LAMPA-LAMPANA 5:2 - KITTA' MATANGKASA'

² Anjo doe' ballinna anjo tanaya, naboliki tawaruanna untu' kalenna ke'nanga, nampa tawaruanna maraenga napassareang mae ri tunisuroNa Allata'ala. Anne apa nagaukanga naasseng tongi bainenna.

LAMPA-LAMPANA 5:2 ပူးပေါင်းရင်းမြစ်များ

MALEAKHI 1:14

Nitunraimi patipu assarea ri Nakke olo'-olo' tenaya anggaranna, punna nia'ja olo'-olo' maraengannaya bajika le'baka napa'janjiang ri Nakke! Nasaba' iNakke Karaeng Malompo, siagang nipakalompoa ri sikontu bansaya.”

MATIUS 23:5

Sikontu anjo apa nagaukanga ke'nanga poro ero'naja napappicini'-cinikang ri taua. Napakkunjung-kunjungiammi ke'nanga ammake soro'bang siagang juba turunga!

YOHANES 12:6

Nakkana kamma anjo Yudas, teai lanri nakamaseanna tu kasi-asia, passangalinna nasaba' palukkaki. Biasai naalle doe' nibolika, nipappirannuanga ri ia niboli'.

LAMPA-LAMPANA 2:44

Tuli ma'julu ati ngasengi anjo tau tappaka. Punna nia' apa-apanna ke'nanga, napassama-samai napake.

LAMPA-LAMPANA 5:1

Mingka nia' sitau bura'ne niareng Ananias. Siagangi bainenna niarenga Safira, ambalukang tongi sisapa' tanana.

LAMPA-LAMPANA 5:3

Nakanamo Petrus, “Ananias, angngapa nanupassareang atinnu nakoasai Billisika, sa'gennu a'balle-balle ri RohNa Allata'ala? Iamintu nuboli' cokko-cokkoi untu' kalennu tawaruanna doe' ballinna anjo tanaya?

LAMPA-LAMPANA 5:8

Nakanamo Petrus ri ia, “Pauang sabeka': Maka sikamma tojeng anne ballinna anjo tana le'baka nubalukang siagang bura'nennu?” Appialimi nakana, “Tojeng-tojenga', iamintu ballinna.”

FILIPI 2:3

Teako na lanri kaparalluang kalennu nanugaukang se'rea jama-jamang, yareka lanri ero'na nupattampo-tampoang kalennu. Mingka paralluko massing tuna pa'mai', nanucini' bajikangang taua na kalennu.

1 TIMOTIUS 6:10

Nasaba' battu ri sipa' cinnayami ri doe' ammumba a'rupa-rupaya kaja'dallang. Nia' sipa'gang tau angngondang dudu doe' siagang tenamo naturuki pangngajarang Karistenga, sa'genna nituju ke'nanga ri jai kasessang angngancurukai atinna ke'nanga.