KOLOSE 3:11 - KITTA' MATANGKASA'

¹¹ Kale'bakkanna allanynya'mi sikontu passimmaraenganna tu Yahudia siagang bansa-bansa maraenga, yareka tu nisunnaka siagang tu tenaya nisunnaki; tenamo passimmaraengang ri bansa battu-battua siagang tau bambalaka; tenamo passimmaraengang ri tu a'jari ataya siagang tu bebasaka; nasaba' Almasimi a'jari yangaseng-ngasenna. Asse're ngasemmi ke'nanga lalang ri Almasi!

KOLOSE 3:11 ပူးပေါင်းရင်းမြစ်များ

PAMMUJI 117:2

Saba' lompoi pangngamaseanNa Batara mae ri katte tamamminrayai satunggu-tungguna. Nipujimi Batara!

YESAYA 49:6

Nakana Batara ri nakke, “He atangKu, attayangi tugasa' lompoanganga ri kau; tena nanupoterang bawang sesa turunganna Yakub siagang nupoterang kalompoanna suku-suku Israel, mingka Kupa'jari tongko singara' mae ri bansa-bansaya, sollanna nipasalama' sikontu bonena linoa.”

YESAYA 52:10

Napappicinikang Batara kakoasanNa ri dallekang matanna sikontu bansaya. Nanasa'bi sikontu buttaya kasalamakkang battua ri Allata'alata.

YEREMIA 16:19

O Batara, iKattemi alla'langngia' siagang assarea' kagassingang; iKatte antulunga' ri wattungku kasukkarang. Labattui bansa-bansaya battu ri cappa'na linoa mae ri Katte na nakana, “Boe-boena ikambe poro rewata takontutojengaji bawang napatappa', tena sikalia matu-matunna.

YEHEZKIEL 47:22

siagang anjo buttaya a'jarimi nupatang satunggu-tungguna. Ia bansa maraeng niaka ammantang tuli ri tangnga-tangnganu, nampa nia' ana'-ana'na lassu', musti anggappa tongi bageang battu ri anjo buttaya. Anjo ke'nanga musti nipare' sangkammai bansa Israel, siagang musti amminawang tongi nigoccang arenna ke'nanga untu' anggappa butta punna nibagei anjo buttaya ri suku-suku Israel.

HOSEA 2:23

LaKupa'jari salewangangi tallasa'na ummakKu siagang ammantang tuli ri pa'rasanganna ke'nanga. Ri ke'nanga nigallaraka ‘Tenaya Nikamaseangi’ laKupappicinikangi angkanaya Kukamaseangi ke'nanga, na ri ke'nanga nigallaraka ‘Teai UmmakKu’, laKukanai, ‘Ikau Ngaseng UmmakKuko’. Lappiali ke'nanga kamma anne, ‘IKatte Allata'alana ikambe.’ ”

AMOS 9:12

Tu Israel lanakoasai pa'rasangang Edom niaka ija tassesa kammayatompa sikontu bansa Kupatanga riolo. INakke, Batara, anne a'bicara siagang iNakke langgaukangi anjo passalaka.”

MIKHA 4:2

lanakana ngaseng ke'nanga, “Umba kinai' ri bontoNa Batara ri Balla'Na Allata'alana Israel! LaNapangngajarrangi mae ri katte apa mustia nigaukang. Lanipinawangi oloanNa lanri pangngajaranNa Batara battu anjorengi ri Yerusalem; battu ri Sion a'bicara mae ri umma'Na.”

ZAKHARIA 2:11

Anjo wattua jai bansa labattu mae ri Batara untu' a'jari umma'Na. Ia lammantang ri tangnga-tangnganu, siagang lanuassengi angkanaya Batara assuroa' battu mae ri kau ngaseng.

MALEAKHI 1:11

NipakalompoA' ri sikamma bansa-bansaya ri sikontu linoa. Kere-keremae nitunui dupaya untu' ampakalompoi arengKu siagang nipassareangi sikamma koro'bang siratanga, ba'lalo sikontu bansaya napakalompoA'.

