LAMPA-LAMPANA 13:3 - KITTA' MATANGKASA'

³ Le'baki appuasa siagang appala' doang ke'nanga, napadongko'mi limanna ke'nanga irateanganna Barnabas siagang Saulus, nampa nabarakkaki nanasuro ke'nanga sipa'rua a'lampa.

LAMPA-LAMPANA 13:3 ပူးပေါင်းရင်းမြစ်များ

PAMMILANGNGANG 27:23

Nampa napadongko' limanna irate ri tompo' ulunna Yosua siagang napa'la'bammi napabattu angkanaya Yosua ansambeangi, situru' kananNa Batara mae ri ia.

LUKAS 2:37

na'jari jandamo Hana. Kamma-kamma anne sagantujupulomi angngapa' taung umuru'na. Tena le'bakai nabokoi Balla'Na Batara. Allo bangngi mange ri Balla'Na Batara appala' doang ri Allata'ala siagang appuasa.

LAMPA-LAMPANA 1:24

Nampa appala' doang ke'nanga. Nakana ke'nanga, “O Batara, iKatte angngasseng ngasengi atinna sikontu rupataua. Tu'guru'mi Yudas battu ri empoanna salaku tunisuroTa, siagang matemi. Jari Kijo'jokang sai ikambe, kereanga ri anne tau ruaya Kipile antarimai anne jama-jamanga, ansambeangai Yudas.”

LAMPA-LAMPANA 13:2

Ri wattunna assambayang mae ri Batara siagang appuasa ke'nanga, Nakanamo RohNa Allata'ala mae ri ke'nanga, “Pilei nanusa'lakkangA' Barnabas siagang Saulus, sollanna Kusuro anjamai jama-jamang le'baka Kupattantuangi ke'nanga.”

LAMPA-LAMPANA 13:4

Lanri nisuroi ke'nanga ri RohNa Allata'ala, a'lampami Barnabas siagang Saulus mange ri Seleukia. Battu anjorengi ke'nanga assombala' mange ri pulo Siprus.

LAMPA-LAMPANA 14:23

Nampa naangka'mo Paulus siagang Barnabas pamimping-pamimpinga ri massing-masinna anjo jama'aka. Nampa appala' doang siagang appuasa ke'nanga, nanapassareang ke'nanga anjo pamimping-pamimping jama'aka mae ri Batara napatappaka ke'nanga.

LAMPA-LAMPANA 14:26

Battu anjoremmi ke'nanga assombala' ammotere' mange ri Antiokhia. Iaminjo kota napattampakia ke'nanga ri wattunna nipassareang ke'nanga mae ri Allata'ala, sollanna nagaukang ke'nanga anjo jama-jamang napa'le'bakamo ke'nanga kamma-kamma anne.

LAMPA-LAMPANA 15:40

Na Paulus napileimi Silas lanaagang a'lampa. Le'baki nipassareang ke'nanga ri jama'aka ri Antiokhia mae ri pangngamaseanNa Batara, a'lampami ke'nanga.

LAMPA-LAMPANA 6:6

Nierammi anne tujua tau mae ri sikamma tunisuroNa Allata'ala, nampa nipappala' doangang siagang nipappalakkang barakka' ri Batara.

LAMPA-LAMPANA 9:17

A'lampami Ananias mange anjoreng ri ballaka, na napadongko' limanna irateanganna Saulus. Nakana Ananias, “Sari'battangku Saulus, Batara Isa nucinika ri tangngana aganga ri wattunnu mae anrinni, Iami assuroa' battu mae ri kau, sollannu akkulle accini' poleang, siagang nikoasai ri RohNa Allata'ala.”

ROMA 10:15

Kammayatompa pole, antekamma lakkulle taua ampabattui anjo birittaya punna tena nanisuroi ke'nanga? Nia' tattulisi' lalang ri Kittaka angkanaya, “Teai sipato' baji'na kabattuanna tau angngeranga Kabara' Baji' battu ri Allata'ala.”

1 TIMOTIUS 4:14

Teako takkaluppai ampakei passareNa RohNa Allata'ala ri wattunna napatompang limanna pamimping-pamimping jama'aka irate ri ulunnu, kammayatompa ri wattunna napabattu na'bi-na'bia pappasanNa Allata'ala ri passala'na kalennu.

1 TIMOTIUS 5:22

Teako linta' dudui ampatompangi limannu untu' angngangkaki se'rea tau a'jari palayanNa Batara. Punna a'gau' dosa taua teako katuru'-turukangi anggaukangi anjo dosaya. Jagai kalennu sollanna nutuli matangkasa'.

2 TIMOTIUS 1:6

Lanri kammana kupappiu'rangiangi mae ri kau sollanna nupattimbo anjo passare malammoro'Na Allata'ala mae ri kau ri wattunna kupatompang limangku irateanganna ulunnu.

2 TIMOTIUS 2:2

Anjo pangngajarang le'bakamo nulangngere' battu ri nakke ri dallekanna tau jaia, parallui nupappirannuang mae ri sikamma tau akkullea nipatappa' siagang cara'deka angngajaraki tau maraenga.

3 YOHANES 1:6

Napaumi ke'nanga mae ri jama'aka anrinni ri sesena pangngamaseannu. Tulung sai ke'nanga sollanna akkulle napannarrusu' lampana ke'nanga. Gaukammi anjo siagang cara akkullea ampakasannangi atinNa Allata'ala,

3 YOHANES 1:8

Lanri kammana, ikatte tu Karistenga musti nitulungi paranta tu Karisteng kammaya anjo, sollanta akkulle amminawang turu' lalang ri usahana ke'nanga, iamintu untu' ampa'la'bangi biritta tojeng battua ri Allata'ala.