LAMPA-LAMPANA 26:2 - KITTA' MATANGKASA'

² “Tunipakala'birika Karaeng Agripa! Kubilang upa' sikali kusa'ring kalengku, lanri akkulleku a'bicara ri dallekang mala'biritta ri passala' sikammaya anjo apa-apa napappituduanga tu Yahudia mae ri nakke;

LAMPA-LAMPANA 26:2 ပူးပေါင်းရင်းမြစ်များ

PAMMUJI 119:46

Lakukabarrangi paratoranTa mae ri sikamma karaenga, na tena kulanipakasiri'.

MATIUS 10:19

Na punna nierangko mange laniadeli, teako bata-batai ri passala' lanupaua yareka antekamma batenu la'bicara. Nasaba' punna narapi'mo wattunnu la'bicara tena tanipauannu apa siratanga lanupau.

LUKAS 12:11

Punna nierangko mange ri balla' sambayanga laniadeli ri dallekanna pamarentaya yareka tau anna'galaka koasa, teako mallakki. Teako mallakki angkanaya antekamma batenu la'bicara sollanna a'butti angkanaya tena nusala.

LUKAS 21:12

Mingka ri tenana ngasempa nakajariang anjo sikammaya, lanijakkalakko siagang lanisessako rolong. Laniadeliko ri balla' sambayanga siagang lanipantamakko ri tarungkua. Siagang lanire'resangko mange ri dallekanna karak-karaenga siagang tu koasa-koasaya, passabakkang amminawangko ri Nakke.

LAMPA-LAMPANA 25:26

Mingka tenapa kugappa kasingarang baji' dudu, ri passala' batangkalenna anne taua, akkullea kutulisi' lalang sura' mae ri Karaenga. Lanri kammana minjo nakuerang battu andallekang ri dallekanta ngaseng, la'biangampa ri dallekanna tunipakala'birika Karaeng Agripa! Pattujungku iamintu, sollanna punna le'ba'mo niparessa anne taua, akkullema' anggappa kasingarang angkana apa lakutulisi' lalang ri suraka mae ri Karaenga ri Roma.

LAMPA-LAMPANA 26:1

Nakanamo Agripa mae ri Paulus, “Kamma-kamma anne nisareko kasampatang a'bicara, untu' ampakasingaraki kalennu punna tena nusala.” Jari naangka'mi limanna Paulus nampa a'bicara kamma anne.

LAMPA-LAMPANA 26:19

“Jari lanri kammana, Karaeng Agripa, tuli kuusahaimi nikanaya amminawang turu' mae ri anjo apa le'baka nipicinikianga' siagang kutarimaya battu ri Allata'ala.

LAMPA-LAMPANA 26:26

Kalenna Karaeng Agripa angngasseng bajiki sikamma anjo passalaka. Iaminjo saba'na nakubarani a'bicara silambusu'na ri dallekanna karaenga. Tappaka' angkanaya tena manna sirupa anjo passalaka tanaassengapa karaenga, nasaba' tena nanjoreng ri tampa' kacokkoanga kajariang sikamma anjo passalaka.

LAMPA-LAMPANA 26:3

la'biangampa pole nasaba' kiasseng sikali ada'-ada'na siagang passa'-passala'na katallassanna tu Yahudia. Lanri kammana minjo, kupalaki pa'mai' bajitta nakipilangngeri baji'-baji' anne apa eroka kupakasingara'.

LAMPA-LAMPANA 26:7

Ia tomminjo janjia le'ba' naminasai dudu sampuloa anrua suku bansa Israel. Sa'genna assambayang ke'nanga ri Allata'ala allo bangngi. Na lanri tappakku mae ri anjo janjia, Karaeng Tunipakala'birika, iaminjo nakunapassala mamo tu Yahudia.