YOHANES 14:23

Appialimi Isa Nakana, “Inai-nai angkamaseangA', lanaturuki ajarangKu. Lanikamaseangi ri ManggeKu. LaniakKa' siagang Manggea battu mae ri ia, ammantang anrurungangi.

YOHANES 15:5

INakkemi sanrapang poko' anggoro', na ikau ngasemmi sanrapang tangke-tangkenna. Inai-nai tuli asse're siagang iNakke naKuasse're siagang ia, iami la'rappo jai; nasaba' punna pantarang KalengKuko, tena apa-apa lakkulle nugaukang.

YOHANES 17:23

asse'reA' siagang ke'nanga, na iKatte siagang iNakke, sollanna a'jari se're tojeng-tojeng ke'nanga. Jari lanaassemmi linoa angkana iKatte assuroA', siagang Kikamaseangi ke'nanga, sangkamma KikamaseangKu.

LAMPA-LAMPANA 15:17

sollanna sikamma anjo tau niaka tassesa naboyai Batara, assama-samai bansa maraenga, Kukioka a'jari ummakKu.’ Kammaminjo kananNa Batara,

LAMPA-LAMPANA 28:2

Sanna' ngaseng baji'na tuma'buttana anjo puloa mae ri kambe. Natarima maki' baji'-baji' siagang naparinrang maki' pepe' nasaba' appakkaramulami turung bosia kammayatompa sanna' tommo dinginna pakkasiaka.

LAMPA-LAMPANA 28:4

Nacini'na tuma'buttaya anjoreng ri anjo puloa ta'gentung anjo ularaka ri limanna Paulus, massing nakanamo ke'nanga, “Ma'nassa pabuno tau anne taua. Nasaba' manna pole ta'lappasa'mi battu ri bahaya ri tamparanga, mingka tena nikellai attallasa' ri Dewi Kaadelanga.”

ROMA 1:14

Nasaba' nia' tugasakku mae ri sikontu bansaya: ia angngassengamo atorang yareka tenapa nangngasseng atorang, ia niaka sikolana yareka tenayapa sikolana.

ROMA 10:12

Anne nataba ngasengi sikontu rupataua; nasaba' tena simmaraenna tu Yahudia siagang bansa-bansa maraenga. Anjo Allata'ala se'rea, Bataranai sikontu rupataua. Napassareangi barakka'Na alla'bia jaina mae ri sikamma tau appala' tulunga mae ri Ia.

ROMA 3:22

angkanaya, iaji naNasare Allata'ala oloang rupataua assibajiki siagang Allata'ala, punna tappa' taua mae ri Isa Almasi. Anne Nagaukangi Allata'ala untu' sikontu tau tappaka mae ri Almasi; nasaba' tena simmaraenna rupataua:

ROMA 3:29

Yareka lanri anjo Allata'ala, Allata'alanaji bawang tu Yahudia? Sai Allata'alana todong bansa maraenga? Memang Allata'alana tongi bansa maraenga!

1 KORINTUS 12:13

Kamma ngaseng tommaki' anjo; ikatte tu Yahudia kammayatompa bansa-bansa maraenga, ikatte nikanaya kalenta ata kammayatompa tau bebasaka, le'ba' ngaseng maki' nije'ne' lalang se're Roh, sollanta nipa'jari se're lalang ri tubuNa Almasi. Sukku' ngaseng tommi le'ba'na nikasia' kakoasanNa anjo Roh se'rea.

1 KORINTUS 14:11

Mingka punna takupahanga bicara napaua se'reang tau, anjo taua a'jarimi sanrapang tu battu pantarang pa'rasangang mae ri nakke; kammayatompa inakke sanrapamma' tu battu pantarang pa'rasangang mae ri anjo taua.

