KOLOSE 3:23 - KITTA' MATANGKASA'

²³ Jama-jamang apa mamo nugaukang, parallui nugaukang situlusu'na pa'mai'nu; sanrapang angkanaya untu' Batara nanugaukangi anjo jamanga, teai untu' rupataua bawang.

KOLOSE 3:23 ပူးပေါင်းရင်းမြစ်များ

2 PATTOTTORANG 31:21

A'jari jama-jamanna, lanri sikontu apa nagaukanga untu' Balla'Na Batara yareka untu' anturuki hukkung-hukkunNa Batara, attojeng-tojengi pa'mai'na anggaukangi siagang attojeng-tojengi pa'mai'na mangngamaseang ri Karaeng Allata'alana.

PAMMUJI 103:1

Battu ri Daud. Pujimi Batara, he nyawaku, sikontu pa'maikku, pujimi areng matangkasa'Na.

PAMMUJI 119:10

Lalang sibatu pa'maikku kuusahai angngassengKi', teaKi' lappassangngia' andakkai parentaTa.

PAMMUJI 119:145

Akkioka' mae ri Katte siagang sibatu pa'maikku; Kipiali laloa', o, Batara, erokka' mannuruki ri parentaTa.

PAMMUJI 119:34

Kipa'jari pahanga' ri hukkunTa sollanna kuturuki, siagang kugaukang siagang sibatu pa'maikku.

KATO'BA 9:10

Jamai sikontu tugasa'nu sipagassing-gassinnu. Saba' tenamo sallang pikkirang yareka jama-jamang. Tenamo pangngassengang yareka kacara'dekang ri linona tau matea. Na iami anjo lanumangei.

YEREMIA 3:10

Le'baki nagaukang ngaseng sikammaya anjo, ammotere'mi anjo tu Yehuda tamajarreka pa'mai'na mae ri Nakke mingka assara-saraiji, lanri tena natulusu' antama' ri atinna ke'nanga. INakke, Batara, anne a'bicara.”

MATIUS 6:16

“Punna appuasako, teako pinra-pinrai tanja'nu a'jari susa, kamma tau munapeka. Anjo tau munapeka nangai napinra-pinra tanja'na a'jari kamma tau susa punna appuasai, lanri ero'na niasseng ri taua angkanaya appuasai. U'rangi angkanaya ia tommi anjo pahalana ke'nanga punna niassemmo ri taua angkanaya appuasai. Pantaranganna anjo tenamo nalanggappa pahala maraeng ke'nanga.

ROMA 14:6

Nia' tau ampa'jari la'bi paralluangangi allo-allo attantua, lanri ero'na napakala'biri' Batara. Nia' tau a'rupa-rupai nakanre, lanri ero'na napakala'biri' Batara, nasaba' napakei appala' sukkuru' mae ri Allata'ala anjo kanrea. Kammatommi anjo tau kanre-kanreang attantuaji bawang nakanre; anjo taua napakala'biriki Batara siagang appala' sukkuruki mae ri Allata'ala.

ROMA 14:8

Punna attallasakki', untu' Batara nakiattallasa'. Napunna mateki', untu' Batara todong nakimate. Jari, ri attallasatta yareka ri mateta, anne kalenta Batara pata.

EFESUS 5:22

Ikau tu bai'-bainea, paralluko tundu' mae ri bura'nennu, sangkamma tundu' mae ri Batara makoasaya.

KOLOSE 3:17

Sikontu apa nugaukanga yareka nupaua, musti nugaukangi siagang nupaui lalang arenNa Batara Isa. Appala' sukkurukko mae ri Allata'ala Manggea lanri apa le'baka Nagaukang Isa untu' ikau.

1 PETRUS 1:22

Lanri mappilangngerinnu mae ri pangngajaranNa Allata'ala, parallui nutangkasi kalennu siagang nukamaseang julu tappa'nu situlusu'na pa'mai'nu. Lanri kammana, paralluko massing sikamaseang lalang sikalepu pa'mai'nu,

1 PETRUS 2:13

Lanri Batara, paralluko mappilangngeri mae ri tau anna'galaka koasa: baji' namae ri karaeng a'jari Kapala pamarentahang,

1 PETRUS 2:15

Nasaba' Nakellai Allata'ala sollanna lanri nugaukanna panggaukang bajika nakkullemo nujempang bawana sikamma tau a'bicara salaya.