KELONG MALA'BIRI' 6:4 - KITTA' MATANGKASA'

⁴ Ikau ga'ga, sayangku, sangga'ga kota Yerusalem, sambaji' kota Tirzah. Sanna' angngallenu pa'mai', rapang tantara siagang bandera-banderana.

KELONG MALA'BIRI' 6:4 ပူးပေါင်းရင်းမြစ်များ

1 KARAENG-KARAENG 14:17

Le'baki anjo a'lampami bainenna Yerobeam mange ri Tirza. Ri wattu antama'na ri balla'na, matemi ana'na.

1 KARAENG-KARAENG 15:21

Nalangngere'na Baesa anjo kabaraka, ammarimi nakassakki Rama. A'lampami mange ri Tirza tenamo na'bundu' untu' sinampekang.

1 KARAENG-KARAENG 15:33

Ri makatallung taunna pamarentahanna Karaeng Asa ri Yehuda, Baesa ana'na Ahia a'jari karaeng ri sikontu Israel. Ammarentai ri Tirza ruampulo angngappa' taung sallona.

PAMMUJI 48:2

Tojeng, malompoi Batara siagang sanna' nipujina ri kota Allata'alata, ri bulu' matangkasaka.

PAMMUJI 48:3

Sion, bulu'Na Allata'ala, ammenteng sassa' sanna' ga'gana kotaNa Karaeng Malompoa ampakarannui sikontu linoa.

PAMMUJI 50:2

Battu ri Sion, kota kaminang ga'gaya, ammumbai Allata'ala siagang cayaNa.

KELONG MALA'BIRI' 1:15

Teai sipato' ga'ganu, sayang, tojeng tamaka ga'ganu! Matannu, rapangi mata bodobangkeng.

KELONG MALA'BIRI' 1:5

Manna kule'leng, mingka ga'gai tanjakku, he tulolonna Yerusalem; le'leng rapang kema-kemana Kedar mingka ga'gai rapang gordeng-gordenna balla' lompona Salomo!

KELONG MALA'BIRI' 2:14

O, bodobangkengku niaki ri alla'na batua, ri paccokkoang tubiri'na moncong batua, boli'mi kamma kucini' tanja'nu, nakulangngere' sa'rannu, lanri ga'gai tanja'nu, na baji' sa'rannu.

KELONG MALA'BIRI' 4:7

Ikau ga'ga sikaliko, sayangku, tena calla ri kalennu.

KELONG MALA'BIRI' 5:2

Attinroa', mingka tattinroai nyawaku. Langngereki, a'de'deki pakke'bu' tanringku. Sungkeia' pakke'bu', andi', tanringku, bodobangkengku, nakate'neanga pa'maikku; basai ulungku napakamma saliu', uukku rassi atti'na saliu' bangngia.

KELONG MALA'BIRI' 6:10

Inaika anjo battu mae, rapang allo ammumbaya, sangga'ga bulang cora, singara' kamma allo? Sanna' angngallena pa'mai', rapang tantara siagang bandera-banderana.

PIRAUNG 2:15

Sikontu tau allaloa, maccalla ngaseng ri kau, lanri ancuru'nu kabusu'mo. Ammenggong-menggong ulunna ke'nanga, na nakana, “Iakaminjo kota kaminang ga'gaya, kota kalompoanna linoa?”

ZAKHARIA 12:3

Mingka punna ta'rapi'mo anjo alloa, laKupa'jari Yerusalem sanrapang batu battalaka; manna pole bansa battu kemae ancobai angngangkaki langgappai bala. Sikontu bansaya ri lino lanapa'jari se'rei kalenna untu' ambunduki Yerusalem.

2 KORINTUS 10:4

Kagassinganna ikambe lalang anggaukangi anne jama-jamanga teai kagassingang battu ri anne linoa, passangalinna kagassingang battu ri Allata'ala. Iaminjo kagassinganga napake ikambe angngancuruki kagassinganna linoa, antepoki bicara pa'geakkanga,

EFESUS 5:27

Battu ri kammanami anjo naNapaenteng baji'mo siagang matangkasa'mo anjo jama'aka ri dallekanNa, tena sikali panra'na yareka tena sikali callanna manna sike'de'.

PAPPICINI' 21:2

Kucini'mi anjo kota matangkasaka, iamintu kota Yerusalem berua, turunga battu ri Allata'ala ri suruga. Le'ba'mi nipasadia anjo kotaya sanrapang bunting baine nimodeia untu' bunting bura'nena.