KOLOSE 3:25 - KITTA' MATANGKASA'

²⁵ Na manna pole inai punna salai, lanatanggongi anjo sikamma kasalanna; nasaba' tena Nammile tau Batara.

KOLOSE 3:25 ပူးပေါင်းရင်းမြစ်များ

2 SAMUEL 14:14

Ikatte lamate ngasengki'; ikatte anne rapangki' je'ne' tattumpaya naung ri buttaya siagang tenaya nakkulle nipasse're ammotere'. Manna Allata'ala tena todong nalaNapattallasa' ammotere' tau mateamo; lanri kammana anjo poro kiusahai laloi karaeng sollanna akkulle ammotere' poleang tau nipelaka.

2 PATTOTTORANG 19:7

Musti mallakko ri Batara, siagang tutuko lalang annappuki, lanri anjo Karaeng Allata'alata nakabirisi tau a'gau' jekkonga, tau battala' sialia ri se'reang kara-kara, siagang tau annarimaya doe' pacoco'.”

AYUB 34:19

Tena Nangngalle mae ri sikamma karaenga, yareka Naparioloangngang tau kalumanynyanga na tu kasi-asia. Lanri yangasenna para bate pare'Naji.

AYUB 37:24

Lanri kammanami nasiratang nipakalompo ri manna pole inai, na taNajampangia tau nakanaya kalenna cara'de'.”

KAIMANGNGANG 19:15

Musti lambusukko punna angngadeliko; teako battala' mangei ri tu kasi-asia siagang teako mallakki mae ri tau kalumanynyanga.

MATIUS 16:27

Tasalloami Nabattu Ana' Ma'rupataua siagang kakoasanNa ManggeNa, nirurungang ri malaeka'-malaeka'Na. Iaminjo wattua naNabalasa' massing panggaukanna rupataua.

LUKAS 20:21

Jari a'lampami anjo tau le'baka nigaji, mange akkuta'nang ri Isa nakana, “O Pa' Guru! Naassengi ikambe angkanaya annaba ngasengi sikamma anjo Kipaua siagang Kipangngajarranga. Naasseng tongi ikambe angkanaya Kipangngajarrangi silambusu'na apa Nakaerokanga Allata'ala mae ri rupataua, lanri tena naKipasimmara'-maraengi taua.

LAMPA-LAMPANA 10:34

Nakanamo Petrus, “Kamma-kamma anne ma'nassa nupahang tojemmi angkanaya Napasangkamma ngasengi Allata'ala sikamma rupataua.

ROMA 2:11

Nasaba' Napasangkamma-kamma ngasengi Allata'ala sikamma rupataua.

2 KORINTUS 5:10

Nasaba' attantumi angkanaya lanierangki' mange andallekang ri pangadelanNa Almasi; siagang massing langgappa maki' pa'balasa' situru' apa le'baka nigaukang ri linoa anne, iamintu panggaukang baji' yareka panggaukang ja'dala'.

EFESUS 6:8

U'rangi angkanaya, massing-massing rupataua, baji' na ata yareka natau bebasa', lannarima ngasengi pa'balasa' battu ri Batara situru' apa-apa baji' le'baka nagaukang.

EFESUS 6:9

Ikau a'jari pinggawaya! Paralluko assipa' kamma todong anjo mae ri pajama-jamanu. Tea' mako pakei sipa'-sipa' a'garattaka siagang appakamallaka. U'rangi angkanaya ikau siagang anjo pajama-jamanu, nia' se're pinggawa nupa'jului, iamintu Batara ri suruga. Anjo Batara tena nammile tau.

PAOLE 1:17

Takkulleai battala' siali kaputusannu; musti nupasangkamma-kamma ngasengi taua punna nuadeli, manna pole inai teako pasimmara'-maraengi. Teako mallakki manna pole ri nai, nasaba' anjo kaputusang nupattantua iamintu kaputusang battu ri Allata'ala. Punna nia' parkara battala' dudui nusa'ring, erangi mae ri nakke, sollanna inakke antappuki.

PAOLE 10:17

Karaeng Allata'alanu ri tompo'na sikontu rewataya siagang irateanganna sikontu kakoasanga. Iami Allata'ala mala'biri' siagang makoasaya, mustia nituruki ero'Na. TaNangaiyai angngalle sialia siagang tena todong Naero' annarima passare nipacoco'.

KOLOSE 4:1

Ikau ngaseng a'jari pinggawaya! Paralluko a'gau' tojeng siagang adele' mae ri palayang-palayannu. U'rangi angkanaya nia' todong se're pinggawanu ri suruga.

1 TESALONIKA 4:6

Ri anne passalaka, tea' laloko niakki appanggaukang sala yareka annipu mae ri sari'battanna. Pirangalloang le'ba'mi napau sitojeng-tojenna ikambe mae ri kau ngaseng angkanaya laNahukkungi Batara sikontu tau anggaukangai kasalang kammaya anjo.

2 TESALONIKA 1:6

LaNagaukangi Allata'ala apa adeleka. LaNabalasaki passessa sikamma tau le'baka ampa'jari sessako.

FILEMON 1:18

Punna nia' kasalanna yareka nia' inranna mae ri kau, boli'mi kamma na inakke antanggongi ngasengi anjo sikammaya.

IBRANI 2:2

Anjo pappasang-pappasang napabattua sikamma malaekaka mae ri boe-boeta a'nyatami angkana ma'nassa tojengi, siagang inai-nai tena napinawangi yareka tena naturuki musti anggappai hukkungang siratannaya.

1 PETRUS 1:17

Ri wattunnu appala' doang, akkio' Manggeko mae ri Allata'ala. Jari, Iami anjo Allata'ala langngadeli rupataua situru' massing panggaukanna; na tena nalammile tau. Lanri kammana, genteng ri nia'nu ija ri anne linoa, parallui nupakala'biri' Allata'ala lalang ri katallassannu.

YUDAS 1:16

Anjo taua tuli a'reku'na ngaseng giginna siagang tuli nasalakanna tau maraenga. Tuli naturukiangi ke'nanga apa nakaerokia pa'mai' dorakana ke'nanga. Napalecei kalenna ke'nanga, siagang a'bali' ballammi ke'nanga sollanna akkulle anggappa passawallang.