LUKAS 12:37 - KITTA' MATANGKASA'

³⁷ Teai sipato' upa'na ngaseng palayang-palayang nirapikanga sadia attayang ri wattunna battu karaenna. Patappa'mi angkanaya: lasadiai anjo karaenga assuroi anjo palayang-palayanga ammempo, nampa nasuro layani kalenna anjo karaenga.

LUKAS 12:37 ပူးပေါင်းရင်းမြစ်များ

YESAYA 62:5

Rapang se're turungka ambuntingi se'rea tulolo, kammaminjo Mappa'jarinu laNanikkaiko. Rapang bunting bura'ne rannu anciniki bainenna, kammaminjo batenu laNingai ri Allata'ala.

YEREMIA 32:41

Lasannangi pa'maikKu a'gau' baji' mae ri ke'nanga, naKupammantang ke'nanga anrinni ri anne pa'rasanganga sa'genna satunggu-tungguna.

ZEFANYA 3:17

Nala'langiko Karaeng Allata'alanu porea. Ammetako lanri kakoasanNa. Rannui pa'mai'Na siagang sannangi nyawaNa Batara lanri ikau, lanri pangngamaseanNa na Nasareko katallassang beru.

MATIUS 24:42

Jari a'jaga-jagako, nasaba' tena nuassengi ringngapanna nalabattu Bataranu.

LUKAS 12:36

sangkamma palayang-palayang tuli sadiaya antayangi pammoteranna karaenna battu ri passua'-suarrang pa'buntinganga. Punna ammotere' karaenna na nade'de' pakke'buka, lanasungkei linta' ke'nanga pakke'buka.

LUKAS 12:43

Teai sipato' upa'na anjo palayanga punna ammotere' karaenna nanirapikang anggaukang bajiki jama-jamanna!

LUKAS 17:8

Mattantu tena! Mingka lanukana, ‘Pasadianga' kanreku. Ammakeko care-care tangkasa' nunampa ammempo antayanga' sa'gengku le'ba' angnganre siagang angnginung; le'bappa' angnganre siagang angnginung nunampa akkulle angnganre.’

LUKAS 21:36

A'jaga-jagako, siagang tuli appala' doangko sollanna numajarre' andallekangi sikamma anjo apa lakajarianga, siagang nukkulle andallekang ri Ana' Ma'rupataua.”

LUKAS 22:27

Kereanga la'bi la'biri'?: tau ammempoa angnganre ri mejanga, yareka tau a'jari palayanga mae ri anjo tau angnganrea? Tantu anjo tau ammempoa angnganre. Mingka nia'Ma' ri tangnga-tangnganu a'jari palayang.

YOHANES 12:26

Inai-nai ero' a'jari palayang mae ri Nakke, musti amminawangi ri Nakke; sollanna kemae-kemae pammantangangKu akkulle tongi nia' palayangKu anrurungangA'. Inai-nai a'jari palayang ri Nakke, iami lanipakala'biri' ri ManggeKu.”

1 KORINTUS 2:9

Mingka sangkamma apa tattulisika lalang ri Kittaka angkanaya, “Apa tenaya nale'ba' nacini' yareka nalangngere' rupataua, kammayatompa tenaya nale'ba' ammumba lalang ri pikkiranna rupataua, iaminjo Napasadia Allata'ala untu' tau mangngamaseanga ri Ia.”

FILIPI 1:21

Nasaba' untu' inakke, mangeanna tallassakku iamintu Almasi bawang! Na matea iamintu upakku.

FILIPI 1:23

Battu pimbalimi pikkirang battua mae ri nakke. Ero' dudua' ambokoi anne linoa nakua'lampa mange ammantang siagang Almasi, nasaba' iaminjo kaminang baji'.

2 PETRUS 1:11

Lalang kammanami anjo nulanikellai tojeng-tojemmo antama' ri Kakaraengang mannannungang battua ri Batara siagang Karaeng Mappasalamatta Isa Almasi.

2 PETRUS 3:14

Lanri kammana, sikamma sari'battangku sannaka kukarimangnginna; ilalang nutayanna anjo Allo labattua, attojeng-tojengko usaha untu' a'jari tangkasa' siagang tena callannu lalang ri katallassannu ri dallekanNa Allata'ala. Siagang katutui bajiki passisambungannu siagang Allata'ala.

PAPPICINI' 14:13

Nampa nia' kulangngere' sa'ra battu ri suruga angkana, “Tulisiki anne: Maupaki tau matea appakkaramula ri kamma-kamma anne, ilalang nalayanina Batara!” Appialimi RohNa Allata'ala angkana, “Annabai! Lammari ke'nanga anjama terasa', lanri tuli nia'na wassele' palayananna ke'nanga anrurungangi.”

PAPPICINI' 16:15

“Pilangngeri! BattuA' sangkamma palukkaka! Maupaki tau tuli a'jagaya siagang nakatutuia pakeanna, sa'genna tena nassolara' a'jappa siagang tena nasiri'-siri' a'jappa ri dallekanna tau jaia!”

PAPPICINI' 3:21

Ia ammetaya, laKupa'biangi ammempo ri empoang kala'birangKu siagang sipammempoangA' sangkamma Kalengku le'bakamo ammeta siagang kamma-kamma anne siagang ManggeKu ri empoang kala'biranNa.

PAPPICINI' 7:17

nasaba' anjo Ana' Gimbala' ammempoa ri tangnga-tangngana anjo empoang kala'biranga la'jari pakalawaki mae ri ke'nanga. Lanirurungangi ke'nanga mae ri timbuseng je'ne' assarea katallassang. Na Allata'ala lassapui sikamma je'ne' matanna ke'nanga.”