LAMPA-LAMPANA 8:2 - KITTA' MATANGKASA'

² Mangemi sikamma tau mallaka ri Allata'ala antarawangi maya'na Stefanus. Nakarrukimi ke'nanga Stefanus. Sanna' ngaseng si'nana atinna ke'nanga.

LAMPA-LAMPANA 8:2 ပူးပေါင်းရင်းမြစ်များ

PA'JARIANG 23:2

matemi ri Hebron ri butta Kanaan. Si'na sikalimi pa'mai'na Abraham siagang nakarrukimi anjo kamateanna bainenna.

PA'JARIANG 50:9

Pasukang akkaretaya siagang a'jaranga amminawang tommi, sa'genna sanna'mo la'buna anjo barisanga.

2 SAMUEL 3:31

Nampa naparentakang Daud mae ri Yoab siagang ana' buana sollanna nakekke' pakeanna ke'nanga, siagang ammake kaeng tanra kasusaang kamateang kammayatompa nanakarruki Abner. Siagang ri wattunna niantara' mayaka, kalenna Karaeng Daud a'jappa ri bokona patti tumatea.

2 PATTOTTORANG 32:33

Matemi Hizkia, nampa nitarawang ri butta pangngambikang niaka ri pa'jerakkanna sikamma karaenga. Nipakalompoi ri sikontu ra'ya' Yehuda siagang Yerusalem ri wattunna mate. Nampa ana'na niarenga Manasye ansambeangi a'jari karaeng.

2 PATTOTTORANG 35:25

Appareki Na'bi Yeremia se're kelong karru' untu' Karaeng Yosia. Sa'genna kamma-kamma anne anjo kelonga nipakei ri Israel ri pakelonga, baji' bura'ne kammayatompa baine, lalang pangngu'rangi kasusaang mae ri kamateanna Yosia. Anjo kelonga nipantamaki ri passe'reanna kelong-kelong karruka.

YEREMIA 22:10

Ikau tu Yehuda, teako susai pa'mai'nu lanri kamateanna Karaeng Yosia. Karrukimi Yoahas ana' bura'nena nasaba' nierammi a'lampa na talammotera. Talanacinikami pole butta passolongang cera'na.

YEREMIA 22:18

Lanri kammana anjo, ri sesena Yoyakim karaeng Yehuda, ana' bura'nena Yosia, kammaminne kananNa Batara, “Kamateanna tena nalanikarruki; tena tau lakkana, ‘Kodong, agangku, kodong.’ Tena tau lasusa yareka ammarrang angkana, ‘Kodong karaeng!’

PAMMILANGNGANG 20:29

Nalangngere'mi sikontu ummaka angkanaya matemi Harun; napangngalleammi wattu kasusaang ke'nanga lalang tallumpulo allo.

MARKUS 6:29

Nalangngere'na ana'-ana' gurunna Yohanes anjo kajarianga, a'lampami ke'nanga mange angngallei maya'na Yohanes, nampa natarawang.

LUKAS 2:25

Anjo wattua nia' ri Yerusalem sitau niareng Simeon. Ia tau baji', na malla' ri Allata'ala. Na tayang-tayammi wattunna nabattu Allata'ala ampasalamaki umma' Israel. Antama'mi RohNa Allata'ala ri kalenna.

LAMPA-LAMPANA 10:2

Ia tau malla' ri Allata'ala. Sikontu bone balla'na tau anynyomba ngaseng mae ri Allata'ala. Jai tu kasi-asi bansa Yahudi natulung. Tuli appala' doangi ri Allata'ala lalang tallasa'na.

LAMPA-LAMPANA 2:5

Anjo wattua jai tu Yahudi ammantang ri Yerusalem, battua ri a'rupa-rupa pa'rasangang ri sikontu linoa. Sangnging tau malla' ngaseng ke'nanga ri Allata'ala.

LAMPA-LAMPANA 8:1

Na sannang todong nyawana Saulus ri nibunonamo Stefanus. Iatommi anjo alloa nappakkaramulamo niondang mange-mange jama'aka ri Yerusalem. Sa'genna tassia'-siara'mo sikamma tau tappaka ri sikontu daera Yudea siagang Samaria. TunisuroNa mami Allata'ala tena natassia'-siara'.

LAMPA-LAMPANA 8:3

Mingka tuli usahaji pole Saulus ansessai jama'aka. A'lampai ri tasse're-se'reang balla', nanare'resang ngaseng assulu' tau tappaka. Nampa napantama' ke'nanga ri tarungkua.

PAOLE 34:8

Appare'mi upacara kasusaang bansa Israel tallumpulo allo ri lappara'na Moab lanri kamateanna Musa.

1 SAMUEL 28:3

Matemi Samuel siagang nikarrukimi ri sikontu Israel, nampa nitarawang ri Rama, kota kalenna. Siapa are wattu allaloa, nabongkami Saul battu ri Israel sikontu pacinika siagang sanro pakkio' nyawa tu matea.