LAMPA-LAMPANA 26:3 - KITTA' MATANGKASA'

³ la'biangampa pole nasaba' kiasseng sikali ada'-ada'na siagang passa'-passala'na katallassanna tu Yahudia. Lanri kammana minjo, kupalaki pa'mai' bajitta nakipilangngeri baji'-baji' anne apa eroka kupakasingara'.

LAMPA-LAMPANA 26:3 ပူးပေါင်းရင်းမြစ်များ

YEREMIA 32:11

Nampa kualle anjo sura' pammallia le'baka nisare segele' siagang niaka tattulisi' sara'-sara' kammayatompa katantuang-katantuang nipareka. Kualle tommi salinanna sura' pammalli tenaya nammake segele',

LAMPA-LAMPANA 21:21

Na kamma-kamma anne nalangngere'mi ke'nanga angkanaya le'ba'mi nuajara' sikamma tu Yahudi niaka ammantang ri tangnga-tangngana bansa maraenga, sollanna nabokoimo ke'nanga anjo sikamma parentaNa Allata'ala napabattua Musa. Nupakainga'mi ke'nanga sollanna tenamo nanasunnaki ana'-ana'na ke'nanga, yareka tenamo nanaturuki ke'nanga ada'-ada'na tu Yahudia.

LAMPA-LAMPANA 24:10

Le'baki anjo nisaremi wattu Paulus ri anjo Guburnurka sollanna a'bicara. Jari a'bicarami Paulus nakana, “Kuassengi angkanaya attaung-taummi sallota a'jari haking anrinni ri pa'rasanganga karaeng. Iaminjo saba'na nasannang nyawaku ero' a'bicara ampakasingaraki ri dallekang mala'biritta angkanaya tena nakusala.

LAMPA-LAMPANA 24:4

Mingka sollanna tena nala'bu dudu karaeng, kupalaki pa'mai' bajitta nakipilangngeri anne tuntutanna ikambe. Bodo kanana iaminne:

LAMPA-LAMPANA 25:26

Mingka tenapa kugappa kasingarang baji' dudu, ri passala' batangkalenna anne taua, akkullea kutulisi' lalang sura' mae ri Karaenga. Lanri kammana minjo nakuerang battu andallekang ri dallekanta ngaseng, la'biangampa ri dallekanna tunipakala'birika Karaeng Agripa! Pattujungku iamintu, sollanna punna le'ba'mo niparessa anne taua, akkullema' anggappa kasingarang angkana apa lakutulisi' lalang ri suraka mae ri Karaenga ri Roma.

LAMPA-LAMPANA 26:2

“Tunipakala'birika Karaeng Agripa! Kubilang upa' sikali kusa'ring kalengku, lanri akkulleku a'bicara ri dallekang mala'biritta ri passala' sikammaya anjo apa-apa napappituduanga tu Yahudia mae ri nakke;

LAMPA-LAMPANA 26:26

Kalenna Karaeng Agripa angngasseng bajiki sikamma anjo passalaka. Iaminjo saba'na nakubarani a'bicara silambusu'na ri dallekanna karaenga. Tappaka' angkanaya tena manna sirupa anjo passalaka tanaassengapa karaenga, nasaba' tena nanjoreng ri tampa' kacokkoanga kajariang sikamma anjo passalaka.

LAMPA-LAMPANA 26:7

Ia tomminjo janjia le'ba' naminasai dudu sampuloa anrua suku bansa Israel. Sa'genna assambayang ke'nanga ri Allata'ala allo bangngi. Na lanri tappakku mae ri anjo janjia, Karaeng Tunipakala'birika, iaminjo nakunapassala mamo tu Yahudia.

LAMPA-LAMPANA 28:17

Narapiki tallungallo nia' ri Roma, nasuro kio'mi Paulus pamimping-pamimpinna tu Yahudia anjoreng. A'rappunganna ngasemmo ke'nanga, nakanamo Paulus mae ri ke'nanga, “Sikamma sari'battangku! Tena apa-apa kasalangku mae ri bansata, yareka mae ri ada'-ada' nitarimaya battu ri boe-boeta. Mingka manna natena salaku nijakkala' tonja' ri Yerusalem, nampa nipassareanga' mae ri tu Romaya.

LAMPA-LAMPANA 6:14

Le'baki nalangngere' ikambe angkana anne taua, angkanaya anjo Isa tu battua ri Nazaret, laNarumbangi anne Balla'Na Batara, nampa Napinra ngaseng pangngadakkang le'baka napassareang Musa mae ri katte!”

1 KORINTUS 13:2

Manna pole cara'deka' ampabattui biritta battua ri Allata'ala, siagang kupahang apa-apa sukkaraka, kupahang baji' ngaseng apa-apaya, kammayatompa sanna' lompona tappakku mae ri Allata'ala sa'genna akkulle kupalette' buluka, mingka tena kumangngamaseang mae ri parangku tau, a'jari tena sikalimo matu-matungku!

PAOLE 17:18

Punna nia' tau nilanti' a'jari karaeng, musti nisarei kitta' niaka lalang nitulisi' hukkung-hukkunNa Allata'ala, ia nipalembaya battu ri kitta' aslia nabolika imang-imang Lewi.