LAMPA-LAMPANA 2:9 - KITTA' MATANGKASA'

⁹ Ikatte tu battua ri pa'rasangang Partia, Media, Elam; Mesopotamia, Yudea, Kapadokia, Pontus, Asia,

LAMPA-LAMPANA 2:9 ပူးပေါင်းရင်းမြစ်များ

PA'JARIANG 10:22

Sikamma ana'na Sem iamintu: Elam, Asyur, Arpakhsad, Lud, siagang Aram.

PA'JARIANG 14:1

Nia' appa' karaeng, iamintu: Amrafel battu ri Babilonia, Ariokh battu ri Elasar, Kedorlaomer battu ri Elam, siagang Tideal battu ri Goyim.

PA'JARIANG 24:10

Angngallemi anjo suroa sampulo kayunna unta siagang sangka' rupa barang-baranna karaenna ia tinggia anggaranna, nampa a'lampa mange ri kota napammantangia Nahor ri wattu tallasa'na. Pammantanganna anjo kotaya iamintu warakkanna Mesopotamia.

2 KARAENG-KARAENG 17:6

iamintu ri makasalapannamo taung ammarenta Hosea, naempoimi Salmaneser Samaria. Nampa naengka' tu Israel salaku tunitahang mange ri Asyur. Sipa'gang battu ri ke'nanga nitampakkangi ri kota Halah, sipa'gang maraengannaya ri ampi'na Binanga Habor ri daera Gozan, nampa sipa'gang pole ri kota-kota niaka ri pa'rasangang Madai.

1 PATTOTTORANG 19:6

Nampa naassemmo kalenna Karaeng Hanun siagang tu Amon angkanaya passala' panggaukanna ke'nanga nanimusu ke'nanga ri Daud. Lanri kammana anjo akkirimmi ke'nanga 34.000 kilo battala'na pera' mange ri Mesopotamia Bageang Rate, kammayatompa mange ri Maakha siagang Zoba ri Siria untu' assewa 32.000 kareta pa'bundukang siagang tantara a'jarang. Jari battumi tantarana Maakha siagang sikamma anjo kareta pa'bundukang nisewaya, nampa appare' kema ri ampi'na Medeba. Kammayatompa tu Amon, battu ngaseng tommi ke'nanga battu ri kota-kotana ke'nanga untu' a'bundu'.

EZRA 6:2

Mingka tena nanjoreng ri Babel nigappa catatanna anjo passalaka, passangalinna ri kota Ahmeta ri daera Media. Anjo catatanga nitulisiki ri se'reang gulungang. Na ia bonena, iamintu,

YESAYA 11:11

Anjo alloa laNapakei pole sikalipa kakoasanNa Batara siagang Naerang umma'Na niaka tassesa battu ri Asyur siagang battu ri Mesir, ri pa'rasangang-pa'rasangang Patros, Sudan siagang Elam, ri Babel, Hamat siagang pulo-pulo bellaya.

YESAYA 21:2

Anggappa' pangngunju', nakucini' sikamma passala' lakajarianga, sannaka appakamalla'na; iamintu nikanaya sipa' a'bali' ballang siagang pammanrakia. Maju mako, pasukanna Elam, a'bakka mako! He, pasukanna Madai, kurummi! LaNapa'le'ba'mi Allata'ala sikontu kapa'risang passabakkang nagaukanga Babel.

DANIEL 5:28

nibage, iamintu angkanaya nibagei kakaraenganta nampa nipassareang mae ri tu Media siagang Persia.”

DANIEL 8:2

Lalang anjo paccinikku, kuciniki kalengku nia' ri propinsi Elam, ri Susan, ibukotana Persia. Ammentenga' ri ampi'na Binanga Ulai;

DANIEL 8:20

Anjo gimbala' laki nucinika, ruaya tanru'na, iami pangngebaranna kakaraengang Media siagang Persia.

LAMPA-LAMPANA 16:6

Tena nikellai Paulus siagang Silas ri RohNa Allata'ala ampa'la'bangi kana-kananNa Allata'ala ri daera Asia. Jari napatulusu'mi lampana ke'nanga mange ri daera Frigia siagang Galatia.

