LAMPA-LAMPANA 6:3 - KITTA' MATANGKASA'

³ Jari, bajiki punna nupileimo battu ri kau ngaseng tuju tau baji' ampea siagang nikoasaia ri RohNa Allata'ala, akkullea nisare jama-jamang, langngatoroki anne passala' apa-apa lanikanrea;

LAMPA-LAMPANA 6:3 ပူးပေါင်းရင်းမြစ်များ

KALAPPASSANG 18:21

Mingka pantaranganna anjo musti ammileko siapa are tu bura'ne cara'deka, nampa nuangka' ke'nanga a'jari pamimping mae ri sisa'bu tau, sibilangngang tau, limampulo tau, siagang sampulo tau. Anjo ke'nanga musti tau malla' siagang mannuruki ri Allata'ala, akkullei nipatappa' siagang taerokai annarima doe' pammuccu'.

YESAYA 28:26

Naassengi carana anjamai, saba' le'ba'mi Niajara' ri Allata'alana.

YESAYA 28:6

LaNasarei Batara kaadelang sikamma hakinga, kabaraniang mae ri sikamma tau tugasaka anjagai kotaya battu ri pa'bakkana musua.

MATIUS 23:8

Mingka ikau ngaseng teako eroki nikio' ‘Bapa' Guru’, nasaba' se'reji Gurunnu, na ikau assari'battang ngasengko.

YOHANES 21:23

Jari tassiara'mi anjo kabaraka ri ana'-ana' gurunNa ngaseng Isa, angkanaya talamateai anjo ana' gurua. Na sikontutojenna tena na Nakana Isa angkanaya talamateai anjo ana' gurua passangalinna Nakananaja: “Ebara' angkana erokKa' natuli attallasa' sa'gengKu battu, anjo teai urusannu.”

LAMPA-LAMPANA 1:15

Ri se'reang allo, ri wattunna a'rappungang ke'nanga – nia' kira-kira sibilangngang ruampulo jaina tau hadere' – ammentemmi Petrus a'bicara. Nakana,

LAMPA-LAMPANA 1:21

Lanri kammana minjo, namusti nia' sitau ansambeangi Yudas, amminawanga siagang ikatte a'jari sa'bi angkanaya ma'nassa attallasa' poleammi Batarata Isa battu ri kamateanga. Anjo tau ansambeangai, musti kalase'renna tau niakamo tuli angngagangki' ri wattunna a'lampa Isa ri kere-keremae siagang ikatte. Iamintu appakkaramula ri wattunta naje'ne' Yohanes, sa'genna niangka' Isa nai' ri suruga battu ri tangnga-tangngata.”

LAMPA-LAMPANA 10:22

Appialimi ke'nanga angkana, “Kapiteng Kornelius ansuroi anne ikambe battu mae. Anjo Kornelius tau baji', siagang tau malla' ri Allata'ala, kammayatompa sanna' nipakalompona ri sikamma tu Yahudia. Niaki malaeka'Na Allata'ala ansuroi sollanna nasuro kiokki' mange ri balla'na. Iaminjo ampa'nassai angkanaya nipilangngerimi pappala' doanna ri Allata'ala, punna akkullemo nalangngere' apa lakipabattua mae ri ia.”

LAMPA-LAMPANA 15:23

Nisaremi anne ke'nanga angngerang se're sura', kammaya anne bonena, “Natarimai sikontu sari'battang bansa-bansa maraenga, niaka ammantang ri Antiokhia, Siria, siagang Kilikia. Salama' battu ri kambe ngaseng tunisuroNa Allata'ala siagang pamimping-pamimpinga, iamintu sari'battannu ngaseng.

LAMPA-LAMPANA 16:2

Alla'bangi niasseng ri sikamma tu tappaka ri Listra siagang Ikonium, angkanaya anjo Timotius tau baji'.

LAMPA-LAMPANA 2:4

Nikoasai ngasemmi ke'nanga ri RohNa Allata'ala, sa'genna appakkaramulamo akkulle a'bicara lalang a'rupa-rupa bicara. Akkullemi a'bicara ke'nanga situru' apa nisareangai ri RohNa Allata'ala untu' lanapau.

