KELONG MALA'BIRI' 7:1 - KITTA' MATANGKASA'

¹ O, tulolo mala'birika, ga'gana bangkennu ampakei anjo sandalaka. Bundala'na bonggannu rapangi belo-belo nipareka ri sitaua panre.

KELONG MALA'BIRI' 7:1 ပူးပေါင်းရင်းမြစ်များ

PA'JARIANG 32:3

Le'baki anjo nasuromi Yakub siapa are tau untu' a'jappa riolo mange ri pa'rasangang Edom untu' angngagangi sicini' Esau, daenna.

PAMMUJI 45:13

Pandudu'na Tirus angngerangi passare mae ri kau; tu kalumanynyanga ero'mi naboya pa'mai'nu.

KALAPPASSANG 28:15

“Apparekko untu' Imang Lompoa se're pa'lapa' barambang untu' nipake ri wattunna ero' niasseng angkana apa ero'Na Allata'ala. Bahanna siagang sulanna anjo pa'lapa' barambanga musti sangkammai siagang bahanna siagang sulanna efodka.

KALAPPASSANG 28:42

Nampa papparekangi ke'nanga saluara' bodo battu ri kaeng lenang; la'buna battu ri aya' sa'genna bongga untu' antongkoki bageang kalenna tenaya nasiratang nicini'.

KALAPPASSANG 35:35

Nisarei ke'nanga a'rupa-rupa kacara'dekang untu' jamang nipaka, cara'de' anrancang siagang attannung kaeng lenang alusu', wol gau', lame butung siagang eja, kammayatompa kaeng maraengannaya. Iami ke'nanga tau cara'de' anrancang siagang tau akkullea anggaukangi a'rupa-rupaya jama-jamang.

KELONG MALA'BIRI' 7:2

Pocci'nu rapangi cangkiri' a'bundala' tenaya nale'ba' kakurangang ri anggoro' nicampuru'. Battannu rapangi gandung nipatambung, nikulilingi ri bunga-bunga bakung.

DANIEL 2:32

Ulunna iamintu bulaeng ti'no' nipare', barambanna siagang paling-palinna battu ri pera', aya'na siagang pungku'na battu ri tambaga,

LUKAS 15:22

Mingka nakio'mi manggena sikamma palayanna na nakana, ‘Lintakko! Angngalleko pakeang kaminang ga'gaya, nanupipakeangi. Pipakei cincing karemenna, siagang pipakei sapatuna.

2 KORINTUS 6:18

La'jariMa' Manggenu, nula'jari ana'-anakKu, kammami anjo kananNa Batara Kaminang Makoasaya.”

EFESUS 6:15

Paralluko tuli rella ambirittakangi Kabara' Bajika, angngeranga kasalewangang; pakemi anjo a'jari sanrapang pa'lapa' bangkennu.

FILIPI 1:27

Jari, ia parallua kamma-kamma anne, iamintu musti attallasakko situru' apa nakaerokanga anjo Kabara' Bajika ri sesena Almasi. Jari, iaka nisigappa yareka tena, mingka lakulangngereki angkanaya majarrekko asse're, siagang lasiagang ngasengko anjama a'julu ero' siagang a'julu pattujuang; iamintu untu' katappakkang situru' anjo Kabara' Baji' battua ri Allata'ala.

KOLOSE 2:19

sa'genna tenamo natanjeng ke'nanga mae ri Almasi, a'jaria kapala mae ri ke'nanga. Irawangang pimpinanNa Almasi, sikontu tubua niparakai siagang nipa'jari se're ri passisambung-sambunganna, kammayatompa a'bakka' situru' ero'Na Allata'ala.