LAMPA-LAMPANA 18:2

Anjoreng ri Korintus assigappami siagang se're tu Yahudi, niarenga Akwila, battua ri pa'rasangang Pontus. Anne Akwila beru-beru battui ri Italia siagang bainenna niarenga Priskila. Battumi ke'nanga mange ri Korintus lanri nisuro ngasemmi ri Karaeng Klaudius assulu' tu Yahudia battu ri Roma. A'lampami Paulus angkunjungi anjo tau ruaya.

LAMPA-LAMPANA 19:10

Iaminjo tuli nagaukang ruan taung sallona, sa'genna sikontu tau niaka ammantang ri daera Asia, baji' na tu Yahudi yareka bansa-bansa maraenga, nalangngere' ngasemmi ke'nanga kana-kananNa Batara.

LAMPA-LAMPANA 19:27

Bahayana mae ri katte, iamintu nasaba' akkullei anggappa areng kodi usahata. Ba'lalo tena nasikammaja anjo bawang, nasaba' manna balla'na Rewata Artemis lanicini' tuna tommi siagang lanionjo'-onjokammi kalompoanna; padahala', iami rewata nipakalompoa ri sikontu tau niaka ri Asia siagang tau niaka ri sikontu linoa!”

LAMPA-LAMPANA 19:31

Nia' todong siapa are tumalompo ri daera Asia, a'jari aganga ri Paulus, assuro pauangi Paulus sollanna tena namange ampappicinikangi kalenna anjoreng ri tampa' luaraka.

LAMPA-LAMPANA 2:8

Antekamma kajarianna, sa'genna akkulle nilangngere' ke'nanga a'bicara lalang bicara battua massing ri pa'rasanganta?

LAMPA-LAMPANA 20:16

Le'ba'mi napattantu Paulus angkana tena nalassengka ri Efesus sollanna tena nasallo dudu ammantang ri daera Asia. Eroki akkaro-karo battu mange ri Yerusalem sollanna narapikang allo lompo Pentakostaya.

LAMPA-LAMPANA 20:18

Ri wattunna assibuntulu'mo siagang ke'nanga, nakanamo Paulus ri ke'nanga, “Sikamma sari'battangku; nuasseng ngasemmi angkanaya antekamma bateku attallasa' ri tangnga-tangnganu pakkaramula ri uru battuku ri daera Asia.

LAMPA-LAMPANA 20:4

A'lampami siagang Sopater, ana'na Pirus battua ri Berea; nia' tommi amminawang Aristarkhus, Sekundus tu battu ri Tesalonika, siagang Gayus, tu Derbe. Kammayatompa Timotius, Tikhikus siagang Trofimus, battua ngaseng ri daera Asia.

LAMPA-LAMPANA 21:27

Ri wattunna lala'busu'mo anjo wattu tuju alloa, nia'mo siapa are tu Yahudi battu ri daera Asia anciniki Paulus lalang ri Balla'Na Batara. Napakabambammi ke'nanga tau jaia, nampa nata'gala' Paulus.

LAMPA-LAMPANA 24:18

Mingka narapikamma' ke'nanga ri wattunna kuerang anjo koro'banga ri Balla'Na Batara, siagang ri wattungku le'ba' antangkasi kalengku. Tena najai tau kuagang, siagang tena todong karicuang anjoreng anjo wattua.

LAMPA-LAMPANA 27:2

Nai' maki' ri kappalaka ri Adramitium nampa a'lampa maki' assombala'. Anjo kappalaka eroki assombala' mange ri sikamma palabuhang niaka ri daera Asia. Nia' tongi Aristarkhus angngagangki' irate ri anjo kappalaka. Anne Aristarkhus tau battu ri Makedonia.

