KELONG MALA'BIRI' 7:10 - KITTA' MATANGKASA'

¹⁰ Inakke napatanga' tanringku, eroki ri nakke.

KELONG MALA'BIRI' 7:10 ပူးပေါင်းရင်းမြစ်များ

AYUB 14:15

Nampa laKikioka', kunampa lappiali todong; lamangngamaseangKi' ri nakke, tallasa' bate pa'jariTa.

PAMMUJI 147:11

Ia Nangaia Batara iamintu tau mappilangngeria, tau tuli manrannuanga ri pangngamaseanNa.

PAMMUJI 45:11

He, Tulolo, pilangngeri kana-kanangku, kaluppaimi bansanu siagang bija pammanakannu.

KELONG MALA'BIRI' 2:16

Tanringku inakke pata, na inakke ia pata, nakalawaki sikamma gimbala'na ri alla'na bunga-bunga bakunga

KELONG MALA'BIRI' 6:3

Inakke napatanga' tanringku, na ia kalenna inakke pata, nakalawaki gimbala'na ri tangngana bunga-bunga bakunga.

KELONG MALA'BIRI' 7:11

Umba kimange ri parang, tanringku, ki'bangngi ri kokoa ri tangnga-tangngana bunga pacaraka.

YEHEZKIEL 24:16

“He tau, ti'ring laKualle silalonnai tau kaminang nukamaseanga. Mingka takkulleako appiraung siagang angngarru', yareka nulappassang assolong je'ne' matannu.

YOHANES 17:24

Bapa', erokKa' angkanaya sikamma anjo tau Kipassareanga ri Nakke, lassiagang ngasengA' anjoreng ri tampa' Kupammantangia, sollanna akkulle nacini' ke'nanga kala'birangKu. Iamintu kala'birang Kipassareanga mae ri Nakke, lanri Kikamaseang memamMa' ri tenanapa nanipa'jari anne linoa.

LAMPA-LAMPANA 27:23

Nasaba' ri bangngia niaki malaeka'Na Allata'ala battu mae ri nakke, iamintu Allata'ala kusombaya, Allata'ala makoasaya mae ri kalengku.

GALATIA 2:20

Kamma-kamma anne teaimi kalengku attallasa' mingka Almasi attallasa' ri kalengku. Anne katallassang niaka ri nakke kamma-kamma anne, iamintu katallassang matappa' mae ri Ana'Na Allata'ala, mangngamaseanga ri nakke, siagang le'baka angkoro'bangkangi KalenNa untu' katallassangku.