LAMPA-LAMPANA 2:4 - KITTA' MATANGKASA'

⁴ Nikoasai ngasemmi ke'nanga ri RohNa Allata'ala, sa'genna appakkaramulamo akkulle a'bicara lalang a'rupa-rupa bicara. Akkullemi a'bicara ke'nanga situru' apa nisareangai ri RohNa Allata'ala untu' lanapau.

LAMPA-LAMPANA 2:4 ပူးပေါင်းရင်းမြစ်များ

2 SAMUEL 23:2

Le'baki mangkana RohNa Batara tete ri nakke; pasang siagang passuroNa niaki ri muncengku.

YESAYA 28:11

Punna tena ngaseng nuero' ampilangngeria', lania' tau maraeng laNasuro Batara untu' angngajarakko bicara maraeng, julea nulangngere'.

YESAYA 59:21

LapparekKa' parjanjiang siagang ikau ngaseng: Kusareko koasangKu siagang ajarangKu sa'genna satunggu-tungguna. Pangngajarrangi mae ri ana'-ana'nu sollanna akkulle todong ke'nanga ampangngajarrangi situlusu'na mange ri jari-jarina kamma-kamma anne sa'genna satunggu-tungguna.”

YEREMIA 6:11

Anjo larroTa mae ri ke'nanga a'bara tongi lalang ri kalengku, Batara! Sukkaraki lakuparrangngi.” Nampa Nakana Batara, “Pa'betteseki anjo larroa mae ri ana'-ana' niaka ri sikamma agang lompoa siagang mae ri sikamma tau rungka sitabanga a'rappung. Lanijakkalaki sikamma bura'nea siagang bainea, kammayatompa sikamma tau toa duduamo umuru'na tena todong nalata'lappasa'.

YEHEZKIEL 3:11

A'lampako mange ri bansanu niaka ri anjo pa'rasangang pammelakkanga, siagang pabattui pasangKu, battu ri Nakke, Batara Kaminang Tinggia; pauangi ke'nanga, apaka napilangngeri yareka tena.”

MIKHA 3:8

Mingka ri sesena anne inakke, Nasarema' Batara RohNa siagang koasaNa. Nasarea' pammahang ri passala'na kaadelanga, kammayatompa kabaraniang untu' ampaui mae ri tu Israel dosa-dosa le'baka nagaukang ke'nanga.

MATIUS 10:19

Na punna nierangko mange laniadeli, teako bata-batai ri passala' lanupaua yareka antekamma batenu la'bicara. Nasaba' punna narapi'mo wattunnu la'bicara tena tanipauannu apa siratanga lanupau.

MARKUS 16:17

Na la'jari buttia angkanaya tappaki ke'nanga, lanabongkami setanga lalang arengKu; la'bicarai ke'nanga lalang a'rupa-rupa bicara tenaya napahangi ke'nanga.

LUKAS 1:15

La'jari tu nipakalompoi ri dallekanNa Allata'ala. Talangnginungai anggoro' siagang inungang terasa'. Pakkaramula battu ri nilassukanna lanirurungangi ri RohNa Allata'ala.

LUKAS 1:41

Na nalangngere'na Elisabet barisallanna Maria, a'gio'mi anjo ana' natiananganga. Nikoasaimi Elisabet ri RohNa Allata'ala;

LUKAS 1:67

Anjo Zakharia, manggena anjo anaka, nikoasaimi ri RohNa Allata'ala. Jari napabattumi pappasang battua ri Batara, angkana,

LUKAS 12:12

Nasaba' punna narapi'mo wattunnu la'bicara, laniajara' mako ri RohNa Allata'ala apa siratanga nupau.”

LUKAS 21:15

INakke lassareko kacara'dekang siagang kana-kana lanupaua. Sa'genna manna sitau ri musu-musunnu takkulle ambeta kanako yareka ampassalai apa-apa nupaua.