LAMPA-LAMPANA 6:9

Mingka nia'mo siapa are tau angngewai; iamintu anggotana ngaseng balla' sambayang niarenga Balla' Sambayanna Tu Bebasaka. Anggota-anggotana anjo balla' sambayanga, iamintu tu Yahudi battua ri Kirene siagang Aleksandria. Sipammemtengammi ke'nanga siagang tu Yahudi battua ri Kilikia siagang Asia, anggea'-geakki Stefanus.

LAMPA-LAMPANA 7:2

Appialimi Stefanus nakana, “Sikamma bapa'-bapaka siagang sari'battanga! Pilangngeri sai anne kanangku! Ri tenanapa na'lette' boeta Abraham battu ri pammantanganna ri Mesopotamia mange ri Haran, battui Allata'ala mala'birika mae ri ia, angkana,

ROMA 16:5

Pabattuang tonga' sallangku mae ri jamaah niaka a'rappungang ri balla'na ke'nanga. Sallangku mae ri Epenetus, kukamaseanga. Iami tau uru-urua tappa' mae ri Almasi ri sikontu daera niaka ri Asia.

1 KORINTUS 16:19

Sallanna sikamma jama'aka ri butta Asia mae ri kau ngaseng. Kammayatompa Akwila siagang Priskila, kammayatompa pole sikontu jamaah niaka a'rappungang ri balla'na ke'nanga, appikatu ngasengi sallang Karisteng mae ri kau ngaseng.

2 KORINTUS 1:8

Sikamma sari'battangku ngaseng! Kukellai nanuasseng ngaseng todong kasukkarang le'baka antujui ikambe ri butta Asia. Teai sipato' battala'na anjo kasukkarang antujuai ikambe, sa'genna tappu' panrannuang maki' angkanaya lattallasa' ijaki';

PAOLE 23:4

lanri tena naero' ke'nanga assareko kanre siagang je'ne' inung lalang pa'jappannu assulu' battu ri Mesir. Ba'lalo nagaji ke'nanga Bileam, ana'na Beor battu ri kota Petor ri Mesopotamia, untu' antunraiko.

2 TIMOTIUS 1:15

Nuassemmi angkanaya nabokoi ngasemma' sikamma tau niaka ri daera Asia, kammayatompa Figelus siagang Hermogenes.

1 PETRUS 1:1

Natarimai sikamma sari'battangku, umma' Napilea Allata'ala, niaka tassiara' ri bori' bellaya, iamintu ri daera-daera Pontus, Galatia, Kapadokia, Asia, siagang Bitinia. Anne suraka battu ri nakke, Petrus, tunisuroNa Isa Almasi; kuminasai ri Allata'ala sollannu Nasare ngaseng alla'bi-la'bi barakka' siagang kasalewangang. Nipileiko a'jari Umma'Na Allata'ala situru' ero' laNagaukanga Allata'ala Manggea. Siagang nipa'jari mako matangkasa' ri RohNa Allata'ala sollannu a'jari Umma' KalenNa Allata'ala, siagang sollannu mappilangngeri ri Isa Almasi siagang nitangkasi ri cera'Na.

PAPPICINI' 1:11

Nakana anjo sa'raya, “Tulisiki apa nucinika, nampa nukiring anjo kitta' nutulisika mae ri tujua jama'ah, iamintu: Efesus, Smirna, Pergamus, Tiatira, Sardis, Filadelfia, siagang Laodikia.”

PAPPICINI' 1:4

Sikamma sari'battang niaka ri tujua jama'ah ri daera Asia! Inakke, Yohanes, ma'minasa' nuporo nisare ngaseng barakka' siagang kasalewangang battu ri Allata'ala, Ia niaka battu ri pakaramulanna, ri kamma-kammaya anne, sa'genna satunggu-tungguna; kammayatompa battu ri tujua roh ia niaka ri dallekang empoang kala'biranNa Allata'ala,

HAKING-HAKING 3:8

Jari larromi Batara mae ri umma' Israel. Nibalang parekammi ke'nanga nanibeta ri Karaeng Kusyan-Risyataim battua ri pa'rasangang Mesopotamia. Sagantuju taungi anjo karaenga angkoasai ke'nanga.