KOLOSE 2:14 - KITTA' MATANGKASA'

¹⁴ siagang tanjaria maki' natuntu' ri sura' pangnginranganta, sannaka battala'na mae ri katte. Lanri nasalli'namo anjo sura' pangnginranganga mae ri kayu sallika, taNarekenga ngasemmi Allata'ala anjo laNatuntuka mae ri katte.

KOLOSE 2:14 ပူးပေါင်းရင်းမြစ်များ

NEHEMIA 4:5

TeaKi' pammopporangi kaja'dallanna ke'nanga siagang teaKi' kaluppai dosana ke'nanga, lanri le'ba'na nahina ikambe ambangunga kamma-kamma anne.”

ESTER 3:12

Jari tanggala' sampulo antallu bulang se're, nakioki Haman sikamma juru tulisi'na karaenga. Nampa nasuro ke'nanga annulisi' sura' situru' sikamma apa naparentakanga mae ri ke'nanga. Nampa nipalemba anjo bonena suraka antama' ri sikontu bahasa niaka nipake ri anjo pa'rasanganga; siagang nitulisi' tommi antama' ri tulisang niaka nipake ri sikontu anjo pa'rasanganga. Anjo suraka nitulisiki lalang arenna Karaeng Ahasyweros nampa nisitempele' siagang cincinna. Le'baki anjo nikirimmi linta' mange ri sikamma tau anna'galaka koasa, guburnur, siagang tumalompoa ri sikontu daera propinsia. Ia bonena anjo suraka, iamintu angkanaya ri tanggala' sampulo antallu bulang Adar, sikontu bansa Yahudi, baji' natoa yareka rungka, baji' nabaine yareka ana'-ana', musti nibuno ngasengi, takkulleai nipammopporang. Nampa sikontu barang-baranna ke'nanga musti nirampasaki.

ESTER 8:8

Mingka anjo sura' le'baka nitulisi' siagang nisitempele' lalang arenna karaenga, takkulleai nibeso' ammotere'. Mingka kusare ngasengko ising untu' annulisi' sura' ri passala'na bansa Yahudia, apa-apa mamo nukanaya baji' ri panggappanu. Tulisi'mi anjo suraka lalang arengku, siagang saremi sitempele'na karaenga.”

PAMMUJI 51:1

Untu' pamimpin pakelong. Pammuji natulisika Daud

PAMMUJI 51:9

Kitangkasia', sollangku a'jari tangkasa'; bissaia', sollangku a'jari kebo' sanrapang kapasa'.

YESAYA 43:25

Mingka iNakke Allata'ala allu'luki dosanu, Kupammopporangko lanri kammaminjo sipakKu; tena natuli Kuu'rangi dosanu.

YESAYA 44:22

Kasalannu Kubongkai rapang rammang, dosanu Kupakabellai rapang saliu'. Ammotere' mako mae ri Nakke, saba' le'ba' mako Kupakabebasa'!”

YESAYA 57:14

Nia' tau angkana, “Pareki siagang pasadiai oloanna ummakKu, pakabellai sikontu anrompaia.”

PAMMILANGNGANG 5:23

Nampa musti natulisi' imanga anjo kana pattunraya lalang ri gulungang karattasaka nampa nalu'lu' siagang anjo je'ne' paika.

LUKAS 1:6

Ningai ri Allata'ala katallassang pakkalabinianna ke'nanga. Nasaba' tutui ke'nanga anturuki ero'Na Allata'ala siagang sikamma atorang Napassareanga Allata'ala.

LAMPA-LAMPANA 3:19

Lanri kammana minjo sari'battangku ngaseng, nuparallumo massing toba' battu ri dosa-dosanu, siagang ammotere' mako ri Allata'ala sollanna naNapammopporang dosa-dosanu.

KOLOSE 2:20

Le'ba' mako mate siagang Almasi, siagang nilappassang battu ri roh-roh makoasaya ri anne linoa. Jari, angngapa nuttallasa' sangkamma ija tau nikoasaia ri anne linoa? Angngapa nutundu' mae ri paratorang-paratorang angkanaya,

2 TESALONIKA 2:7

Anjo kagassingang anggaukangai anjo kaja'dallanga appakkaramulami anjama cokko-cokko, mingka nitahang-tahangiji. Punna nipalesammo sallang anjo antahangai,

IBRANI 7:18

Jari, kamma-kamma anne nibokoimi paratorang salloa, lanri tena najarre' siagang tena matu-matunna.

IBRANI 8:13

Lanri appare'namo Allata'ala passijanjiang beru, a'jari toami siagang rotto'mi anjo passijanjiang rioloa; na anjo apa toayamo, tasalloami nalanynya'.

1 PETRUS 2:24

KalenNa Almasi ampisangi sikontu dosa-dosata irate ri kayu sallika, sollanta akkulle bebasa' battu ri kakoasanna dosaya, siagang nakiattallasa' situru' ero'Na Allata'ala. Loko'-loko'Nami Almasi ampamolleko ri garrinnu.