KELONG MALA'BIRI' 4:8 - KITTA' MATANGKASA'

⁸ Umba kinaung battu ri Libanon, buntingku, umba kinaung battu ri Libanon. Naungko battu ri coppo'na Amana, battu ri coppo'na Senir siagang Hermon, tampa' pammantanganna macanga siagang singaya.

KELONG MALA'BIRI' 4:8 ပူးပေါင်းရင်းမြစ်များ

1 KARAENG-KARAENG 4:33

Akkullei a'bicara ri sesena poko'-pokoka siagang lamung-lamunga – battu ri poko' camaraya ri Libanon sa'genna ruku'-ruku' lu'mu' attimboa ri rinring-rinring batua. A'bicara tongi ri sesena olo'-oloka, sangkamma ebara'na olo'-olo' akka'nyika, olo'-olo' allosonga siagang jukuka.

2 KARAENG-KARAENG 5:12

Binanga Abana siagang Parpar ri Damsyik la'bi bajikangngangi na binanga manna pole kemae binanga niaka ri Israel. Akkullea' a'je'ne' anjoreng nampa a'jari bajikka'!”

1 PATTOTTORANG 5:23

Sipa'gang suku Manasye ammantangi ri daera Basan sa'genna wara' ri Baal-Hermon bellana, Senir, siagang Moncong Hermon. Pila' mange allo pila' katambangi jaina ke'nanga.

PAMMUJI 45:10

Ri alla'na dayang-dayang balla' lompoa nia' ana'-ana' tulolonna karaeng. Ri sa'ri kanang empoang kala'biranga ammentengi bainenna karaeng ammake belo-belo bulaeng ti'no'.

PAMMUJI 72:16

Poro alla'bi-la'bi gandunga ri sikontu pa'rasangang, na rassi bulu'-bulu'na siagang wassele'na buttaya. Poro coppongi buttana sangkamma Bulu'-bulu'na Libanon, napila' katambang pandudu' kotana sanrapang ruku' ri parang.

PAMMUJI 76:1

Untu' pamimping pakelong. Nirurungang ri kacapi. Pammujina Asaf. Kelong-kelong.

PAMMUJI 76:4

Anjorengi Naancuru' sikontu pakkakasa' pa'bundukanga, sikontu pana accillaka, pa'lapa' barambang siagang pa'dang.

PAMMUJI 89:12

IKatte pata langika siagang buttaya, bate paretTa linoa siagang sikontu bonena.

PANGNGEBARANG 9:6

Bokoi kadongokanga, sollannu attallasa' mate'ne. Pinawangi oloanna tau cara'deka.”

KELONG MALA'BIRI' 2:13

Appakkaramulami a'rappo poko' araya, a'rasami bau'na bunga poko' anggoroka. Battu mako sayangku, mae mako tuga'gaku.

KELONG MALA'BIRI' 5:1

Battua', mae ri kokongku, andi', buntingku, appasse'rea' muru' siagang rampa-rampa; kukanrei ru'mung baniku siagang je'ne' baniku, kuinungi dadika siagang je'ne' anggorokku. Angnganre siagang angnginung ngaseng mako, bela-belaku, angnginungko sa'gennu nasa'ring pattanringang.

KELONG MALA'BIRI' 7:11

Umba kimange ri parang, tanringku, ki'bangngi ri kokoa ri tangnga-tangngana bunga pacaraka.

YESAYA 62:5

Rapang se're turungka ambuntingi se'rea tulolo, kammaminjo Mappa'jarinu laNanikkaiko. Rapang bunting bura'ne rannu anciniki bainenna, kammaminjo batenu laNingai ri Allata'ala.

YEHEZKIEL 27:5

Rinrinnu kayu arasa' battu ri Bulu' Hermon benteng sombala'nu kayu camara battu ri Libanon.

YOHANES 12:26

Inai-nai ero' a'jari palayang mae ri Nakke, musti amminawangi ri Nakke; sollanna kemae-kemae pammantangangKu akkulle tongi nia' palayangKu anrurungangA'. Inai-nai a'jari palayang ri Nakke, iami lanipakala'biri' ri ManggeKu.”

PAOLE 3:25

Kisarema' pangngellai untu' allimbangi Binanga Yordan, Batara, untu' anciniki pa'rasangang copponga buttana, moncong ga'gaya siagang Monconna Libanon.

PAOLE 3:9

Anjo Moncong Hermon niarengi Siryon ri tu Sidon, nampa niarengi Senir ri tu Amori.)

YOSUA 12:1

Daera niaka ri bageang rayanganna Yordan, battu ri Ka'bung Binanga Arnon tulusu' nai' ri Ka'bung Yordan sa'genna mange ri Moncong Hermon bellana ri bageang wara', le'ba'mi nialle siagang nipammantangngi ri tu Israel. Nia' rua karaeng nabetaya ke'nanga.