KELONG MALA'BIRI' 4:13 - KITTA' MATANGKASA'

¹³ Anjorengi attimbo poko'-poko' delimaya, siagang rappo-rappoang kaminang nyamanga. Bunga pacara' siagang narwastu,

KELONG MALA'BIRI' 4:13 ပူးပေါင်းရင်းမြစ်များ

PAMMUJI 92:14

Sanrapangi ke'nanga poko' nilamunga ri Balla'Na Batara, a'bakkaka ri Balla'Na Allata'alata,

KELONG MALA'BIRI' 1:12

Lalang anra'bana karaengku ri katinroanna, ma'rasai minynya' mabaukku.

KELONG MALA'BIRI' 1:14

Tanringku rapangi bunga attimboa ri koko-koko anggoro' En-Gedi.

KELONG MALA'BIRI' 2:3

Rapang poko' appele' ri tangngana poko' kayu romang, kammami anjo tanringku ri alla'na tu bura'nea. Sannang nyawaku a'la'lang rawanganna, rappo-rapponna te'nei kasia'na.

KELONG MALA'BIRI' 4:14

narwastu, kunyi', kayu te'ne siagang ta'bu, siagang sangka' rupa poko' kayu kamanynyang. Muru' siagang gaharu, siagang sangka' rupa rampa-rampa nipilea.

KELONG MALA'BIRI' 4:16

Ambangungko, he anging battu waraka, battuko mae, he anging battu timboro'! Ammirikko ri kokongku, lappassammi a'rasa kabaukanna. Dasi-dasi nabattu tanringku mae ri kokonna, na nakanre rappo-rappo nyamanga.

KELONG MALA'BIRI' 6:11

Battua' mae ri koko kenari, accini' bunga-bunga ri ka'bung; gassingka a'bungami poko' anggoroka, siagang poko' delimaya kamma todong.

KELONG MALA'BIRI' 6:2

Tanringku mangei ri kokonna, ri koko rampa-rampana untu' angkalawaki sikamma gimbala'na ri kokoa, nampa angngattili' bunga-bunga bakung.

KELONG MALA'BIRI' 8:2

Lakuerangko mange ri balla'na ammakku, sollanna akkullea' nuajara'. Lakusareko angnginung anggoro' bauka rasanna, siagang je'ne' rappo delima.

YESAYA 60:21

Lannabai tindakanna pandudu'nu, lanapatangi ke'nanga pa'rasanganga satunggu-tungguna. Rapangi ke'nanga lamungang Kucangkoka KalengKu, untu' ampa'nyatai kala'birangKu.

YESAYA 61:11

Rapang bine nipakioroka lattimboi a'jari lamung-lamung, kammaminjo Karaeng Allata'ala ampatimboi kasalamakkanga na sikontu bansaya lamammuji mae ri Ia.”

YO"EL 2:8

Tena nasiassa'-assa' ke'nanga, massing ri garisi'na tonji a'jappa. Appada-padai ke'nanga allappoi sikontu pattahangnganga, takkulleai nitahang barisanna ke'nanga.

MARKUS 14:3

Ri wattunna nia' Isa ri Betania, ri balla'na Simon le'baka garring sala, nia' sitau baine battu mae ri Ia. Angngerangi sibotolo' minynya'-minynya' bau', sannaka ka'jala'na ballinna nipareka battu ri aka'-aka' kayu bauka. Ri wattunna ammempo angnganre Isa nasungkemi anjo bainea anjo botoloka nampa natumpa anjo minynya'-minynyaka ri ulunNa Isa.

YOHANES 12:3

Battumi Maria angngerang minynya'-minynya' sannaka bau'na, kira-kira nia' sitangnga litere' jaina, sannaka ka'jala'na ballinna. Napatiri'mi anjo minynya'-minynyaka ri bangkenNa Isa, nampa nalu'lu' siagang uu'na. A'jari bau' ngasemmi niara' lalang sibatu balla' napakamma anjo minynya'-minynyaka.

FILIPI 1:11

Lakala'biang mako ri sikamma panggaukang bajika; iamintu jama-jamang KalenNaya bawang Isa akkulle anggaukangi; naporo nipakala'biri'mo siagang nipuji-pujimo Allata'ala.