LUKAS 13:18 - KITTA' MATANGKASA'

¹⁸ Akkuta'nammi Isa Nakana, “Antekamma kajarianna punna ammarenta Allata'ala? Apa akkulle Kupare' pangngebarang ampakasingariangko?

LUKAS 13:18 ပူးပေါင်းရင်းမြစ်များ

PIRAUNG 2:13

O Yerusalem, Kota Sion ningaiku, rapangi tamparang lompoa sanna'na runtunnu. Apami kutadeng lakukana untu' assareko panynyaleori? Nasaba', tena niakkapa tau ballasa' sangkamma ikau. Sitojeng-tojenna tenamo tau akkulle assareko kabajikang.

MATIUS 13:24

Napaccaritammi pole Isa se're pangngebarang maraeng anjo tau jaia. Nakana, “Punna ammarenta Allata'ala, pangngebaranna lakammaminne: Nia' sitau pamarri appakioro' bine ri tanana.

MARKUS 4:26

Nasambummi pole bicaranNa Isa Nakana, “Punna ammarenta Allata'ala salaku Karaeng, lakammaminne pangngebaranna. Nia' se're tau a'lamung gandung ri kokonna.

LUKAS 13:20

Sikalipi pole akkuta'nang Isa Nakana, “Punna ammarenta Allata'ala apa akkulle Kupare' pangngebarang ampakasingariangko?

LUKAS 17:21

sa'genna akkulle taua angkana, ‘Umba naniciniki, iaminne!’ yareka, ‘Niaki anjoreng!’ Nasaba' sikontutojenna appakkaramulami ammarenta Allata'ala ri tangnga-tangnganu ngaseng.”

LUKAS 7:31

A'bicarami pole Isa Nakana, “Apami ero' Kupasanrapangangi taua ri anne jammanga? Apami sanrapanna ke'nanga?