LUKAS 4:1

Antama'mi RohNa Allata'ala ri KalenNa Isa ri wattunna assulu' battu ri Binanga Yordan. Nampa nipimping ri RohNa Allata'ala a'lampa mange ri parang lompoa.

YOHANES 14:26

Mingka RohNa Allata'ala, iamintu Pannulung laNasuroa battu Allata'ala lalang arengKu, Iami langngajara' ngasengko lalang sikontua passala'. Iami lampiu'rangiangko sikontu apa le'baka Kupau ri kau.

YOHANES 20:22

Nampa Natui' ke'nanga na Nakana, “Tarimami RohNa Allata'ala.

LAMPA-LAMPANA 1:5

Nasaba' je'ne' napake Yohanes anje'nekko, mingka tasalloami anne nulanije'ne' siagang RohNa Allata'ala.”

LAMPA-LAMPANA 1:8

Mingka punna battumo RohNa Allata'ala mange ri kau, langgappa mako koasa. Na la'jari mako sa'bingKu ri Yerusalem, ri sikontu Yudea, ri Samaria, sa'genna ri cappa'na linoa.”

LAMPA-LAMPANA 10:46

Nasaba' nalangngere'mi ke'nanga anjo taua a'bicara lalang a'rupa-rupa bicara, siagang ammuji-muji ri Allata'ala. Nampa nakanamo pole Petrus,

LAMPA-LAMPANA 10:47

“Cini'mi anne taua ngaseng, anggappa tommi RohNa Allata'ala, sangkamma ikatte. Jari maka akkulleiji taua napisangkai punna nije'ne'mo siagang je'ne' ke'nanga?”

LAMPA-LAMPANA 11:15

Napannarrusuki caritana Petrus nakana, “Na ri wattungku appakkaramula a'bicara kamma anjo, Naummi RohNa Allata'ala mae ri ke'nanga ngaseng, sangkamma le'baka kajariang mae ri katte ngaseng pirangalloang.

LAMPA-LAMPANA 11:24

Anne Barnabas tau baji' pa'mai' siagang nikoasaimi ri RohNa Allata'ala; kammayatompa sanna' jarre'na tappa'na ri Batara, sa'genna jaimi tau amminawang tappa' ri Batara.

LAMPA-LAMPANA 13:52

Sanna'mi rannuna ngaseng tau tappaka ri Antiokhia siagang nikoasaimi ke'nanga ri RohNa Allata'ala.

LAMPA-LAMPANA 13:9

Mingka nikoasaimi ri RohNa Allata'ala Saulus – nigallaraka todong Paulus; sa'genna najanjang anjo pabale'-bale' mataya,

LAMPA-LAMPANA 15:8

Na Allata'ala angngassengi atinna rupataua. Iami ampappicinikangi angkanaya Natarimami ke'nanga. Jari Napassareang tommi RohNa Allata'ala mae ri ke'nanga, sangkamma le'baka Napassareang todong mae ri katte.

LAMPA-LAMPANA 19:6

Na ri wattunna napatompang limanna Paulus irateanganna ke'nanga, battumi RohNa Allata'ala angkoasai ke'nanga; sa'genna akkullemo ke'nanga a'bicara lalang a'rupa-rupa bicara appakalannasaka, siagang napabattumi ke'nanga kabara' battua ri Allata'ala.

LAMPA-LAMPANA 2:11

nia' tu Yahudi, siagang tu bansa-bansa maraeng antamayamo agama Yahudi; nia' todong tu battu ri Kreta siagang battu ri Arab. Massing nilangngere' ngasemmi ke'nanga a'bicara lalang bicaranta ngaseng; nabicaraya ke'nanga iamintu gau'-gau' appakalannasa' Nagaukanga Allata'ala!”

LAMPA-LAMPANA 2:3

Nampa nia'mo nacini' ke'nanga lila-lila kamma pepe', allepa' mange-mange sa'genna a'dongko' massing-massing mae ri ke'nanga.

