KELONG MALA'BIRI' 2:3 - KITTA' MATANGKASA'

³ Rapang poko' appele' ri tangngana poko' kayu romang, kammami anjo tanringku ri alla'na tu bura'nea. Sannang nyawaku a'la'lang rawanganna, rappo-rapponna te'nei kasia'na.

KELONG MALA'BIRI' 2:3 ပူးပေါင်းရင်းမြစ်များ

PAMMUJI 45:2

Kana-kana bajika assulu' tojemmi battu ri atingku, kupangngadakkangi kelongku mae ri karaenga. Sanrapang pulpenna se'rea tucara'de' annulisi', sadiai lilaku appau kana-kana baji'.

PAMMUJI 45:3

Ikaumi kaminang gammara' ri alla'na sikontu rupataua, kana-kanannu rassi kabajikang, lanri kammana minjo naNabarakkakiko Allata'ala sa'genna satunggu-tungguna.

PAMMUJI 57:1

Untu' pamimping pakelong. Situru' lagu: TeaKi' papossoki. Pammujina Daud, ri wattunna lari antama' ri kali'bong batua alliliangi Saul.

PAMMUJI 89:6

Passirapakkanga ri suruga mammuji ri gau'-gau' mappakalannasatTa, na nakelongang tamamminraTa, o, Batara.

PAMMUJI 91:1

Sikamma tau a'la'langa mae ri Kaminang Tinggia, ammantanga lalang ri pa'la'langanNa Kaminang Koasaya,

KELONG MALA'BIRI' 1:16

Ikau gammara', sayang, tojeng tamaka gammara'nu! Ruku' moncongbuloa katinroanta.

KELONG MALA'BIRI' 2:5

Pakajarreka' siagang te'nena rappo anggoroka, pakkamalea' siagang rappo appele', lanri inakke garring pattanringa'.

KELONG MALA'BIRI' 4:13

Anjorengi attimbo poko'-poko' delimaya, siagang rappo-rappoang kaminang nyamanga. Bunga pacara' siagang narwastu,

KELONG MALA'BIRI' 4:16

Ambangungko, he anging battu waraka, battuko mae, he anging battu timboro'! Ammirikko ri kokongku, lappassammi a'rasa kabaukanna. Dasi-dasi nabattu tanringku mae ri kokonna, na nakanre rappo-rappo nyamanga.

KELONG MALA'BIRI' 5:16

Tamaka baji'na pau-pauanna, yangasenna ri kalenna angngallei pa'mai'. Kammaminjo tanringku siagang sahabakku, he sikamma tulolonna Yerusalem!

KELONG MALA'BIRI' 7:13

Aka' poko' kayu mabau' rasanna, ri ampi' pakke'butta nia' rappo-rappo kayu nyamang, salloamo siagang berua le'ba' niallena; kuboliki anjo untu' ikau, tanringku.

KELONG MALA'BIRI' 8:11

Nia' koko anggoro'na Salomo ri Baal-Hamon; anjo kokoa napassareangi mae ri pajagaya. Massing a'bayaraki sisa'bu doe' pera' untu' wassele'na

KELONG MALA'BIRI' 8:12

nampa anggappa ruambilangngang untu' sawala' posona. Boli'mi anjo doeka untu' ikau, Salomo, siagang untu' sikamma pajaga kokonnu. Mingka koko anggorokku, kalengku pata, niaki ri dallekangku.

KELONG MALA'BIRI' 8:5

Inaika anjo, niaka battu ri parang lompoa ammanjeng ri tanrinna? Kupabangungko irawanganna poko' appele', tampa'nu nitianangngang siagang nilassukang.

YESAYA 25:4

Saba' iKattemi palararianna tau lammaya, tampa' amanga mae ri tu kasi-asia lalang kasukkarranga. IKattemi pa'la'langngang battu ri anging lompoa, pa'la'langngang battu ri bambanna alloa. Saba' tau pallaka a'bakkai rapang anging lompo ri wattu bara',

YESAYA 32:2

Yangasenna ke'nanga lamassing la'jari rapang tampa' pa'la'langngang battu ri anging siagang barubua. Rapangi ke'nanga binanga a'lo'loroka ri parang kassika, rapang pa'la'langang batu lompo ri butta kalotoroka.

YESAYA 4:2

Nia' sallang wattunna naNapa'jari Batara sikamma lamung-lamunga siagang poko'-pokoka a'jari lompo siagang ga'ga ri anne pa'rasanganga. Anjo wattua tu Israel salamaka larannui pa'mai'na siagang lalompoi pa'mai'na lanri baji'na wassele' kattoanna.

YESAYA 4:6

LaNala'langi battu ri bambanna alloa punna allo, kammayatompa a'jari tampa' pa'la'langngang battu ri bosia siagang anging lompoa.

YEHEZKIEL 47:12

Ri sikamma birinna anjo binangaya napattimboi sangka' rupa poko' kayu rappo-rappoang. Tale'bakai kalumeng leko'na anjo poko'-pokoka, siagang tena la'busu'na rapponna. Anjo poko'-pokoka lappa'niaki rappo-rappo beru ri tunggala' bulang, nasaba' tuli nibasaina ri je'ne' a'lo'loroka battu ri Balla'Na Batara. Rapponna a'jari kanreang-kanreang siagang leko'na a'matu-matui untu' pa'balle.”

YO"EL 1:12

Poko' rappo-rappoa ri paranga a'jari kalotoro' ngasemmi; poko' anggoro', appele', ara, koro'ma siagang delima. Na tarannuamo pa'mai'na ra'yaka.

IBRANI 12:2

Parallui tuli tattuju paccinitta mae ri Isa, nasaba' Iami ampabangungi siagang amparakai tappatta battu ri pakkaramulanna sa'genna kala'busang. Attahangi Isa angkasiaki sessaya ri kayu sallika! TaNajampangiai angkanaya anjo matea ri kayu sallika sannaki appakasiri'na. Iaji bawang Nau'rangi karannuang laNakasiaka sallang. Nakamma-kamma anne ammempomi ri sa'ri kanang empoang kala'biranNa Allata'ala, ammarenta siagang Allata'ala.

HAKING-HAKING 9:15

Appialimi anjo rompo' akkatintinga, ‘Punna attojeng-tojeng ngasengko ero' ampa'jaria karaennu, maeko a'la'lang irawangangku. Punna tena nuero' lassuluki pepeka battu ri anne tangke-tangke akkatintingku na natunu ngaseng sa'genna la'busu' sikontu poko'-poko' arasa' niaka ri Libanon.’ ”