LAMPA-LAMPANA 27:5 - KITTA' MATANGKASA'

⁵ Le'baki anjo assombala' maki' ri tamparang sidallekanga siagang Kilikia na Pamfilia, sa'genta battu mange ri Mira, pa'rasangang Likia.

LAMPA-LAMPANA 27:5 ပူးပေါင်းရင်းမြစ်များ

LAMPA-LAMPANA 13:13

Battu ri Pafos, assombala'mi Paulus siagang agang-aganna mange ri Perga, daera Pamfilia. Battuna mange anjoreng a'lampami Yohanes Markus ambokoi ke'nanga, ammotere' mange ri Yerusalem.

LAMPA-LAMPANA 15:23

Nisaremi anne ke'nanga angngerang se're sura', kammaya anne bonena, “Natarimai sikontu sari'battang bansa-bansa maraenga, niaka ammantang ri Antiokhia, Siria, siagang Kilikia. Salama' battu ri kambe ngaseng tunisuroNa Allata'ala siagang pamimping-pamimpinga, iamintu sari'battannu ngaseng.

LAMPA-LAMPANA 15:38

Mingka napikkiriki Paulus angkanaya tabajikai nierang Markus; nasaba' taerokai assamaturu' anjama siagang ke'nanga, kammayatompa le'baki Markus ampilari ke'nanga ri wattunna nia' ri Pamfilia ke'nanga.

LAMPA-LAMPANA 15:41

A'lampami ke'nanga angkulilingi Siria siagang Kilikia; napakajarre'mi ke'nanga sikamma jamaah niaka anjoreng.

LAMPA-LAMPANA 2:10

Frigia, Pamfilia, Mesir, siagang battu ri daera-daera Libia sikambania Kirene; ikatte niakki' tu battu ri Roma,

LAMPA-LAMPANA 21:39

Appialimi Paulus nakana, “Inakke tu Yahudia'; kota pammantangangku ri Tarsus, kota lompoa ri daera Kilikia. Kitulunga' nakisarea' kasampatang a'bicara mae ri anjo taua ngaseng.”

LAMPA-LAMPANA 22:3

“Inakke tu Yahudia'. Anjorenga' ri kota Tarsus, ri pa'rasangang Kilikia nilassukang. Mingka anrinnia' ri Yerusalem nipakalompo. Siagang anrinnia' niajara' baji' ri guru lompoa Gamaliel ri passala' atorang-atorang le'baka napassareang Musa ri boe-boeta. Sangkamma ikau ngaseng niaka anne alloa anrinni, sanna' todong rajengku anynyomba mae ri Allata'ala.

LAMPA-LAMPANA 6:9

Mingka nia'mo siapa are tau angngewai; iamintu anggotana ngaseng balla' sambayang niarenga Balla' Sambayanna Tu Bebasaka. Anggota-anggotana anjo balla' sambayanga, iamintu tu Yahudi battua ri Kirene siagang Aleksandria. Sipammemtengammi ke'nanga siagang tu Yahudi battua ri Kilikia siagang Asia, anggea'-geakki Stefanus.

GALATIA 1:21

Le'baki anjo a'lampa' mange ri daera-daera Siria siagang Kilikia.