LAMPA-LAMPANA 7:9 - KITTA' MATANGKASA'

⁹ Na anjo boe-boeta assereati mae ri Yusuf, sa'genna nabalukang anjo Yusuf a'jari ata ri Mesir. Mingka nirurungangi Yusuf ri Allata'ala,

LAMPA-LAMPANA 7:9 ပူးပေါင်းရင်းမြစ်များ

PA'JARIANG 39:2

Nitulummi Yusuf ri Batara, sa'genna tuli a'jari baji' sikontu apa najamaya. Ammantammi ri balla'na karaenna, anjo tu Mesirka.

PA'JARIANG 39:5

Appakkaramula anjo wattua, passabakkang Yusuf, nibarakkakimi bone balla'na anjo tu Mesirka kammayatompa sikontu barang-baranna, baji' niaka lalang balla' kammayatompa niaka ri kokoa.

PA'JARIANG 45:4

Nampa nakanamo Yusuf mae ri ke'nanga, “Mae ngaseng mako anrinni.” A'reppese'mi ke'nanga, nampa nakanamo pole Yusuf, “Inakke minne Yusuf le'baka nubalukang mae ri Mesir.

PAMMUJI 105:17

Mingka Napajappa rioloi sitau ri dallekanna ke'nanga, Yusuf, le'baka nabalukang ke'nanga a'jari ata.

YESAYA 41:10

Teako mallakki, saba' iNakke anrurungangko, teako lussakki, saba' iNakke Allata'alanu. LaKupakajarrekko siagang laKutulungko, Kurenrengko lalang lima makassakKu.

YESAYA 43:2

Punna nusombali je'neka, iNakke anrurungangko, tena nulatallang lalang ri sikamma kasukkarrannu. Punna allaloko ri pepeka, tena nulammutung, tena nalanabalaiko sikamma paccoba battalaka.

HAGAI 2:4

Mingka teako tappu' panrannuangngi, he ikau ngaseng! Patulusuki anjo jama-jamanga, nasaba' iNakke tuli lambantu ngasengko.

MATIUS 27:18

Nakkana kamma anjo Pilatus, kasaba' naassengi angkanaya na napassareang ke'nanga Isa, lanri assereati ke'nanga ri Isa.

1 KORINTUS 13:4

Tau mangngamaseanga ri paranna tau, iamintu tau sa'baraka siagang baji' ati. Tena nasanna' pasereatina, tena natinggi langga siagang tena natampo.