KELONG MALA'BIRI' 5:2 - KITTA' MATANGKASA'

² Attinroa', mingka tattinroai nyawaku. Langngereki, a'de'deki pakke'bu' tanringku. Sungkeia' pakke'bu', andi', tanringku, bodobangkengku, nakate'neanga pa'maikku; basai ulungku napakamma saliu', uukku rassi atti'na saliu' bangngia.

KELONG MALA'BIRI' 5:2 ပူးပေါင်းရင်းမြစ်များ

PA'JARIANG 29:20

Jari anjamami Yakub tuju taung sallona untu' anggappai Rahel. Nallallomo anjo taung-taunga sanrapang pirangalloji bawang ri pakkasia'na Yakub lanri sanna' mangngaina ri anjo tuloloa.

PAMMUJI 119:1

Mate'nei tau tenaya callanna lalang tallasa'na siagang mannurukia ri hukkunNa Batara.

PAMMUJI 81:10

Tea' laloko niakki alla maraeng ri alla'nu, tea' laloko anynyombai ri rewata bansa maraeng.

PANGNGEBARANG 23:26

Parhatikangi baji'-baji', siagang contoi tallasa'na, ana'!

KELONG MALA'BIRI' 1:16

Ikau gammara', sayang, tojeng tamaka gammara'nu! Ruku' moncongbuloa katinroanta.

KELONG MALA'BIRI' 2:10

Pilangngeri, a'bicarai tanringku mae ri nakke. Battu mako sayangku, mae mako tuga'gaku!

KELONG MALA'BIRI' 2:14

O, bodobangkengku niaki ri alla'na batua, ri paccokkoang tubiri'na moncong batua, boli'mi kamma kucini' tanja'nu, nakulangngere' sa'rannu, lanri ga'gai tanja'nu, na baji' sa'rannu.

KELONG MALA'BIRI' 2:8

Pilangngeri! Niaki battu tanringku! Rapangi ana' jonga yareka kijang. A'lumpa'-lumpa' ri moncong, a'lumpa'-lumpa' ri bulu'. Ciniki, niaki ammenteng ri bokona temboka, a'boya-boyai matanna; attoa' battu ri taralina jandelaya.

KELONG MALA'BIRI' 3:1

Bangngi-bangngina, ri katinroangku, kuboya tanringku lalang so'na; kuboyai, mingka sia-siaji bawang.

KELONG MALA'BIRI' 4:7

Ikau ga'ga sikaliko, sayangku, tena calla ri kalennu.

KELONG MALA'BIRI' 4:9

Nuallemi nyawaku, andi', buntingku, nuallei nyawaku lanri paccini'nu, lanri paramata ga'ga ri rantenu.

KELONG MALA'BIRI' 5:11

Ulunna rapangi bulaeng, bulaeng ti'no', uu'na akkarucicci' le'leng, le'leng kamma kalaa'.

KELONG MALA'BIRI' 5:6

Kusungkei pakke'bu' tanringku, mingka a'bokomi lampana. Sanna' nakkukku ri sa'ranna; kuboyai, mingka sia-siaji bawang. Kukioki arenna, mingka tena nappiali.

KELONG MALA'BIRI' 6:9

mingka se'reji bawang bodobangkengku, minasangku, ana' sitau nisayanna ri amma'na. Sikamma tulolo accinika mammuji ngaseng ri ia, sikamma baine karaeng siagang baine piarana lannasa' ngaseng.

KELONG MALA'BIRI' 7:9

bawanu te'ne kammai anggoro'! Lappassammi assolong anjo anggoroka mae ri tanringku, assolong tena tappu'na; appabangunga tanring passingaiang, ba'lalo ri sikamma tau attinroa.

KELONG MALA'BIRI' 8:7

Manna je'ne' jai takkulei nabuno pepe'na passingaianga, na a'baya takkulleai naanyukkang. Punna nia' tau ampassareangi sikontu barang-baranna untu' amballi passingaianga, mattantu poro pa'hinaji bawang lanagappa.

