KELONG MALA'BIRI' 8:12 - KITTA' MATANGKASA'

¹² nampa anggappa ruambilangngang untu' sawala' posona. Boli'mi anjo doeka untu' ikau, Salomo, siagang untu' sikamma pajaga kokonnu. Mingka koko anggorokku, kalengku pata, niaki ri dallekangku.

KELONG MALA'BIRI' 8:12 ပူးပေါင်းရင်းမြစ်များ

PANGNGEBARANG 27:18

Inai ammarakai poko' rappo-rappoang, lanakanrei rapponna. Laningai palayanga punna napakalompo karaenna.

PANGNGEBARANG 4:23

Katutui bajiki atinnu, nasaba' atinnu ampattantui oloang tallasa'nu.

KELONG MALA'BIRI' 1:6

Teako parhatikangngi bukkuleng le'lengku, lanri nitaba' ri bambang allo. Larro ngasengi sikamma daengku ri nakke, kunasuro anjama ri koko anggoro'; tena kusawe angngurusuki kalengku.

KELONG MALA'BIRI' 2:3

Rapang poko' appele' ri tangngana poko' kayu romang, kammami anjo tanringku ri alla'na tu bura'nea. Sannang nyawaku a'la'lang rawanganna, rappo-rapponna te'nei kasia'na.

KELONG MALA'BIRI' 8:11

Nia' koko anggoro'na Salomo ri Baal-Hamon; anjo kokoa napassareangi mae ri pajagaya. Massing a'bayaraki sisa'bu doe' pera' untu' wassele'na

KELONG MALA'BIRI' 8:13

He, tau ammantanga ri kokoa, eroki aganga allangngereki sa'rannu; pilangngeriamma' anjo sa'rannu!

LAMPA-LAMPANA 20:28

Paralluko anjagai kalennu. Kammayatompa paralluko anjagai sikontu jamaah le'baka Napassareang RohNa Allata'ala mae ri kau untu' lanujagai; nasaba' le'ba' mako niangka' a'jari tummarakai ri anjo jama'aka. Parallui nujagai anjo jama'aNa Allata'ala, sanrapang pakalawaki anjagai gimbala'na; nasaba' le'ba'mi Napa'jari Allata'ala anjo jama'aka a'jari pisakaNa lanri kamateanNa Ana' KalenNa.

1 KORINTUS 6:20

Le'ba' mako Naballi Allata'ala, siagang lappasa'mi ballinnu. Lanri kammana, katutuimi anjo batangkalennu, sollanna akkulle nupa'matu-matu untu' ampakala'biriki Allata'ala.

2 KORINTUS 5:15

Matemi Almasi untu' sikontu rupataua, sollanna punna attallasa' rupataua, tenamo nauntu' kaparalluang kalenna bawang punna attallasa'; passangalinna untu' Almasi, iamintu le'baka mate siagang nipattallasa' poleanga ammotere' untu' kaparalluanna ke'nanga.

1 TESALONIKA 2:19

Tojeng-tojengi angkanaya ikau ngasemmi panrannuanna siagang karannuanna ikambe. Nasaba' punna battu sallang Batara Isa, nakiandallekang ri Ia, ikau ngasemmi nakalompoang nyawana ikambe!