KOLOSE 4:15 - KITTA' MATANGKASA'

¹⁵ Pabattu tongi sallanna ikambe mae ri sikamma sari'battanta tu Karistenga ri Laodikia; kammayatompa mae ri sari'battanta Nimfa siagang sikamma jama'ah a'rappunganga assambayang ri balla'na.

KOLOSE 4:15 ပူးပေါင်းရင်းမြစ်များ

ROMA 16:5

Pabattuang tonga' sallangku mae ri jamaah niaka a'rappungang ri balla'na ke'nanga. Sallangku mae ri Epenetus, kukamaseanga. Iami tau uru-urua tappa' mae ri Almasi ri sikontu daera niaka ri Asia.

1 KORINTUS 16:9

Anrinni jai kasampatang untu' jama-jamang a'matu-matua, manna najai tau ero' anghalang-halangi.

KOLOSE 2:1

Kukellai sollanna nuasseng antekamma heba'na usaha kugaukanga untu' ikau siagang untu' tau niaka ri pa'rasangang Laodikia, kammayatompa sikamma tau tenayapa naasseng bajikka'.

KOLOSE 4:13

Kalengku ansa'bi antekamma batena anjama terasa' untu' ikau ngaseng siagang sikamma tau niaka ri Laodikia siagang Hierapolis.

KOLOSE 4:16

Punna le'ba' nibaca anne suraka mae ri kau ngaseng, usahakang tongi sollanna nibacakang todong mae ri jama'ah niaka ri Laodikia. Kammayatompa, musti nubaca tongi sura' lanikiringa battu ri Laodikia mae ri kau.

FILEMON 1:2

siagang anggota jama'ah niaka a'rappungang ri balla'nu; kammayatompa untu' sari'battang baineta Apfia na sipa'julu jama-jamanta iamintu Arkhipus.