LUKAS 10:39 - KITTA' MATANGKASA'

³⁹ Anjo Marta nia' sari'battanna niarenga Maria. Na anjo Maria ammempomi ri ampi'Na Isa ampilangngeri kana-kana Napangngajarranga Isa.

LUKAS 10:39 ပူးပေါင်းရင်းမြစ်များ

2 KARAENG-KARAENG 4:38

Ri se'reang wattu natujui sikontu pa'rasanganga bala kacipurang. Jari ammotere'mi Elisa mange ri Gilgal. Ri wattunna sitabang angngajara' siapa are jaina na'bi, nasuromi palayanna angngalle uring lompo nampa napappalluang ke'nanga.

PANGNGEBARANG 8:34

Mate'nei tau mappilangngeria ri nakke tunggala' alloa ammempo antayanga' ri pakke'bu' ballakku, tuli a'jaga-jagaya ri pakke'bu' lompona pammantangangku.

LUKAS 10:42

Sikontutojenna nia' se're passala' la'bi parallu. Na iaminjo se'rea, sannaka baji'na siagang sannaka paralluna le'ba' napilei Maria, tenaya nalatappela'!”

LUKAS 2:46

Makatallungallonapi naboya ke'nanga nampa nabuntulu' lalang ri Balla'Na Batara. Niaki lalang ammempo ampilangngeri guru-guru agamaya siagang akkuta'nang ri anjo guru-guru agamaya.

LUKAS 8:35

Assulu'mi taua battu ri kotaya ero' mange anciniki anjo apa kajarianga. Mangemi ke'nanga ri Isa, na nia'mo nacini' ke'nanga anjo tau le'baka nilappassang ri setanga, ammempo ri dallekanNa Isa. Ammakemi care-care, siagang baji'mi jappana pikkiranna. Malla' ngasemmi ke'nanga.

YOHANES 11:1

Nia' sitau niareng Lazarus ammantang ri Betania siagang sari'battanna niarenga Maria siagang Marta.

YOHANES 11:19

Jaimi tu Yahudi battu angkunjungi Marta siagang Maria untu' ansaleori ke'nanga lanri matena sari'battanna.

YOHANES 12:3

Battumi Maria angngerang minynya'-minynya' sannaka bau'na, kira-kira nia' sitangnga litere' jaina, sannaka ka'jala'na ballinna. Napatiri'mi anjo minynya'-minynyaka ri bangkenNa Isa, nampa nalu'lu' siagang uu'na. A'jari bau' ngasemmi niara' lalang sibatu balla' napakamma anjo minynya'-minynyaka.

LAMPA-LAMPANA 22:3

“Inakke tu Yahudia'. Anjorenga' ri kota Tarsus, ri pa'rasangang Kilikia nilassukang. Mingka anrinnia' ri Yerusalem nipakalompo. Siagang anrinnia' niajara' baji' ri guru lompoa Gamaliel ri passala' atorang-atorang le'baka napassareang Musa ri boe-boeta. Sangkamma ikau ngaseng niaka anne alloa anrinni, sanna' todong rajengku anynyomba mae ri Allata'ala.

PAOLE 33:3

Nakarimangngi Batara bansaNa, Nala'langngi taunNa. Umba kisu'ju' ri dallekang bangkenNa siagang mannuruki ri parenta-parentaNa.