LAMPA-LAMPANA 4:31

Le'baki ke'nanga appala' doang, a'gio'mi anjo tampa' napammantangia ke'nanga a'rappungang. Nikoasai ngasemmi ke'nanga ri RohNa Allata'ala. Siagang appakkaramulami ke'nanga a'jari sanna' baranina a'bicara ri passala'na kabara' battua ri Allata'ala.

LAMPA-LAMPANA 4:8

Anjo Petrus nikoasaimi ri RohNa Allata'ala. Appialimi nakana, “Tabe', mae ri katte ngaseng pamimping bansaya siagang anggotana pangadelang agamaya!

LAMPA-LAMPANA 6:3

Jari, bajiki punna nupileimo battu ri kau ngaseng tuju tau baji' ampea siagang nikoasaia ri RohNa Allata'ala, akkullea nisare jama-jamang, langngatoroki anne passala' apa-apa lanikanrea;

LAMPA-LAMPANA 6:5

Assamaturu' ngasemmi ke'nanga ri anjo apa napaua anjo sikamma tunisuroNa Allata'ala. Napileimi ke'nanga tuniarenga Stefanus, sannaka tappa'na ri Isa, siagang nikoasaia ri RohNa Allata'ala. Maraengannaya nipile tommi: Filipus, Prokhorus, Nikanor, Timon, Parmenas, siagang Nikolaus battua ri Antiokhia. Anne Nikolaus teai tu Yahudi, mingka antama'mi agama Yahudi.

LAMPA-LAMPANA 6:8

Anjo Stefanus sanna' nibarakkakina ri Allata'ala; sa'genna jai sikalimi gau'-gau' appakalannasa' nagaukang ri tangnga-tangngana tau jaia.

LAMPA-LAMPANA 7:55

Mingka anjo Stefanus nikoasaimi ri RohNa Allata'ala, naccongamo nai' ri langika. Nacini'mi kala'biranNa Allata'ala, siagang nia'mi nacini' Isa ammenteng ri tampa' kakoasanNa, iamintu ri sa'ri kananNa Allata'ala.

LAMPA-LAMPANA 8:17

Naangka'mi limanna Petrus siagang Yohanes, irateanganna sikamma anjo tu Samariaya; jari natarimami ke'nanga RohNa Allata'ala.

LAMPA-LAMPANA 9:17

A'lampami Ananias mange anjoreng ri ballaka, na napadongko' limanna irateanganna Saulus. Nakana Ananias, “Sari'battangku Saulus, Batara Isa nucinika ri tangngana aganga ri wattunnu mae anrinni, Iami assuroa' battu mae ri kau, sollannu akkulle accini' poleang, siagang nikoasai ri RohNa Allata'ala.”

ROMA 15:13

Allata'alami tampa' panrannuannu. Poro Nabonei pa'mai'nu sikontu karannuang siagang salewangang, lanri tappa'nu mae ri Ia, sollanna lanri koasa RohNa Allata'ala nanupila' manrannuang mae ri Allata'ala.

1 KORINTUS 12:10

Nia' tau nisare koasa untu' anggaukangi gau' appakalannasaka, nampa tau maraenganga nisare pakkulle untu' ampakasingaraki sikamma apa laNagaukanga sallang Allata'ala. Nia' maraenganga nisare pakkulle ri RohNa Allata'ala untu' angngasseng ambatei angkana kereanga passare battu ri RohNa Allata'ala, na kereanga teai. Nia' nisare pakkulle untu' a'bicara a'rupa-rupa bicara sukkaraka nipahang; nampa nia' todong nisare pakkulle untu' ampakasingaraki anjo bicara-bicara sukkaraka.

1 KORINTUS 13:1

Manna pole a'rupa-rupai bicara tu lino kuasseng, ba'lalo manna pole akkullea' a'bicara malaeka', mingka tena kumangngamaseang mae ri parangku tau, anjo bicarangku a'jari bicara lompoji bawang, tenaya matu-matunna.

