LAMPA-LAMPANA 19:3 - KITTA' MATANGKASA'

³ Akkuta'nammi Paulus angkana, “Jari lanri inai nanije'nekko?” Appialimi ke'nanga angkana, “Lanri pa'je'ne'na Yohanes.”

LAMPA-LAMPANA 19:3 ပူးပေါင်းရင်းမြစ်များ

MATIUS 28:19

Jari a'lampamako mange ri sikontu bansaya ri lino, pa'jarimi ke'nanga ana'-ana' gurungKu. Je'neki ke'nanga lalang arenNa Manggea, siagang Anaka, kammayatompa RohNa Allata'ala.

LUKAS 7:29

Sikontu taua – kammayatompa pasingara' simaya – allangngereki Isa akkana kamma anjo; yangaseng minjo ke'nanga angkatutui apa-apa Natuntuka Allata'ala, naero' nasuro je'ne' kalenna ri Yohanes.

LAMPA-LAMPANA 18:25

kammayatompa le'ba'mi niajara' sollanna naasseng pangngajarranga ri passala'na Isa. Mingka nampami sa'genna passala' pa'je'ne' nagaukanga Yohanes naasseng. Mingka manna nakamma sanna'mi lompona sumanga'na angngajara'. Naajara' baji'-baji'mi taua ri passala'na Isa.

LAMPA-LAMPANA 8:16

Nasaba' tenapa manna sitau ri ke'nanga nikoasai ri RohNa Allata'ala; nampa nije'ne' ke'nanga lalang arenNa Isa Almasi.

1 KORINTUS 12:13

Kamma ngaseng tommaki' anjo; ikatte tu Yahudia kammayatompa bansa-bansa maraenga, ikatte nikanaya kalenta ata kammayatompa tau bebasaka, le'ba' ngaseng maki' nije'ne' lalang se're Roh, sollanta nipa'jari se're lalang ri tubuNa Almasi. Sukku' ngaseng tommi le'ba'na nikasia' kakoasanNa anjo Roh se'rea.

IBRANI 6:2

yareka pappilajarang uru-urua ri passala'na pa'je'nekanga yareka appatompanga lima irateanganna taua untu' ambarakkaki; yareka ri passala'na attallasa' poleanga ammotere' battu ri kamateanga siagang hukkungang satunggu-tunggua.