LAMPA-LAMPANA 4:2 - KITTA' MATANGKASA'

² Larromi ke'nanga lanri napauna Petrus siagang Yohanes mae ri taua angkanaya attallasa' poleammi Isa battu ri kamateanga. Na iaminjo a'jari butti angkana lattallasa' poleangi tau matea.

LAMPA-LAMPANA 4:2 ပူးပေါင်းရင်းမြစ်များ

NEHEMIA 2:10

Mingka nalangngere'na Sanbalat, iamintu tu Bet-Horon, siagang Tobia, se're tunna'gala' jamang battu ri Amon, angkana battua' untu' kaparalluanna bansa Israel, a'jari sanna'mi birisi'na ke'nanga.

LAMPA-LAMPANA 13:45

Ri wattunna nacini' tu Yahudia anjo tau jaia, sanna'mi akkimburuna lalang atinna ke'nanga. Nahinami Paulus, siagang nageakki ngasemmi anjo apa napabattua.

LAMPA-LAMPANA 17:18

Assigea'mi Paulus siagang guru-guru battua ri golongang Epikuros siagang golongang battua ri Stoa. Nia' siapa are maraeng ri ke'nanga angkana, “Apa todong naasseng anne taua? Sike'de' duduji pangngissenganna mingka teai sipato' jaina bicaranna!” Nia' todong siapa are tau angkana, “Kamma nicini' rewata-rewata bansa maraeng nakabarrang.” Akkana kammai anjo ke'nanga, lanri passala'Na Isa siagang passala' attallasa'Na ammotere' Isa battu ri kamateanga nabicara Paulus mae ri ke'nanga.

LAMPA-LAMPANA 19:23

Kira-kira iaminjo wattua nania' karicuang lompo ri Efesus passabakkang pangngajarang ri passala'na Isa.

LAMPA-LAMPANA 24:21

Iaji bawang nagappa ke'nanga ri kalengku, anne kana sirupaya, iamintu ri wattu kukanana ri dallekanna ke'nanga, angkanaya: anne alloa niadelia' passabakkang tappaka' angkanaya lanipattallasa' poleangi ammotere' tau matea.”

LAMPA-LAMPANA 26:23

iamintu angkanaya musti sessai anjo Karaeng Mappasalama' le'baka Napa'janjiang Allata'ala, siagang Iami la'jari tau uru-uru attallasaka ammotere' battu ri kamateanga. Sollanna lanri kammana anjo, akkullemi Napabattu kasalamakkanga, baji' namae ri tu Yahudia, kammayatompa mae ri bansa-bansa maraenga.”

LAMPA-LAMPANA 26:8

Angngapa natakkullea tappa' sikamma sari'battangku tu Yahudia angkanaya laNapattallasa' poleangi ammotere' Allata'ala tau matea?

LAMPA-LAMPANA 3:15

Nubunoi anjo Isa, na sikontutojenna Iami kabattuanna katallassanga untu' sikontu rupataua. Mingka nipattallasa' poleammi ri Allata'ala battu ri kamateanga. Kalennami ikambe anciniki anjo apa kajarianga.

LAMPA-LAMPANA 5:17

Kale'bakkanna angngallemi tindakang imang lompoa siagang taunna ngaseng, iamintu golongang tu Sadukia, lanri assereatina ke'nanga.

ROMA 8:11

Punna niaki lalang ri kalennu RohNa Allata'ala, iamintu Roh ampattallasa' poleangai Almasi battu ri kamateanga, Ia tomminjo RohNa lampattallasaki tubunu akkullea mate.

1 KORINTUS 15:23

Mingka la'massing-massingi wattunna taua nipattallasa' poleang: uru-uruna Almasi; le'baki anjo, punna battu poleang Almasi, nampa sikamma tau antamaya ri pa'rappunganna umma'Na Almasi.