki pangngamaseanNa siagang kabajikanNa kammayatompa kalompoanNa Allata'ala? Mattantu nuassengi angkanaya iaji naNapappicinikang kabajikang pa'mai'Na Allata'ala, lanri nakellainu ngaseng toba' ri dosa-dosanu.

1 KORINTUS 8:12

Na punna nugaukang kasalang kammaya anjo mae ri parannu tu Karisteng – iamintu tu Karisteng lammaya tappa'na – doraka mako mae ri Almasi.