LAMPA-LAMPANA 7:3 - KITTA' MATANGKASA'

³ ‘Bokoi anne pa'rasangannu siagang bija-bijannu. A'lampako mange ri pa'rasangang laKujo'jokangako sallang.’

LAMPA-LAMPANA 7:3 ပူးပေါင်းရင်းမြစ်များ

PA'JARIANG 12:1

Nakanamo Batara ri Abram, “Bokoi pa'rasangannu, sikontu bija-bijannu siagang balla'na manggenu, nunampa a'lampa mange ri se'reang pa'rasangang laKupappicinikanga mae ri kau.

PA'JARIANG 15:7

Nampa Nakana pole Batara ri ia, “INakkemi Batara, le'baka anrurungangko assulu' battu ri pa'rasangang Ur ri Babilonia, sollanna Kupassareang anne buttaya mae ri kau untu' nukammai.”

PA'JARIANG 20:13

Jari ri wattungku Nasuro Allata'ala ambokoi balla'na manggeku, nakunampa a'lampa mange-mange a'jari tubattu-battu, kukanamo ri bainengku, ‘Pa'nyatami majarre'na pa'mai'nu ri nakke, lalang nukanana mae ri yangasenna taua angkanaya ikau andikkuko.’ ”

NEHEMIA 9:8

Kigappai majarre' siagang mappilangngeri ri Katte. Nampa apparekKi' parjanjiang majarre' siagang ia. Butta Kanaan, Het siagang Amori, butta Feris, Yebus siagang Girgasi, yangasenna anjo laKipassareangi ri ia a'jari pammantangang sikontu turunganna. Nampa Kirupai anjo janjinTa ri ia. Nasaba' adele' siagang majarrekKi' ri janjinTa.

MATIUS 10:37

Inai-nai la'bi angkamaseangi anrong manggena naiNakke, tasiratangai amminawang ri Nakke. Kammaya todong, inai-nai la'bi angkamaseangi ana'-ana' bainena yareka ana'-ana' bura'nena naiNakke, tasiratanga tongi amminawang ri Nakke.

LUKAS 14:33

Kala'busanna Nakanamo Isa, “Ikau kamma ngaseng tommako anjo. Tenanniakka manna sitau lakkulle a'jari ana' gurungKu, punna taerokako ambokoi ngasengi apa-apa niaka ri kau.”

LAMPA-LAMPANA 7:4

Jari a'lette'mi Abraham battu ri pa'rasangang Kasdim mange ri Haran. Ri wattunna matemo manggena Abraham, nipalette'mi Abraham ri Allata'ala mae anrinni, ri pa'rasangang nupammantangia ngaseng kamma-kamma anne.

2 KORINTUS 6:17

Lanri kammana, bokoimi anjo tau tenaya namangngasseng ri Allata'ala, siagang pakabellami kalennu battu ri ke'nanga. Tea' laloko sikarapiki siagang apa-apa ra'masaka, nampa Kutarimako mae ri KalengKu.

IBRANI 11:8

Lanri tappa'na, naturukimi Abraham ero'Na Allata'ala ri wattunna nikio' siagang nisuro ri Allata'ala a'lampa mange ri pa'rasangang Napa'janjianga Allata'ala mae ri ia. A'lampami Abraham manna natanaassenga pa'rasangang lanatujua.

YOSUA 24:3

Nampa Kualle Abraham, anjo boe-boenu, battu ri anjo pa'rasangang ba'leanna Binanga Efrat, nampa Kusuro alla'bang anjappai sikontu pa'rasangang Kanaan. Kusarei jai turungang. Uru-uruna Kupassareangi Ishak mae ri ia,