LUKAS 10:17 - KITTA' MATANGKASA'

¹⁷ Ammotere'mi anjo tuju puloa ana'-ana' gurunNa Isa, le'baka Nasuro a'lampa. Rannu ngasemmi ke'nanga wattunna ammotere'. Nakana ke'nanga, “O Batara, amminawang turu' ngasengi setanga punna nibongkai ri kambe assala' arenTa nipau!”

LUKAS 10:17 ပူးပေါင်းရင်းမြစ်များ

MATIUS 4:24

Tassiara'mi kabara'Na Isa mange ri pa'rasangang Siria, sa'genna pila' jaimi tau ambattui. Massing angngerammi ke'nanga tau garring. A'rupa-rupami tau garring siagang tau susa nierang mae ri Ia. Tau nisosoka ri setang, tau mate-mate jangang, tau peso', na maraengannaya, Naballei ngasemmi Isa sa'genna baji' memang silalonna.

MARKUS 16:17

Na la'jari buttia angkanaya tappaki ke'nanga, lanabongkami setanga lalang arengKu; la'bicarai ke'nanga lalang a'rupa-rupa bicara tenaya napahangi ke'nanga.

LUKAS 10:1

Le'baki anjo Napileimi pole Isa tujupulo ana' gurunNa, nampa Nasuro ke'nanga a'lampa ta'rua-rua. Nasuroi ke'nanga a'lampa riolo mange ri kota-kota siagang sikamma tampa' eroka Nakunjungi.

LUKAS 10:20

Mingka manna nakamma mamo, teako rannu dudui punna amminawammo roh-roh ja'dalaka ri parentanu. Bajikangangi punna rannuko lanri tattulisi'mi arennu lalang ri suruga.”

LUKAS 10:9

Balleimi tau garringa ri anjo kotaya, siagang birittakammi mae ri sikamma taua anjoreng angkanaya, ‘Tasalloami Nalappakkaramula Allata'ala ammarenta salaku Karaeng ri tangnga-tangnganu ngaseng.’

LUKAS 9:1

Nakio'mi Isa sampuloa anrua ana' gurunNa. Nampa Nasare ke'nanga koasa untu' ambongkai setanga, siagang amballei tau garringa.

ROMA 16:20

Allata'ala assarei salewangang rupataua; tasalloami naancuru' Billisika nampa naboli' irawangang kakoasannu. Poro tuli nibarakkaki ngasengko ri Batarata Isa Almasi!

EFESUS 5:24

Sangkamma anjo jama'aka tunduki mae ri Almasi, kammatommi anjo tu bai'-bainea musti tundu' tongi mae ri tubura'-bura'nena, lalang ri passala' apa-apa mamo.