1 KORINTUS 7:19

Nasaba' nipinawangi yareka tena anjo paratorang sunnaka, rua-rua tena naparallu. Ia parallua iamintu mannurukia ri sikamma parentaNa Allata'ala.

GALATIA 2:20

Kamma-kamma anne teaimi kalengku attallasa' mingka Almasi attallasa' ri kalengku. Anne katallassang niaka ri nakke kamma-kamma anne, iamintu katallassang matappa' mae ri Ana'Na Allata'ala, mangngamaseanga ri nakke, siagang le'baka angkoro'bangkangi KalenNa untu' katallassangku.

GALATIA 5:6

Nasaba' punna asse'remi tallasatta siagang Almasi, tenamo naparallu anjo nikanaya mannuruki yareka tena, mae ri paratorang sunnaka. Ia mami parallu anjo tappaka mae ri Almasi; na anjo tappaka ma'nassai lalang ri pangngamaseanta mae ri paranta tau.

EFESUS 1:23

Anjo jama'aka sanrapangi TubuNa Almasi; Iami lampassukkuki baji'na sikontu apa-apa niaka ri kere-keremae.

EFESUS 2:14

Nasaba' KalenNa Almasi a'jari tu Mappasiamatta. Iami ampa'jari se'rei tu Yahudia siagang bansa-bansa maraenga, a'jari se're bansa. Anjo tembo' passimbanga, iamintu passimusuanga, le'ba'mi Naruntung lanri kamateanNa.

EFESUS 2:15

Le'ba'mi Napa'lanynya' hukkung-hukkung agama Yahudia siagang parenta-parenta kammayatompa paratorang-paratoranna; sollanna anjo bansa-bansaya a'jari se'rei bansa tau beru, asse'rea lalang ri Almasi. Kammaminjo bateNa Almasi mappasiama'.

EFESUS 3:17

Naporo lanri tappa'nu mae ri Almasi, nammantammo Almasi lalang ri atinnu; siagang na'jari jarre'mo katallassannu lanri tatta'gala' jarre'namo pangngamaseanga lalang ri kalennu.

EFESUS 3:6

Iaminne anjo rahasiaya: Passabakkang anjo Kabara' Bajika, para anggappami barakka'-barakka'Na Allata'ala bansa maraenga, siagang bansa Yahudia, iamintu barakka'-barakka' le'baka Napasadia Allata'ala; para a'jarimi ke'nanga anggota battu lalang ri tubu sangkammaya, siagang para natarima tommi ke'nanga apa Napa'janjianga Allata'ala tete ri Isa Almasi.

EFESUS 6:8

U'rangi angkanaya, massing-massing rupataua, baji' na ata yareka natau bebasa', lannarima ngasengi pa'balasa' battu ri Batara situru' apa-apa baji' le'baka nagaukang.

KOLOSE 2:10

Na lanri asse'renamo katallassannu siagang Almasi, nisare tommako katallassang sukkuka. Nasaba' Almasi a'jari kapala mae ri sikontu roh-roh makoasaya siagang ammarentaya.

1 YOHANES 5:20

Niassemmi angkanaya battumi Ana'Na Allata'ala siagang le'ba' maki' Napapahangngiang sollanta tappa' mae ri Allata'ala sitojennaya. Asse're maki' mae ri Allata'ala sitojennaya lalang ri katallassanta, kammayatompa asse're tommaki' mae ri Ana'Na, iamintu Isa Almasi. Iami Allata'ala sitojennaya, siagang Iami katallassang sitojennaya siagang mannannunganga.

2 YOHANES 1:9

Inai-nai tena nanna'gala' jarre' mae ri pangngajaranNa Almasi, passangalinna ammengkai battu ri apa le'baka Napangngajarrang, anjo taua tena Allata'alana. Inai-nai tuli anna'gala' mae ri pangngajaranNa Almasi, natarima tommi Allata'ala Manggea siagang pole Anaka.