KELONG MALA'BIRI' 5:13 - KITTA' MATANGKASA'

¹³ Pilisi'na rapangi koko rampa mabau', muncenna rapang bunga bakung appamatti' muru' tanibengkoro'.

KELONG MALA'BIRI' 5:13 ပူးပေါင်းရင်းမြစ်များ

PAMMUJI 27:4

Se'reji bawang kupala' ri Batara, iajinne bawang kukaerokia: ammantanga lalang ri Balla'Na Batara lalang sikontu umurukku, untu' angkasiaki kabajikanNa Batara siagang appala' panrurunNa.

PAMMUJI 45:2

Kana-kana bajika assulu' tojemmi battu ri atingku, kupangngadakkangi kelongku mae ri karaenga. Sanrapang pulpenna se'rea tucara'de' annulisi', sadiai lilaku appau kana-kana baji'.

PAMMUJI 45:3

Ikaumi kaminang gammara' ri alla'na sikontu rupataua, kana-kanannu rassi kabajikang, lanri kammana minjo naNabarakkakiko Allata'ala sa'genna satunggu-tungguna.

PAMMUJI 89:15

Dasara'na kakaraenganTa iamintu kaadelang siagang hukkung, pangngamaseanTa siagang tamamminraTa a'nyatai lalang sikontu tindakanTa.

KELONG MALA'BIRI' 1:10

Ga'gai pilisi'nu alla'na belo-beloa, kallong ga'ganu ammake rante paramata.

KELONG MALA'BIRI' 1:16

Ikau gammara', sayang, tojeng tamaka gammara'nu! Ruku' moncongbuloa katinroanta.

KELONG MALA'BIRI' 2:1

Inakke poro bunga rosija' battu ri Saron, rapang bunga bakung niaka ri ka'bung.

KELONG MALA'BIRI' 3:6

Apa kutadeng anjo niaka battu ri parang lompoa, sangkamma umbu a'rumbua? Bau'na sangkammai muru' siagang kamanynyang, siagang ba'ra' battua ri padangganga.

KELONG MALA'BIRI' 4:11

Baji'na kana-kanannu, buntingku, sanrapang je'ne' bani siagang dadi'. Pakeannu sambauki Moncong Libanon.

KELONG MALA'BIRI' 5:5

Nakumbangummo nai' ero' ansungkeangi pakke'bu' tanringku. Ammatti' muruka battu ri limangku siagang karemengku, ambasai ta'galanna panjoli pakke'buka.

KELONG MALA'BIRI' 6:2

Tanringku mangei ri kokonna, ri koko rampa-rampana untu' angkalawaki sikamma gimbala'na ri kokoa, nampa angngattili' bunga-bunga bakung.

YESAYA 50:4

Batara Kaminang Tinggia angngajarakka' a'bicara, sollanna akkulle kanangku ampakajarreki tau la'baya pa'mai'na. Tunggala' bari'basa' Napabangungi erokku untu' ampilangngeri ajaranNa mae ri nakke.

YESAYA 50:6

Kutannangngangi dongkokku tau eroka amba'jia'; na pilisikku mae ri tau eroka ambi'buki janggokku. Tena nakugilingi rupangku ri wattungku nihina siagang nipi'rui.

LUKAS 4:22

Sanna' ngaseng baji'na kana-kana Napasuluka. Sa'genna lannasa'mo taua allangngereki, na nipakkontutojeng ri ke'nanga. Nakanamo ke'nanga, “Sai ana'na Yusuf anne Taua?”

PAPPICINI' 21:23

Tena naparallu nasiori mataallo yareka bulang anjo kotaya, lanri nisiorimi ri kala'biranNa Allata'ala, siagang Iaminjo Ana' Gimbalaka a'jari lampunna.