LAMPA-LAMPANA 22:12

Anjoreng ri Damsyik nia' sitau niareng Ananias. Anjo taua sanna' baji'na. Tutui anggaukangi sikamma parentaNa Allata'ala, le'baka napassareang Musa mae ri katte. Sanna' nipakala'biri'na ri sikontu tu Yahudi niaka ammantang ri Damsyik.

LAMPA-LAMPANA 28:14

Anjoreng ri kota Putioli assigappa maki' siagang siapa are tu tappa' ri Isa. Nakio' maki' ke'nanga mange ri balla'na. Nakiammantammo siagang ke'nanga sidaminggu sallona. Le'baki anjo a'lampa maki' mange ri kota Roma.

LAMPA-LAMPANA 6:2

Jari anjo sampuloa anrua tunisuro napa'rappungammi sikontu tau tappaka, nampa nakana ri ke'nanga, “Tabajikai punna lammari ikambe ampabattui kananNa Allata'ala, lanri langngurusu'na passala' apa-apa lanikanrea.

LAMPA-LAMPANA 6:5

Assamaturu' ngasemmi ke'nanga ri anjo apa napaua anjo sikamma tunisuroNa Allata'ala. Napileimi ke'nanga tuniarenga Stefanus, sannaka tappa'na ri Isa, siagang nikoasaia ri RohNa Allata'ala. Maraengannaya nipile tommi: Filipus, Prokhorus, Nikanor, Timon, Parmenas, siagang Nikolaus battua ri Antiokhia. Anne Nikolaus teai tu Yahudi, mingka antama'mi agama Yahudi.

LAMPA-LAMPANA 6:6

Nierammi anne tujua tau mae ri sikamma tunisuroNa Allata'ala, nampa nipappala' doangang siagang nipappalakkang barakka' ri Batara.

LAMPA-LAMPANA 9:30

Naassennamo sikamma tau tappa' maraengannaya anjo passalaka, naerammi ke'nanga Saulus mange ri Kaisarea, nampa nasuro a'lampa mange ri Tarsus.

1 KORINTUS 12:8

Nia' tau nisare ri RohNa Allata'ala pakkulle a'bicara sa'genna lompo pangaruna. Maraenganga nia' nisare kacara'dekang untu' ampakasingaraki biritta battua ri Allata'ala; naia tonji anjo Roh se'rea assarei kacara'dekang.

1 KORINTUS 16:3

Punna battua' sallang, lakusuromi tau le'baka nupassamaturuki untu' a'lampa angngerangi anjo sumbanganga. Lakusarei ke'nanga sura' pangngantara', sollanna naerang ke'nanga anjo sumbanganga mange ri Yerusalem.

EFESUS 5:18

Teako nabengoi anggoro', nasaba' anjo anggoroka akkulleko napanraki. Passangalinna paralluko nikoasai ri RohNa Allata'ala.

PAOLE 1:13

Pilemi battu ri massing sukua siapa are jaina tu bura'ne cara'de', niaka pangalamanna siagang niaka pammahanna, sollanna kuangkaki ke'nanga a'jari pamimping mae ri kau.

1 TIMOTIUS 5:10

niassemmi angkanaya nangai a'gau' bajika, kammaya: le'ba'mi napakalompo baji' ana'-ana'na, nangai annarimaya toana a'bangngi ri balla'na, nalayani tau tappaka, siagang natulungi tau susaya; bodona kana, le'ba'mi nagaukang tojeng-tojeng a'rupa-rupaya jama-jamang baji'.

YAKOBUS 1:17

Sikontu passare bajika siagang hadia sukkuka, sangnging battu ngaseng ri suruga, nipaturunga ri Allata'ala, ampa'jariai sikontu apa-apa singaraka ri langika. Iami Allata'ala tamamminraya, tenaya Nammoli' bayang-bayang lanri pamminroanna apa-apaya.

3 YOHANES 1:12

Sikontu taua napuji Demetrius. Ba'lalo Allata'ala pole Napuji tongi. Ikambe pole ampuji tongi, siagang nuasseng ngasemmi angkanaya annabai anne apa napabattua ikambe.