YESAYA 50:6

Kutannangngangi dongkokku tau eroka amba'jia'; na pilisikku mae ri tau eroka ambi'buki janggokku. Tena nakugilingi rupangku ri wattungku nihina siagang nipi'rui.

YESAYA 52:14

Riolo jai tau ta'bangka anciniki, nipanraki rupanna sa'genna tenamo nattanja' tau.

DANIEL 8:18

Lalang a'bicarana, a'jari tenamo kungngu'rangi. Mingka nata'galakka' nampa nabalia' ammenteng ammotere'. Nampa nakana,

ZAKHARIA 4:1

Battui pole anjo malaeka' le'baka a'bicara mae ri nakke nampa naronronga' sangkamma tau anroronga tau tinro.

MATIUS 7:8

Nasaba' inai-nai appala', iami lanisare; inai-nai a'boya, iami langgappa; siagang inai-nai ande'de' pakke'bu', iami lanisungkeang.

MATIUS 8:17

Lanri Nagaukanna ngasemmo Isa anjo sikammaya, a'rupami apa le'baka napau Na'bi Yesaya angkanaya, “Natanggongi sikontu pa'risitta siagang Napammolei sikontu garrinta.”

MARKUS 1:35

Ammukona, ri wattu subuna ija, ambangummi Isa nampa a'lampa ambokoi ballaka. Mangei ri tampa' sino-sinoa ri pantaranganna kotaya. Mangei anjoreng appala' doang.

LUKAS 6:12

Anjo wattua naiki Isa ri se'reang bonto, untu' appala' doang. Appala' doangi anjoreng sipattang bujuru'.

LUKAS 9:32

Anjo wattua attinroi Petrus siagang agang-aganna. Mingka ti'ring ambangummi ke'nanga, na nacini'mo ke'nanga accaya Isa, ammenteng siagang anjo tau ruaya.

YOHANES 10:4

Punna le'ba' ngaseng naerang assulu' anjo gimbalaka, a'jappami ri dallekang anjo pakalawakia; nampa amminawang ngaseng ri bokona anjo gimbalaka, lanri niassengi ri ke'nanga sa'ranna.

GALATIA 2:20

Kamma-kamma anne teaimi kalengku attallasa' mingka Almasi attallasa' ri kalengku. Anne katallassang niaka ri nakke kamma-kamma anne, iamintu katallassang matappa' mae ri Ana'Na Allata'ala, mangngamaseanga ri nakke, siagang le'baka angkoro'bangkangi KalenNa untu' katallassangku.

EFESUS 5:14

Na sikontu apa nicini' bajika, a'jari singara'mi. Iaminjo saba'na nania' nikana, “Ambangungko ikau tau tinroa, ammentengko nai' battu ri kamateanga! Accayami singara'Na Almasi irateangannu.”

PAPPICINI' 14:4

Iaminjo ke'nanga le'baka anjagai katangkasanna ke'nanga lanri tenana nale'ba' sialle siagang bai'-bainea; tangkasaki ke'nanga sangkamma tuloloa. Amminawangi ke'nanga ri Ana' Gimbalaka manna kemae Nalampai. Iaminjo ke'nanga le'baka nilappassang battu ri sikontu rupataua, a'jari bungasa' passare mae ri Allata'ala siagang mae ri Ana' Gimbalaka.

PAPPICINI' 3:20

Ciniki! NiakKa' ammenteng ri dallekang pakke'bu' siagang akkatto' pakke'bu'. Punna nia' allangngereki sa'rangKu, nanasungkeangA' pakke'bu', lantamakKa' ambuntuli; lasipangnganreangA' siagang ia, siagang lasipangnganreangi siagang iNakke.

PAPPICINI' 3:4

Mingka ri tangnga-tangnganu ri Sardis, nia' ija tau anjagai sollanna tuli tangkasa' pakeanna. Anjo ke'nanga lassiagangA' a'jappa ammakeang kebo', nasaba' nipassiratangi ke'nanga untu' anjo.