1 KORINTUS 13:8

Tenanniakka wattu nataparallua taua sikamaseang. Kamma-kamma anne nia' tau cara'de' ampabattui biritta battua ri Allata'ala, mingka nia' se're wattu nalammarimo ampabattui anjo birittaya. Kamma-kamma anne nia' tau cara'de' a'bicara a'rupa-rupa bicara appakalannasa', mingka nia' se're wattu nalammarimo a'bicara appakalannasa'. Kamma-kamma anne nia' tau cara'de' angngasseng ngasengi sikontu apa-apaya, mingka nia' se're wattu nalammarimo angngasseng ngasengi sikontu apa-apaya.

1 KORINTUS 14:18

Appala' sukkurukka' mae ri Allata'ala, lanri la'bi akkulleanganga' a'bicara a'rupa-rupa bicara appakalannasa' na ikau ngaseng.

1 KORINTUS 14:5

Teai sipato' baji'na punna akkulle ngasengko a'bicara a'rupa-rupa bicara appakalannasa'. Mingka la'bi kaminang bajika punna akkulleko ambirittakangi sikamma rancanaNa Allata'ala. Nasaba' lompoangangi anggaranna appabattua biritta battu ri Allata'ala, naia a'bicaraya siagang bicara appakalannasa'; simmaraengi punna akkulleja napakasingariang jama'aka anjo bicara napaua, sollanna nia' matu-matunna mae ri sikontu jama'aka.

EFESUS 3:19

tenaya nakkulle napahang baji' akkala'na rupataua. Poro nupahang lalo anjo pangngamaseanNa Almasi, sa'genna Napa'jari sukku' Allata'ala batangkalennu.

EFESUS 5:18

Teako nabengoi anggoro', nasaba' anjo anggoroka akkulleko napanraki. Passangalinna paralluko nikoasai ri RohNa Allata'ala.

EFESUS 6:18

Gaukang ngasemmi anjo kammaya, nanuappala' doang siagang appala' tulung mae ri Allata'ala. Ri sikamma kasampatang niaka, appala' doangko situru' panrurunganNa RohNa Allata'ala mae ri kau. Paralluko tuli jaga-jaga, siagang teako eroki ampappibetangi kalennu. Tuli pappala' doangangi sikontu Umma'Na Allata'ala.

1 PETRUS 1:12

Napaumi Allata'ala mae ri anjo na'bi-na'bia angkanaya anjo apa nagaukanga ke'nanga teai untu' kaparalluang kalenna ke'nanga, passangalinna untu' kaparalluannu; iamintu apa-apa singarakamo nulangngere'na kamma-kamma anne battu ri sikamma tau ambirittakangai anjo Kabara' Baji' ri passala'na Isa Almasi. Napabattumi ke'nanga anjo kabaraka mae ri kau ngaseng lalang koasaNa RohNa Allata'ala, nikiringa battu ri suruga. Ba'lalo manna sikamma malaekaka ero' tongi angngassengi anjo kabara' nabirittakanga ke'nanga.

2 PETRUS 1:21

Nasaba' tale'bakai nia' tau angkana battu ri ero' kalenna nakkulle napabattu biritta battua ri Allata'ala ri passala'na anjo apa-apa lakajarianga. Yangasenna anjo taua nikoasai ri Roh KalenNa Allata'ala ri wattunna Napabattu anjo biritta battua ri Allata'ala.

1 SAMUEL 1:14

Nakanamo Eli ri ia, “Angngapa nanuanrinni nasa'ring! Tea' mako angnginungi pole anggoro'!”

1 SAMUEL 10:10

Ri wattunna battu Saul siagang palayanna mange ri Gibea, assibuntulu'mi ke'nanga siagang sipa'rappungang na'bi. Anjo memang wattua nikoasaimi Saul ri RohNa Allata'ala, namminawang tommo a'joge' siagang akkiok-kio' siagang ngaseng anjo na'bi-na'bia.