KELONG MALA'BIRI' 4:14 - KITTA' MATANGKASA'

¹⁴ narwastu, kunyi', kayu te'ne siagang ta'bu, siagang sangka' rupa poko' kayu kamanynyang. Muru' siagang gaharu, siagang sangka' rupa rampa-rampa nipilea.

KELONG MALA'BIRI' 4:14 ပူးပေါင်းရင်းမြစ်များ

PA'JARIANG 43:11

Jari nakanamo manggena ke'nanga, “Punna memang musti kammai, erangi wassele' kaminang bajika anrinni ri pa'rasanganga nampa nupantama' ri karunnu, nanusare hadia anjo guburnurka, iamintu: Kismis, je'ne' bani, rampa-rampa, rappo sapiri siagang rappo badang.

1 KARAENG-KARAENG 10:10

Nampa anjo karaeng baine battua ri pa'rasangang Syeba assaremi hadiah mae ri Salomo ia naeranga, iamintu la'bi 4.000 kilo battala'na bulaeng siagang jai batu paramata, kammayatompa rampa-rampa. Tena le'bakami ribokoangannaya Salomo annarima kammaya anjo jaina rampa-rampa sangkamma anjo napassareanga anjo karaeng baine battua ri pa'rasangang Syeba mae ri ia. (

2 PATTOTTORANG 9:9

Nampa napassareang anjo ratu battua ri pa'rasangang Syeba mae ri Salomo hadia-hadia naeranga, iamintu la'bi 4.000 kilogarang bulaeng siagang majai batu paramata kammayatompa rampa-rampa. Tena le'bakami Salomo ribokoangannaya annarima passare rampa-rampa kammaya baji'na anjo napassareanga ratu battua ri pa'rasangang Syeba mae ri ia. (

PAMMUJI 45:8

Nungai katojenganga siagang nukabirisi kaja'dallanga; lanri kammana, Allata'ala, Allata'alata Napile mako, siagang Napakate'ne mako la'biangang na karaeng maraenga.

KALAPPASSANG 30:23

“Angngalleko rampa-rampa kaminang baji', annang kilo mur assolonga, tallu kilo kayu te'ne, tallu kilo ta'bu bau',

PANGNGEBARANG 7:17

siagang le'ba'mi kusarei minynya'-minynya' bau' muru', candana, siagang kayu te'ne.

KELONG MALA'BIRI' 1:12

Lalang anra'bana karaengku ri katinroanna, ma'rasai minynya' mabaukku.

KELONG MALA'BIRI' 3:6

Apa kutadeng anjo niaka battu ri parang lompoa, sangkamma umbu a'rumbua? Bau'na sangkammai muru' siagang kamanynyang, siagang ba'ra' battua ri padangganga.

KELONG MALA'BIRI' 4:6

Eroka' mange ri moncong muru', mange ri bulu' kamanynyang, sa'genna ammiri' anging bari'basaka, napa'lanynya' sassanna bangngia.

KELONG MALA'BIRI' 5:1

Battua', mae ri kokongku, andi', buntingku, appasse'rea' muru' siagang rampa-rampa; kukanrei ru'mung baniku siagang je'ne' baniku, kuinungi dadika siagang je'ne' anggorokku. Angnganre siagang angnginung ngaseng mako, bela-belaku, angnginungko sa'gennu nasa'ring pattanringang.

KELONG MALA'BIRI' 6:2

Tanringku mangei ri kokonna, ri koko rampa-rampana untu' angkalawaki sikamma gimbala'na ri kokoa, nampa angngattili' bunga-bunga bakung.

PAMMILANGNGANG 24:6

Rapangi lappara' luaraka, yareka koko niaka ri biring binangaya; rapang poko' gaharu Nalamunga Batara, poko' arasa' niaka ri biring kaloroka.

MARKUS 16:1

Ri wattunna allalomo allo Pammari-marianga, a'lampami Maria Magdalena, Maria amma'na Yakobus, siagang Salome, mange ammalli minynya'-minynya', untu' lanapake amminynya'-minynyaki maya'Na Isa ri jeraka.

YOHANES 19:39

A'lampa tommi Nikodemus le'baka battu ri wattunna bangngi mae ri Isa. Angngerammi Nikodemus rampa-rampa, kammaya campurang minynya'-minynya' bau', siagang minynya'-minynya' bau' cendana – kira-kira nia' tallumpulo kilogarang jaina battala'na.

PAPPICINI' 18:13

kuli' kayu bauka, rampa-rampaya, sitanggi, minynya' bau', siagang kamanynyang; anggoro' siagang minynya', tarigu siagang gandung; sapi siagang gimbala'; jarang siagang bendi, ata-ataya, ba'lalo nyawana pole taua.